أحببته ولكنه مخادع

الفصل الاول

*أحببته لاكنه مخادع*💜
                *البارت الاول*

-صباح الخير ي ماما، صباح الخير ي بابا
=صباح النور ي حبيبتي
اي صاحيه بدري كدا ليه
-مفيش عادي ورايا درس فـ قولت اقوم اذاكر شويه قبل اما اروح الدرس
_مين دي اللي هتذاكر، صباح الخير عليكوا
=صباح الفل ي حبيبي
-صباح الخيرات ي جماعه
=صباح النور.... كويس انكوا كلكم صحيتوا من النوم علشان نفطر كلنا مع بعض
_طب بسرعه بقا ي ماما علشان ورايا شغل
=حاضر، يلا ي بنات تعالوا
ساعدوني فـ تجهيز الفطار
__________________________

"ع الفطار"
-الله عليا وعلي اللي حواليا
شفتوا اكل احلي ولا اطعم من كدا
"الاب بـ يبصلها بـ شك ويقول"
=بجد انتي مجهزه الاكل دا
-مجهزه اي ي بابا انت هتصدق ولا اي
دي مش بتعرف تعمل حاجه اخرها تقشر البيض بس "بتقولها بضحك"
_اي ي بنتي مش تقشير البيض دا مجهود ولا مش مجهود ي بابا
=مجهود ي بنتي، ربنا يشفيكي
_يارب ي حج يارب

__________________________

"بعد الفطار كله بيروح ع شغله ودروسه"

*استوب*
"اعرفكم بـ عيلتي الحلوه
انا ياسمين عندي 16 سنه
ودي اختي ندي توأمي
ودا اخويا أحمد ودي ماما وبابا عيلتي اهم حاجه فــ حياتي كلها"

*عند ياسمين وندي*
-ياسمين ياسمين انتي ي بنتي
-نعم نعم ي ندي عايزه اي
-هو احنا لازم نروح الدرس
ما تيجي نزوغ منه
-لا طبعا يلا هنروح
-يارب توب علينا من ام التعليم دا
-اهو انتي كدا مش فالحه فـ  اي حاجه ولا بتفهمي فــ اي حاجه
-سبتهولك ي ختي
الفهم كله
-طبعاً ي ماما انا مش زيك انا بفهم فــ كل حاجه
-تبا لـ تواضعك ي فتاه
-هههه

" وخلص اليوم وندي وياسمين روحوا البيت وكل واحده شافت شغلها ونامت بعدها"

__________________________

"تاني يوم"

'كل واحد صحي من النوم فطر وراح شغله وندي وياسمين رحوا دروسهم وفضلت الام لوحدها فـ البيت زي كل يوم بس المرادي جالها ضيفه وقالتلها"

'الحوار بين الام والضيفه'
-ازيك ي ام احمد
-الحمدلله بخير وانتي
-بخير كنت جايلك فــ موضوع كدا
"الام بستغرب"
-خير
-خير خير متقلقيش
فيه واحد اسمه محمد عاوز يجي يتقدم لبنتك ياسمين
-ياسمين!!!
طب وهو عرفها منين؟!
-هو بيشوفها عالطول
-بيشوفها ليه هو ساكن فين
-ساكن فـ الشارع اللي جمبك عالطول
-اه بس ياسمين صغيره لسه
وبابها واعمامها مش هيوفقوا دلوقتي
-ي ستي طب جربي
-لا مش هينفع
-طيب هو عاوز يكلمك وقالي انه هو اللي هيكلمك
وانا عطيته رقمك
وبكدا انا موضوعي خلص هنا
اتكلمي انتي معاه وقوليله ع اللي انتي عايزه
-ماشي تمام
-همشي انا بقا مع السلامة
-مع السلامه

"وفضلت الام تفكر لـ حد اما. محمد كلمها فـ الفون وقلها انه عايز يتقدم لـ ياسمين بس الام ردت عليه وقالتله ان ياسمين لسه صغيره ومش هينفع دلوقتي
فـ هو طلب منها انه يفضل يتكلم معاها علشان يطمن ع ياسمين عالطول
ومامت ياسمين وفقت لانها حست انه فعلا بيحبها
وقررت الام تقول لـ ياسمين
ان فيه حد عايز يتقدم بس هي قالتله ان مش هينفع دلوقتي وكدا بس هيكلمها علشان يطمن عليها منها
وطبعا محدش كان عارف عن الموضوع دا غير ندي وياسمين ومامتهم بس"

_________________________

"بعد شهر ونص من الموضوع وان محمد كان عالطول بيكلم مامت ياسمين علشان يطمن ع رضوي وعالطول كان بيقول لـ مامتها انه عايز يسمع صوتها او يتكلموا مع بعض
بس طبعا ياسمين رفضت نهائي لان هي كدا هتغضب ربنا بس هو فضل مصمم انه يكلمها مره واحده او يسمع صوتها بس كانت فـ كل مره بترفض وتقول لا
بس محمد عالطول لما يكون عايز يشوفها كان يقف فــ الشباك علشان يشوفها وهي معديه من الشارع بتاعهم سواء خارجه رايحه الدرس او رايحه تشتري حاجه
وكمان كان بيشوفها وهو رايح يصلي عالطول
الايام عدت ومحمد برضوه عايز يتكلم مع ياسمين
وفـ الاخر ياسمين وفقت انها تكلمه بس مش فون
بـس ياسمين كانت حاسه انها بتعمل حاجه غلط وبتغضب ربنا بس فـ نفس الوقت هي مش قادره تبعد هي اتعلقت بـ محمد
قبل اما تتكلم مع محمد
قررت انها تلبس الخمار وفعلا لبسته وكان جميل اللهم بارك عليها
وجه اليوم اللي ياسمين هتكلم فيه محمد كانت متوتره بس اتكلمت وهو قالها انها قمر بـ الخمار وانه حبها اكتر بـ الخمار
بس هي قالتله انها مش بتحب كدا وفضلوا يتكلموا ويسألوا بعض عن كل حاجه
عدي وقت وهما كل يوم بيعرفوا عن بعض اكتر
وساعتها قررت ياسمين تعرف صاحبتها عن موضوع محمد، هي كانت معرفه صاحبتها ان فيه واحد متقدم ليها وبيكلم مامتها بس مقلتش انها بتكلمه بس قررت انها تقولها بس صاحبتها قالتلها......

#مروة_محمد💙