أحببته ولكنه مخادع

الفصل السابع

*احببته ولاكنه مخادع*🦋💙

            *البارت السابع*

"وقفنا لحد اما محمد كان يفضل بـ الايام ميكلمش ياسمين نهائي ولو فكر انه يكلمها كانت تحصل بينهم خناقه وفضل ع الحال دا كتير جدا، وياسمين ملاحظه التغير الواضح عليه وبتصبر نفسها وبتقول عادي ممكن مشغول وكدا وكمان هو فـ هندسه ولازم تقدر بس فيه حاجات كتير حصلت خلتيها تتضايق اوي منه زي"

-محمد مكلمتنيش ليه
-عادي ي ياسمين، قرايبي كانوا هنا
-طيب

"فـ مره تانيه"
-بتعمل اي
" مردش عليها مع انه فاتح
بس مردش وياسمين اتضايقت وقررت انها متبعتش رساله ليه تاني"

"بعد فتره"

-كنت خارج العب كوره
-نعم!
-اي خرجت العب شويه مع صحابي
-طب ومقولتش ليه انك خارج
-مفيش عادي
-هو اي اللي عادي يعني
انا بعتلك وانت كنت فاتح بس مردتش، ودلوقتي جاي ترد بعد اما خرجت ولعبت ورجعت... وانت عادي جدا
كدا اي.. طب وانا مسألتش
فيا ولا حتي عبرتني بـ رساله واحده
-اي في اي مالك بتكلميني كدا ليه
وبعدين قولتلك عادي نسيت
هو انتي عايزه تعملي مشكله ع الفاضي وخلاص
-انا اللي بعمل مشكله ع الفاضي ي محمد
-اه انتي ي ياسمين
بصي انا هقفل لان مش ليا مزاج اتخانق معاكي دلوقتي، سلام

"محمد قفل وياسمين مش مصدقه ان دا محمد اللي مكنش بيسيب فرصه الا ويكلمها، للدرجاتي هو اتغير اوي كدا، وزعلت وفضلت تعيط ومنمتش اليوم دا ومامتها خدت بالها منها"

=مالك ي ياسمين فيه اي
-مفيش ي ماما
=لا فيه،قولي محمد زعلك صح
-محمد اتغير اوي ي ماما
انتي قولتلي اصبري وخليكي جمبه علشان هو فـ اخر سنه وفـ هندسه وصعبه وكدا قولتلك حاضر
بس هو مش معبرني خالص ي ماما،انا مش فـ دماغه اصلا "بتقولها بعياط"
=طب بس اهدي كدا وبطلي عياط وقوليلي اي اللي حصل
-اللي حصل انه بقا يفضل بـ اليومين والتلاته ومش بيكلمني ولما نيجي نتكلم نتخانق مع بعض
تعرفي انه لسه امبارح متخانقين مع بعض
=ليه؟!
-امبارح طول اليوم مكلمنيش،قولت عادي
اكلمه انا بعتله رساله وكان فاتح بس مردش عليا ولا عبرني،عارفه رد عليا امتا
الساعه "12" بليل وبقوله كنت فين رد بكل برود وقالي"عادي كنت بره بلعب كوره مع صحابي "ولما قولتله مردتش عليا ليه لما بعتلك رساله وانت كنت فاتح قالي عادي،وقالي كمان ان انا اللي بعمل المشاكل وقفل" انا اللي بعمل المشاكل ي ماما
=طب  اهدي ومتعيطيش وانا هكلمه
وبعدين أحمد اخوكي هيكلمه علشان يعزمه ع العزال بتاعه
-ماشي

__________________________
"ياسمين عدت الموضوع عادي وفضلت تفكر هتعمل اي يوم فرح اخوها ورحت
أجرت فستان الفرح بتاع اخوها هي واخوتها وجه يوم اللي قبل العزال واحمد عزم محمد"

-الو
-الو،ازيك ي احمد
-الحمدلله،ازيك انت ي محمد
-يارب دايما، بخير
-دايما،المهم العزال بتاعي بكره هستناك ان شاء الله
-الف مبروك ي احمد عقبال الفرح
-الله يبارك فيك،هستناك بكره بقا
-حاضر ان شاء الله
-ان شاء الله،سلام
-سلام

________________________
"جه يوم العزال بتاع أحمد اخو ياسمين ومحمد راح هو كمان وياسمين كانت مبسوطة جدا لان محمد جه العزال وكمان علشان أحمد عزمه ع الفرح والعزال والعزال كان حلو جدا وكله رقص واتبسط وكان يوم حلو ليهم هما الاتنين
وبعد اما العزال خلص كله روح البيت وكان مبسوط ومحمد كلم ياسمين لما روح"

-انا اتبسطت اوي انهارده علشان كنت شايفك قدامي
طول الوقت
-وانا كمان
"محمد حب ينغشها وقالها"
-وانتي كمان اي؟.
-وانا كمان يعني
-ايوا يعني
-يعني عايزه انام، هههه
-رخمه والله، قولي بقا وانتي كمان اي بقا
-خلاص خلاص هقولك
وانا كمان كنت مبسوطه اوي انهارده علشان كنت موجود فـ العزال
-بحبك علفكره
-عارفه علفكره
-واثقه انتي
-جدا

"وخلص اليوم وكان يوم جميل وياسمين نامت وهي مبسوطه ومحمد كمان
تاني يوم كان حنه عروسه اخوها وكانت مبسوطه بس
لما رجعت من الحنه لقت محمد بعتلها رساله وقالها"

-انتي اتأخرتي كدا
-ي محمد ما هو كان حنه واكيد مكنتش هاجي لوحدي
-بس انتي اتأخرتي وانا مش بحب كدا
-بس
-خلاص خلاص، انا هنام علشان تعبان ونبقا نتكلم بكره، تصبحي ع خير
-وانت من اهل الخير

"ياسمين زعلت علشان محمد زعل منها ونامت وقالت بكره هتبقا تكلمه"

_________________________

"تاني يوم اللي هو يوم الفرح بتاع أحمد ياسمين صحت من النوم لقت محمد كتبلها رساله"

*الرساله*

-صباح الخير ي قلبي
انا اسف اني زعلتك امبارح متزعليش مني، حقك عليا
انا مش بحب اشوفك زعلانه نهائي، مينفعش القمرر دا يزعل وبذات مني انا،ممكن متزعليش مني

"ياسمين شافت الرساله واتبسطت جدا علشان محمد صلحها ومسبهاش زعلانه كتير وهي ردت عليه"

-صباح النور،انا مش زعلانه منك،وخلاص حصل خير
ومفيش حاجه حصلت.

"واتصلحوا وياسمين كانت مبسوطه وبعدها خرجت علشان تجيب الباقي من الحاجات اللي محتاجها لـ الفرح"

___________________________

"يوم الفرح محمد راح القاعه وياسمين اتبسطت جدا وكان يوم جميل ليهم هما الاتنين"
#مروة_محمد