بنت الشيطان

مشاهد فرفشه

المشهد الأول

وحشتوني والله قلت اكتب مشهد خفيف كده يا تري نسيتوني ولا ايه 😂 😂 😂
لو لقيت تفاعل هنزل مشهد تاني اشطا 😂 😂

مشاهد خفيفه من بنت الشيطان

كانت تركض بسرعه في طرقات وازقه ضيقه لا تعرف أين هي وكيف وصلت كل ما تعرفه هو انها لا يجب أن تتوقف عن الركض باقصي سرعه لها ركضت وركضت وهي تسمع أصوات خلفها واحده يصرخ في صديقه (انا شفتها مشيت كده تعالوا روايا) نظرت هي حولها برعب شديد اين تختبئ فجأه وجدت زقاق ضيق جدا او يمكن القول مكان صغير بين بيتين يطل علي نافذه عاليه في آخره دخلت بسرعه كبيره اليه واختبئت وكتمت أنفاسها الهادره بسبب الركض الطويل فهي تركض من حوالي ساعه او اكثر شتمت في سرها من كان السبب في ذهابها لهذه المهمه فبعد ان حصلت علي ما تريد وكادت تذهب وهي حققت مرادها اصطدمت يدها في احد البراميل فسقطت البراميل كلها نظر لها الجميع بشر وهي بكل غباء اشارت لهم  ببسمه / هاي
عندما وجدتهم يتقدمون مسكت الورق الذي معها وركضت وهي تصرخ / منك لله يا سيادة اللوا
اخذت تجري وهي تلعن في سرها نفسها لأنها قبلت هذه المهمه فمنذ عودتها للعمل بعد ولادتها التوأم عبدالرحمن  ودانه  وهي تستلم مهمات اما تنتهي بالفشل او بالنجاح مع بعض الجروح واكيد لم تسلم من كلام مالك الذي كان يحاول دائما مساعدتها وهي تنهره بقولها (لو سمحت يا مالك ده شغلي متدخلش انا استرونج اندبدنت وومن وعايزه يبقي ليا كارير خاص  بيا )
خرجت من شرودها علي صوت صفاره مستمتعه خلفها هي تعرف هذا اللحن جيدا التفتت بلهفه وجدت مالك يجلس علي النافذه في آخر الزقاق وينظر لها باستمتاع وهو يأكل تفاحه نور وهي تركض له / مالك اه الحمدلله كنت هموت يلا نخرج من هنا بسرعه عشان هيفرموني يا مالك هيعملوا مراتك لحمه مفرومة يرضيك
ضحك مالك عليها / ايه ده يا نوري انتي عايزاني اساعدك امال فين كلامك عن استرونج اندبدنت وومن وحياتي الخاصه و كاريري وجو رضوي الشربيني ده
نور وهي تنظر خلفها بخوف من عودتها/ ده كلام لحظه حماس بس وبروح لحاله طب بزمتك انا عمري قلت كلمه ونفذتها
ضحك بشده وهز رأسه بنفي / الصراحه عمرك
نور / شوفت يلا خرجني
نظر إليها وتصنع التفكير قليلا في الأمر
نور ببعض المسكنه والتمثيل / يا بيه انا عندي عيال هيتبهدلوا من بعدي ده انا بجري علي يتامي ساعدني عشان ربنا يكرمك
نظر لها بحاجب مرفوع / ياحرام طب وابوهم فين الأيتام دول مات الله يحرمه؟؟؟
نور وهي تكمل تمثيل / ابوهم ربنا يسامحه بيصرف كل فلوسه علي ملذاته الشخصيه وحارم عياله الاكل وبيسرحهم بفل في الاشاره عشان يجيب الطفح بتاعه ساعدني يا بيه ارجع لعيالي دول مساكين والله (قالت في سرها استغفر الله)
مالك وهو يتصنع التعجب / ازاي أيتام وابوهم عايش نور بدراميه / هو مات يبشه بالنسبه لينا خلاص
مالك بنظره تصنع فيها الغضب / بقي انت حارمك انتي وعيالك يخربيتكم ده انتم مخلصين ايراد المصنع على اكلكم
نور وهي تخمس في وجهه / الله اكبر في عينك الزرقة دي
مالك بضحك / طب ماشي انا هسيبك هنا وامشي ارجع  ماطرح ما جيت
نور بلهفه / طب خدني معاك وصلني انا برضو في نفس العنوان انت منين من ماطرح ما جيت
ضحك مالك عليها وفي ثانيه كان يجذبها له وعانقها بشده / يعجبني فيكي حسك الفكاهي يا نونو حتي في عز المحنه مش بتبطلي هزار هتموتي وانتي بتقولي نكت  مش خايفه يخربيتك
نور وهي تضمه اكثر / عمري يا مالك انا اول ما شوفتك تلقائيا حسيت بالأمان واني خلاص مش هيحصل اي حاجه لأنك معايا تعرف يا مالك
همهم بتخدر من قربها / هممممم
نور وهي تكمل / تعرف ان عشقي ليك كل مادا بيزيد أضعاف مش قادره اقولك حبك قد ايه في قلبي
مالك وهو يهبط ويجذبها له ويغمز / هتقوليلي في البيت يلا يا كبير نرجع لشله الشياطين
سارت معه وهي تضحك علي لقب أبنائه فحقا هم مشاغبين لدرجه لا تعقل احيانا تشفق علي مالك لانه يتعامل مع ثلاثتهم ولكن زوجها يستطيع وبتفوق التعامل معهم نظرت أمامها وجدت سياره مالك تسائلت بتعجب / صحيح انت عرفت مكاني ازاي
جعلها تركب السياره وقال بضحك وهو يسرع / مفيش حاجه تخفي عليا يا نوري

استوووووب ده مشهد فرفشه كده في جو الحظر اللي احنا فيه جه في بالي قلت اكتبه
ممكن تختاروا اي ثنائي اكتب له لو حابين اكتب له مشهد او اني اكمل نور ومالك اشطا وانا لما بلاقي وقت فاضي بكتب خصوصا اني لسه بكتب في الروايه الجديده بس برضو بحب اتسلي بكاتب مشاهد فرفشه كده
وانتظروا قريب اوي
اقتباااااااااااس من الروايه الجديده
(جميله حد الفتنه)
😂 😂 😂 😂 😂
دمتم سالمين
رحمه نبيل 美心
再见🌟🔥🔥♥♥🌝