أحببته ولكنه مخادع

الفصل الرابع

*احببته ولاكنه مخادع*🦋💙
            *البارت الرابع*

"وقفنا المره اللي فاتت لما محمد قال لـ ياسمين انه بيحبها وهي كمان اعترفت وقالتله انها بتحبه ومن هنا هتبدأ الحكايه،، ياسمين ومحمد قضوا الوقت مع بعض كله حب واهتمام من الطرفين ومحمد كان اكتر عالطول بيثبت لـ ياسمين قد اي هو بيحبها،، وعالطول كان بيكلمها حتي لو مشغول،، بس بدأ يتغير ويغير من ابن عم ياسمين وكانت المحادثه ما بينهم"

'المحادثه'
-ي محمد دا ابن عمي يعني زي اخويا
-مليش دعوة انا بـ الكلام دا "بيقولها بزعيق"
-طب انت بتزعق ليه دلوقتي
-بزعق ليه هو انتي شايفه الموضوع عادي يعني
دا عايز يتقدملك
-وانا رفضت ، يبقا خلاص متعملش مشكله بقا
-اه قصدك تقولي اني انا اللي بعمل المشاكل عالطول
-انا مش قصدي كدا انا
"قاطعها"
-خلاص خلاص
انا هقفل سلام

"وفعلا محمد قفل، ساعتها ياسمين زعلت اوي وعيطت
وبعدها بــ شويه، رنت عليه فون ومردش عليها
دخلت كلمته ع الواتس مكنش فاتح
بس قررت تبعتله رساله علشان يشوفها لما يفتح"

'الرساله'
-محمد، متزعلش مني
حقك عليا انا اسفه
مكنش قصدي
" وبعدها قفلت وزعلت علشان مردش عليها، وبرضوه رنت عليه تاني وبرضوه مردش عليها "
__________________________

"تاني يوم"

-صباح الخير ي ماما
=صباح الخير ي قلبي
مالك ي ياسمين؟
-مفيش ي ماما حاجه
=لا فيه انتي مش شايفه عيونك ولا شكلك انتي معيطه ولا اي؟
-لا لا مفيش حاجه علشان منمتش كويس بس
=ياسمين هو محمد زعلك فـ حاجه؟!
-ها لا ي ماما مش مزعلني
=لو مزعلك قولي وانا اتكلم معاه
-لا ي ماما مش مزعلني
=طيب ي حبيبتي
وراكي درس؟
-اه ورايا درس الساعه 5
=ماشي، قومي صحي اختك بقا من النوم وتعالوا افطروا وبعدين نضفوا الشقه.
-حاضر

_________________________

-ندي ندي،، انتي ي بت
-اي اي نعم عايزه اي
-قومي بقا كفايه نوم كدا
-لا سبيني انام كمان شويه
-لا كفايه قومي بتقولك ماما علشان نفطر ونضف الشقه
-ياربي،، حاضر قومت اهو
صباح الخير
-صباح النور ي ختي
-اي دا مالك ي ياسمين؟
-مالي ما انا كويسه اهو
-لا مش كويسه
عينك مالها؟ انتي معيطه؟
-اي ي بنتي لا مش معيطه ولا حاجه، دا بس علشان منمتش كويس
"ندي بتبصلها بـ شك"
-يعني محمد مش مزعلك
-لا مش مزعلني، ويلا بقا بطلي رغي وقومي
-ماشي ي ختي، قومت اهو

"وندي قامت وفطرت هي وياسمين بس ياسمين مكنتش مركزه نهائي مع حد كل اللي شغلها ان محمد مكلمهاش ولا رن عليها حتي
، ياسمين محبتش تقول لـ مامتها حاجه علي ان محمد مزعلها وكدا علشان متروحش تكلمه وتقوله مزعل ياسمين ليه واكيد هيقول اني بروح اقولها ع كل حاجه فـ فضلت انها متقولش بس قررت تقول لـ صاحبتها نور لانها الوحيده اللي بتحكلها ع كل حاجه"
_________________________

"فـ الدرس ياسمين قبلت نور وقالتلها انها عايزه تقولها ع حاجه بس لما يكونوا لوحدهم ومش معاهم حد وبعد الدرس ما خلص نور وياسمين مشيوا مع بعض وساعتها قررت ياسمين انها تقولها"

-نور
-نعم، ها كنتي عايزه تقولي اي بقا
-بصي من كام يوم كدا ابن عمي جه اتقدم ليا
-اوبا بقا ي معلم
محدش قدك
-ي ختي اتلهي، المهم فـ انا طبعا رفضت لاني بعتبره اخويا وكمان انا بحب محمد
-ماشي اشطا اي المشكله بقا
-ما انا هكملك اهو
محمد عرف وانتي عارفه محمد بيغير من ابن عمي ازاي
وزعق واتخانقنا مع بعض
-طب معرفتهوش ليه انك رفضتيه
-عرفته
-طب اي اتخانق ليه معاكي بقا
-معرفش وانا اصلا قولتله اني بعتبره اخويا بس قفل معايا بعد الخناقه
وبعدها انا رنيت عليه ومردش
-اه وبعدين
-بعدها بعتله ع الواتس
وبرضوه مردش عليا
-بعتي اي؟
-اعتزرت فيها وقولتله انا اسفه وحقك عليا
-نعم!!!!!
#مروة_محمد