*أحببته لاكنه مخادع*
*البارت التاني*
"وقفنا المرة اللى فاتت ع ان ياسمين قررت انها تقول لـ صاحبتها ع انها بتكلم محمد وفعلا قررت انها هتقولها وهما راجعين من المدرسه"
"بعد المدرسة"
-نور ي نور
-ايوا ي ياسمين في اي، عاوزه تقولي حاجه؟!
-احم بصي انا هحكيلك
-اشجيني وقوليلي عملتي اي
-بصي فاكره لما قولتلك ان فيه واحد متقدملي
وهو بيكلم ماما علشان يطمن عليا وكدا
-اه صح قولتلي بس اي الجديد
-احم... الجديد ي ستي انه طلب يكلمني وانا كنت برفض نهائي وكان نفسه مره وهو بيكلم ماما اني اسمعه صوتي بس انا مردتش، بس انا كنت بخلي ماما وهي بتكلمه تفتح الصوت علشان اسمه بس انا مكنتش موافقه اني اكلمه بس فضلت مصمم وفـ الاخر قررت اني اكلمه بس الواتس مش فون
-نعم عملتي اي بتهزرى ي ياسمين
-خلاص ي نور انا كلمته بقا
-طيب بس المهم تكوني عارفه انتي بتعملي اي
-ماشي ي نور
انا قولتلك انتي لانك الوحيده اللي بحكلها ع كل حاجه
-حبيبي ي ياسمين ي قلبي
بس المهم عندي انك تكوني مبسوطه
__________________________
" وفعلا ياسمين كلمت محمد وكانت مبسوطه
وقالت لـ خطيبه اخوها بس اخوها احمد مكنش عارف ع الموضوع دا حاجه،
بس فـ يوم حصل اللي ياسمين مكنتش تتوقع انه يحصل "
_ياسمين هاتي فونك كدا
-اتفضل ي احمد
"احمد اخد فون ياسمين وفضل فـ الاوضه جوه
ياسمين مكنتش مسجله رقم محمد كانت بـ اسمه لا كانت مسجله بـ اسم واحده صاحبتها علشان محدش يأخد باله منه،بس اللي ياسمين مكنتش وخده بالها منه ان محمد كان حاطط صورته خليفه فـ الواتس وطبيعي اي حد يشوفها،وفعلا دا اللي حصل أحمد شاف الصوره وعرف محمد
وزعق لـ ياسمين وزعل منها
وساعتها ياسمين عرفت محمد ان احمد اخوها عرف
عن الموضوع
ساعتها محمد قالها انه هيكلم احمد وفعلا خد رقم احمد وكلمه وكان الحوار ما بينهم"
*الحوار بين احمد ومحمد*
-الو
-الو احمد معايا
-ايوا انا احمد مين معايا
-انا محمد، اشوفك واتكلم معاك
-تمام بس انا دلوقتي فـ الشغل ممكن بعد اما اخلص، اكلمك ونتقابل
-تمام
-مع السلامه
-سلام
__________________________
"بعدها احمد رن ع محمد وقاله انه خلص شغل وراجع البيت اهو ومحمد قاله انه هيقابله قبل اما يروح وفعلا اتفقوا انهم يتقبلوا"
'المقابله'
-ازيك ي احمد
-تمام، خير
-خير، انا بحب ياسمين والله ومكنتش اقدر ابعد عنها علشان كدا كلمتها
-بس ي محمد ياسمين لسه صغيره!! لو بتحبها فعلا اوعدني انك متكلمهاش تاني غير لما تخلص الجامعه"محمد كان لسه فـ سنه تلاته"
وهي كمان لما تخلص و ي سيدي اوعدك انها هستناك
-حاضر اوعدك لاني مش هكلمها تاني
"بعد فتره ياسمين كانت تعبانه لانها حبت محمد وكمان اتعلقت بيه
وبعدها محمد رجع كلم ياسمين تاني، ساعتها مامتها ضغطت ع احمد اخوها يسمح لـ محمد انه يكلمها لانها كانت شايفه ياسمين قد اي تعبانه
ومامت احمد قالتله انهم ممكن يتكلموا مره واحده فـ الاسبوع بس ع فون مامتها
بس احمد رفض انهم يتكلموا
وعدي اسبوع من غير ما يتكلموا وبعدها احمد اخوها وافق انهم يتكلموا وكان الحوار ما بينهم.....
#مروة_محمد
أنت تقرأ
أحببته ولكنه مخادع
Romanceفتاه أحبت بصدق ولكن هو خداعها وحطم قلبها هل لـ القدر راي أخر. هذا ما نعرفه فـ الاحداث
