بنت الشيطان

المشهد الخامس

المشهد الخامس

نور بجهل لعبدالرحمن / ايوه يعني اعمل ايه
عبدالرحمن بجديه / تقنعي بابا
نور بسخريه / ياسلام سهله جدا اروح اقوله مالك ممكن لو سمحت تجهز الحته اللي علي الحبل عشان يوم الخميس رايحين نخطب لابنك
نظر لها عبدالرحمن ببسمه / بالضبط كده وزودي ناخد معانا جاتوه عشان شكلنا قدام الناس
نور وهي تفكر بجديه / قلتلي العروسه كام سنه
عبدالرحمن / والله يا امي هي تمت من يومين ست سنين
نور وهي تدعي التفكير / والعريس عشر سنين حلو فرق اربع سنين مش كتير
عبدالرحمن / ل مش كتير مناسب جدا بعدين بابا اكبر منك بكتير وعايشين عادي اهو
نور / اقنعتني يابني والله
معلش يا عبده هات الشبشب اللي هناك ده كده
عبدالرحمن بغباء / ليه
نور / هقوم اتوضي يابني هات
عبدالرحمن / الضهر لسه مأذنش
نور / لا منا هصلي الضحي هات الشبشب يابابا
نهض عبدالرحمن واحضر الشبشب لها نور وهي تصوب الشبشب عليه / بقي يا معفن عايز تتجوز وانت مكملتش عشر سنين
كانت تركض خلفه في المنزل وهي يركض خوفا من الشبشب الطائر كما يطلق عليه / ايه ياماما انا كملت عشر سنين من شهرين
نور وهي تقف علي جانب الكنبه وهو علي الجانب الاخر ودانه تجلس عليها وتشاهد التلفاز ببرود وكأن لاتوجد معركه بجانبها
نور / ياض ده انت لسه بتعملها علي روحك يابو شخه انت عايز تتجوز وياتري هتعيشوا فين يا حبيبي في اوضتك
عبدالرحمن / اولا يا اخت نور انا مش بعمل حمام علي السرير ثانيا انا هفهم عمي ظروفي وانه يتحملني لحد ما اكون نفسي
نور وهي تزغرط / يا فرحتي بابني هيكون نفسه وهو لسه بيروح المدرسه
دانه وهي تتحدث / علي فكره يا مامي انا كمان في واحد صاحبي كان عايز يتقدملي
نور / وقولتي ايه  اوعي تكوني وافقتي
دانه وهي ترمي شعرها للخلف /of course no
نور / ايوه كده خليكي تقيله
دانه / قلتله احنا الأول نتصاحب عشان نتعود وبعدين نفكر في الموضوع
نور / احيه يابو سوسو احيه يعني يا معفنه الواد داخل البيت من بابه وانتي عايزه تتصاحبي انا معرفتش اربي
عبدالرحمن / جرا ايه يا اخت نور انتي مكبره الموضوع ليه كده
نور / صدق فعلا افورت انا اوي مش كده كان لازم اولع فيكم وادفنكم اول ما اتولدتم
دخل مالك وقد رجع من مهمه جديده / فيه ايه يانور ايه الصوت ده
نور / اهو ابو العريس وصل وصل وصل
مالك بحاجب مرفوع / ابو العريس ايه
نور / لا يقطعني هو انت متعرفش اسكت مش ابنك عايز يتجوز اه والله
مالك وهو ينظر لعبدالرحمن بحاجب مرفوع / يتجوز
عبدالرحمن / مين انا لا ياحاج استغفر الله ده انا لسه بعملها علي روحي وبعدين هعيشها فين في اوضتي مثلا واقول لباباها ايه يعني استني اكون نفسي لا ياحاج مش انا دي بنتك اللي مصاحبه واحد وهو كان عايز يدخل الباب من بيته ويتقدم بس هي رأت ان تتمهل قليلا حتي لاتندم في هذه العلاقه وعندما تشعر تجاهه بمشاعر يبقي نتوكل علي الله ونبل الشربات ونهيص والله الموفق والمستعان
دانه ببراءه / انا يابني قولت كده
ده هو يابابا بيحب واحده تمت من يومين ست سنين وعايز يتجوزها وقالوا هيعشوا في الاوضة بتاعته
نور / بسم الله ماشاء الله من غير ولا قلم اعترفوا علي بعض لا شيطان شيطان مفيش كلام هيبتك سبقاك يابني
نظر لها مالك وانفجر ضاحكا علي عائلته المجنونه فهو اعتاد بالفعل علي أفعالهم المجنونه هذه
ثم نظر لعبدالرحمن بجديه / عبدالرحمن احنا اتفقنا علي ايه من الاول
عبدالرحمن وهو ينظر في الأرض / كل البنات اخواتي ومضايقش حد ابدا عشان ميتردش في اختي
مالك / وانتي يا دانه
دانه وهي تنظر في الأرض /اتجنب اي ولد واصاحب بنات بس
مالك / الي قولتوه دلوقتي مش بيتنفذ ليه
الأطفال معا / اسفين يابابا
ذهب عبدالرحمن ومسك يد دانه / متقلقش يا بابا مش هنعمل كده تاني صح يا دانه
دانه / صح يابابا
نور وهي تنظر لهم وتمسح دمعه بتأثر وتسفق / الله عليك ياباشا الله عليكي يا ست ابهرتوني والدمعه فرت من عيني
نظر لهم مالك وانفجر ضحكا عليهم وضمهم اليه / نفسي مره اروح مهمه وارجع الاقيكم زي الناس الطبيعيه بس هتوقع ايه من عيال نور هههههههههه
ضهمه اليه بشده تحت ضحكتهم وحمد الله علي هذه العائله