بنت الشيطان

مشهد لمالك

امبارح في جروب الفيس عملت مسابقه بين احسن شخصيه شرطه في رواياتي كلها طبعا الاختيارات كانت.
مالك
ليث
زياد واياد
عبدالرحمن
ابطال الانفجار كلهم
سراج
أندرو
خالد
وبما ان مالك فاز امبارح في احسن شخصيه شرطه في رواياتي فهو انهارده ضيفنا بإذن الله ولأن مالك محبش يجي بايده فاضيه أبدا فجاب ليكم معاه هديه وهي.......

اسكريبت للشخصيه اللي فازت  :

********ملحوظه المشهد ده لما مالك ونور كانوا لسه شباب وكان دانه وعبده أطفال لسه

هبط مالك من سيارته ونظر حوله بسخريه فهل كانو يعتقدون انه لن يعثر عليهم دخل مالك للمخزن وهو يسير ببرود وكأنه لم يأتي بقدمه لوكر العقارب دخل بكل برود وهو ينظر حوله بسخريه
ثواني وكان الجميع يتوقف عما يفعل وينظر لهذا الزائر الغير مرحب به من اي احد
اتجه مالك للداخل وهو لا يهتم للاسلحه التي رفعت علي رأسه جذب مالك احد المقاعد ووضعها امام كبيرهم وجلس بكل برود وأخرج سلاحه ووضعه امامه علي الطاوله
نظر له كبيرهم ببرود وضحك بسخريه / آيوه وانت مين بقي
تحدث مالك وهو يختفي خلف تنكره بحرفيه / أنا جاي بس اتناقش معاك بكل هدوء
تحدث الرجل وهو يشير لرجاله بإنزال السلاح ويضحك بسخريه / ارجعوا لشغلكم شكله واحد جاي يستظرف أساسا
تحدث مالك وهو يضع قدم علي قدم / امممم نتكلم في المهم بقي
نظر له في عيونه بنظره مخيفه / فين الميكروفيلم
اهتزت حدقتي الرجل وتحدث بجفاء وغضب / وانت مين اللي بعتك بقي وعرفت بالميكروفيلم إزاي
كاد مالك يجيب لولا صوت الضوضاء الذي عم المخزن
نظر الكبير لخلف مالك الذي يعطي ظهره للرجال وتحدث بغلظه / فيه إيه منك ليه
تحدث احد الرجال وهو يصرخ / لقينا حد بيتجسس علينا يا معلم
اغمض مالك عينه وهو يدعي الله الا يكون ما في باله صحيح ثواني وسمع صوتها يصدح في المكان /اوعي بس ايدك كده عشان انا طلع عين امي وانا بكوي القميص ده
تحدث المعلم وهو ينظر لنور بتقزز / والحلوه بقي بتعمل ايه هنا بتشتغلي مع الشرطه ولا إيه
نور وهي تشير لمالك / أبدا يامعلم انا بس جيت أسأل جوزي ياكل ايه علي العشا
كان مالك مازال يعطيها ظهره وهو يضغط علي شفتيه بغضب
فتحدثت نور بغباء / نسيت أسألك يا حبيبي عايز سمك صح
استدار لها مالك وهو ينظر لها بغضب جحيمي فتحدثت وهي تتراجع بخوف / إيه مش بتحب السمك
تحدث للكبير بغضب / انت مين ياض انت وهي ها مين اللي باعتكم
نور وهي تنظر له بتكبر  وهي تشير لمالك / انت مش عارف انت بتكلم مين ولا إيه ده ممكن يفرمكوا ده
نظر لها مالك ببرود وتحدث / أنا معرفهاش يا معلم خلص عليها وريحني منها
فتحت نور عينها بصدمه ثم صرخت به / نعمممممممممم امال العيال اللي في البيت دول عيال مين ها جبتهم بالتكاثر  الذاتي ولا الانشطار الثنائي طب علي فكره يا معلم الراجل اللي قدامك ده جوزي وابوعيالي وهو هنا عشان......
صرخ بها مالك يقاطعها / اخرسي يابت يخربيتك ده انتي لو حد مسلطك عليا مش هتعملي كده
ثم زفر بضيق ونظر للرجل ثم رفع مسدسه وضرب خلفه رصاصه وجذب نور بعنف وركض بها وفي ثواني كانت حاويات البنزين تنفجر بالمخزن كله بينما هو يجذب نور خلفه ويركض لسيارته وصعد بها وتحرك بسرعه وعندما ابتعد عنهم توقف واخذ يتنفس بسرعه وحده كبيره فابتلعت نور ريقها بخوف وفتحت باب السياره بهدوء لتهرب فتحدث هو /اياكي
توقفت يدها عن محاوله فتح السياره وجلست ونظرت امامها بهدوء فتحدث مالك / فكريني اروح مهماتي بموتوسيكل بعد كده.
تحدثت نور وهي تضربه علي كتفه بمزاح / لا بس بقيت مش قد كده يا شيطان ادائك بقي منخفض جدا
نظر لها مالك بغضب وهو يجز علي أسنانه
نظرت له نور وكادت تتحدث فمنعها / دانه وعبده فين.
نور بخفوت / متخافش عليهم سيابهم في ايد امينه
مالك وهو ينظر لها بسخريه / خليني اتوقع كده آه سمر صح
ابتسمت نور بغباء/ إيه ده ماشاء الله عليك انت ذكي اهو أمال مش بتعرف تعمل مهمات ناجحه  ليه
مالك بضحكه سخريه / مهمات ناجحه  وانتي معايا ده تبقي عيبه في حقك حتي
ابتسمت مليكه بغباء فصرخ بها مالك / عارف يانور هعلقك بس نوصل البيت
نظرت له نور بتذمر وهي تهمس لنفسها / اكيد بيهدد بس

بعد ساعه كانت نور معلقه علي باب المنزل وهي تصرخ به / يامالك برستيجي يا مالك نزلني بس ونتفاهم
نظر لها مالك ببرود وهو يشرب قهوته ببرود / اششش لو اتكلمتي هفضل معلقك آكتر
زفرت نور وهي تربع يدها / هو عشان ربنا مديك شويه صحه تفتري بيهم علي الناس روح يا أخي ربنا مش هيبارك ليك في الكام عضله بتوعك دول
نظر لها مالك ببرود وهو يأخذ البطاطس المفضله لديها ويأكلها امامها فتحدثت نور / هات واحده يا مالك طيب
ابتسم مالك ببرود وهز رأسه وهو ينهض ويتثائب / طب يا نور ياقلبي تصبحي علي خير
نظرت نور له وهو يصعد لغرفتهم وصرخت / مالك تعالي نزلني خلاص مش هستخبي في شنطه العربيه تآني
يعني ده جزاتي عشان عايزه انهل من خبراتك في المهمات يا مالك ماااالك
ثم همست لنفسها بشماته / طب تصدق تستاهل اللي حصل لاوضه للتمارين بتاعتك
ثواني وكان صراخ مالك يصدح بقوه / نوووووووووووووووووور

..

حبيت انزله هنا كمان بما اني نزلته علي الفيس عشان المساواه بس 😌😌😌
مش عارفه هيعجبكم ولا لا بس انا كتبته دلوقتي وانا بنام والله 😂 😂 😂