فصليتي لحب طفولتي

بارت رقم 5

سلام عليكم

قراء ممتعه

مجبور أفكر بيك .❤
مو بيدي انساك ..💖
روحي اشكثر ترتاح ❤
من تحجي وياك .💞

_____________________

كيان : اي ادري اني جاي اتوهم لا أكثر

بقى يصنف عليه ويضحك ضجت منه ورجعت نمت

كيان : جمانه تدرين..

قاطعته وكلتله

جمانه : لا ما ادري ولا أراح ادري شتريد مني

كيان : بعد الأحسن ارجعي نامي انتي الخسرانه

جمانه : لا الله عليك كول على الأساس متت من الفضول عادي اليوم بفلوس وباجر بلاش الخبر

كيان : عمي انتي الخسرانه والله لان الخبر الي اكوله الج مهم

جمانه : احجي لعد

كيان : لا بطلت

كمت من مكاني وكلتله

جمانه : لا حباب احجي شتريد

كيان : بطلت والله ما احجي يله نامي راح اطفي الاضويه

جمانه : كيان حباب احجي

كيان : انطيني 10 واكلج

جمانه : والله راتب المرحوم بعدني ما مستلمته

كيان : ان شاء الله تستلمي

جمانه : والله انته بطران

كيان : والله انتي صحيتي حتى مرض مابيج

جمانه : من وره سوالفك وشوربتك الي ما ادري منين مصنوعه

كيان : تردين مكونات الشوربه بس ادري بيج راح تلعب نفسج اذا حجيت

جمانه : لعد لا تحجي بس صدك بالشوربه خال لحم او شي

كيان : اي

جمانه : شنو هوه

كيان : ابو بريعص صاله اسبوع من مات يبسته وخليته الج

صار لعبان نفس عندي ورحت ركض للحمام حسيت امعاعي تقطعت اسمع صوت ضحكته واني بس اذب من راسي حد ما ارتاحيت وطلعت

كيان : تردين بعد تعرفين

جمانه : لا كافي بعد ما اريد اعرف شي والله اذا حجيت بعد كلمه على الشوربه اتخربط

كيان : جذب ما خليت هيج شي هيه شوربت أعشاب وخضروات مابيه لا لحم ولا شي ثاني انتي حسيتي بيه لحم بس اني ما خليت لحم بيه

جمانه : هاا بس انته تشربه لو لا

كيان : اي اشربه عادي

جمانه : ما تلعب نفسك

كيان : لا بس انته لان مريضه ما عجبتج بس من صيرين زينه يتغير طعمه وتعجبج هم

جمانه : ما تعجبني اصلا من ماما جانت تسويلنه شوربت خضروات ما اشربه لان ما احبه