بنت الشيطان

اقتبااااااااااااااااااس من الجزء التاني

اقتباس

كانت نور تجلس وتنظر أمامها بشرار وتمسك سكين 🔪 تغرزه في الطاوله بشده وهي تتخيل رقبه هذه الحقيره تحت السكينه
نظر عبدالرحمن لدانه وبلع ريقه من الخوف
دانه وهي تهمس لعبدالرحمن / امك ناويه علي نيه سوده
عبدالرحمن / ربنا يستر علينا
نور وهي تنظر لهم بعيون تقدح شرار / بتتوشوش في ايه ياض انت وهي ها
عبدالرحمن / ابدا ياست الكل ده انا بقول لدانه نطلع نجهز اوضه الضيوف ل...... ا آآآآآآه
لم يكمل كلمته بسبب قيام نور بالقاء شبشبها عليه
عبدالرحمن / ايه يا نور الغشوميه دي
نور وهي تصرخ / نور يا قليل الادب هو عشان كبرت هتتصاحب عليا
دانه / صلي علي النبي يا جماعه ده شيطان ودخل بينا
نور وهي تنظر أمامها /ماشي يامالك رايح تجيب ست تقعد في البيت معانا مش عامل حساب ان في شاب في البيت  ممكن يعمل اي حاجه
عبدالرحمن / وانا عن نفسي ممكن اغتصبها عادي
دانه / اخص عليك يا عبده مكنش العشم يابني دي مش أخلاقك يا عبده
عبدالرحمن / لا أخلاقي بس انتي مش واخدة بالك بس
دانه / انت مينفعش تشتغل مخابرات انت عليك وعلي آداب هتبقي فيها ايه هيهيهيهي
عبدالرحمن / امنيه حياتي يابنتي بس نقول ايه لابوكي عايزني ابقي مخابرات قال يعني مخلف بروس لي
دانه وهي تضربه علي كتفه / ده انت اجمد من بروس لي في أيامه أسد ياض في ايه
نور وهي تحدث نفسها / اه ياولاد الهبلة انتم انا في ايه وانتم في ايه اولع فيكم واخلص يا رب الرحمة من عندك يارب مخلفه اتنين هبل مش نافعين غير في الهزار كأني مخلفه حمدي المرغني ومحمد أنور
بس يمكن......
نور وهي تنظر لهم ببسمه مختله / واد يا عبده انت والهبله اختك
عبدالرحمن / تسلمي يا حاجه  عايزه ايه
نور بشر / مش وانتم صغيرين كنتم بتعملوا فيا مقالب
دانه وهي تضحك / ودي حاجه تتنسي يا حاجه ده احنا كنا بن...
توقفت عن الكلام حينما لمحت نظره نور
دانه / احم كملي يا حاجة
نور / ابوكم راح يستقبل الست دي من المطار
عبدالرحمن / ست مين ياما دي فورتيكه والله
نور / وانت شوفتها فين ياض
عبدالرحمن / ياختتتتي يا نور علي اللي شوفته شوفت ايه واحده ناقصها اتنين فولت وتنور دي مش صاروخ دي قاعده صواريخ كده
دانه وهي تنظر لأمها / اووووبا يا نونو جوزك هيتشقط
عبدالرحمن / يتشقط دي ألفاظ
دانه / قال يعني فورتيكه هي اللي حلوه اوي يا خي اتنيل بقي
نور وهي تنظر لهم بحسره علي أولادها
نور بغيظ / وابوك جايبها تقعد معانا في البيت بنت المضايقه ابوك عايز ينقطني
دانه / بس انت الأصل ياعسل انتي عارفه مالك ملهوش غير نور برضو
نور وقد هدأت قليلا / بس برضو لازم نرحب بيها
عبدالرحمن وهو ينظر لدانه / والله ونرجع ايام الشقاوة ياكبير
دانه وهي تضحك بخبث / ده الواحد هيتمتع إنما ايه
عبدالرحمن وهو يغمز لنور / قول يا كبير وسمعني عايزه تعملي ايه
نور ببراءه / ولا حاجه بس عايزه أرحب بيها علي اكمل وجه دي ضيفتنا برضو
عبدالرحمن / وجب يا كبيره
دانه / اشطا بقي

ده اقتباس صغنون جه في بالي وده جزء صغير من اللي هنعيشه معاهم
ولسه القصه مليانه احداث كتير هتعجبكم
ملحوظه / الأحداث دي وعمر دانه وعبده ٢٥  سنه
بإذن الله نعيش معاهم احداث كتير تعجبكم
اشوفكم علي خير في رمضان🌙 يا حلويات 😍😍😍
انتظروني في
عشقتُكِ مجنونتي 📖