سلام عليكم
قراءه ممتعه
احبك بأحســــاس لأن الإحســـاس لغــة الـروح
أحبـــــك بصمـــت لأن الصمــت لغـــة العقـــول
أحبـــــك بهمـس لأن الهمـس لغــة القلـــوب
أحبـــــك بإبتسامــه لأن الإبتسامه لغة الشفــــاه
أحبـــــك بدمــع لأن الدمـع لغـة العُيــون
أحبـــــك بسكـوت لأن السكـوت لغـة الليــل
_______________________________________
جمانه ....
بقيت ويه كيان نفس الوضع يهتم بيه مثل الطفل صار يدرسني باليل قليل ونظراته الي صارت تختلف واذا لبست شي ضيك يعصب ويخليني انزعه إجباري احب اعاند وياه بس من يعصب كلش لا اسمع كلامه صار موعد الدوام قريب كلش ما حتاجيت ملابس لان عندي هوه كلي حتى يشتريلي ورفضت
اليوم اول يوم الي اداوم بالكليه لبست تنوره سوده وقميص ابيض وحذاء رياضيه خليت مكياج طبيعي لفيت الشال وبقيت اباوع على شكلي بالامرايه واشوف ملابسي فرحانه وفرحتي ما تنوصف شويه وطلع كيان من الحمام الابس قميص ابيض وستره سوده وبنطرون اسود تقدم على المرايه وصار يعدل بشعره واني بعدني واكفه يم مرايتي واباوع على شكلي كمل هوه وكال
كيان : مو كافي مكابله المرايه واكفه
جمانه : فرحانه بروحي
كيان : تره اليوم عادي مابي شي راح تتعرفين على الدكاتره والطلاب والقاعده بس ومن هسه راح انطيج تعليمات وخليهن بالج
جمانه : وشنو هنه
كيان : لا تحجين ويه اي ولد لان راح ياخذون نظره عليج بساع وصديقاتج اختاريهن زينات مثلج مو ياهي جان صادقتيه
جمانه : ماشي بعد اكو شي ثاني
كيان : لا تكولين صف كولي قاعه والمدرس دكتور مو أستاذ والفرصه استراحه ماشي
جمانه : هااا هاي صعبات
كيان : والله شاك بيج ما دبريه
جمانه : بس فهمني شلون اكول للمدرس دكتور
كيان : يعني شلون تكوليه هوه دكتور
جمانه : قوانين ضالمه
كيان : بعد اكو المدير يسمونه عميد
جمانه : بطلت ما اريد اداوم
كيان : ههه بنجرتي من البدايه
جمانه : والله صعبات عليه شلون راح اتعود عليهن
كيان : تتعودين يله كومي اذا ما عندج شي خل ننزل
جمانه : اي ماشي بس كلي شنو تتريك
كيان : جبن
جمانه : خوش
نزلت اني وياه تريكنه جبن وطلعنه بقيت امشي وياه وبعده اخذنه تكسي وصلنه الجامعه بغداد اباوع على الطريق فرحانه وصلنه للجامعه نزلنه اني و كيان وطبينه قريت الاسم جامعه بغداد بقيت ويه كيان وين ما يمشي امشي وياه لان ما اندل
