أحببته ولكنه مخادع

الفصل السادس

*احببته ولاكنه مخادع*🦋💙

         *البارت السادس*

"وقفنا المره اللي فاتت ان مع بدايه الترم الجديد ليهم هما الاتنين، كل حاجه اتغيرت ساعتها والخلافات ما بينهم زادت وهو كمان اتغير فـ معاملته ليها اوي"

_________________________

-صباح الخير ي ماما
=صباح النور ي قلبي
اخبارك اي
-تمام ي ماما، كويسه
=عامله اي مع محمد؟؟
-تمام
-ماشي كويس، لو فيه حاجه حصلت عرفيني وانا هبقا اكلمه
-ماشي
-وراكي دروس انهارده
-اه ورايا كمان ساعه كدا
-ماشي، قومي صحي اختك بقا كفايه نوم لـحد كدا
-حاضر
_________________________

-ندي
-؟؟؟
-ي ندي، انتي ي بنتي قومي
بقا كفايه نوم لحد كدا
-ي ياسمين ابوس ايدك سبيني نايمه بس شويه
-لا وقومي يلا خلصي
-حاضر هقوم اهو

"ياسمين بتقول فــ نفسها امم هو محمد لسه مصحاش من النوم ولا اي
يعني معقوله هيكون نايم كل دا، لما ادخل ابعتله رساله واشوف كدا"

-محمد ، لسه نايم
"مش بيرد"
-امم، شكلك لسه نايم
طب لما تصحي ابقي كلمني

"بعدها بـ ساعتين ياسمين راحت الدرس وكان لسه محمد مفتحش ولا رن عليها"

_______________________

"فـ الدرس"

-انا زهقت من الدروس ومن الدراسه ومن ام التعليم دا
"ندي اللي بتقول"
-طب اهدي بس كدا ي ندي
" نور اللي بتقول"
-اهدي!! اهدي اي بس
بقولكم زهقت مش عايزه اتعلم خلاص، ي بنتي اصلا البنت ملهاش غير بيت جوزها صدقوني
-صح فعلا ي ندي، هههه
"ياسمين اللي بتقول"
-صح اي انتي كمان ههه
"نور اللي بتقول"
-والله زي ما بقولكم كدا، البنت ملهاش غير بيت جوزها، علشان كدا انا جمعتكم انهارده علشان اقولك"نور قاطعتها"
-علشان اقولك انا مش فاضيه بكره، هههه
-ظريفه ي بت
-لا لطيفه، ههه
-اسكتي اسكتي المستر دخل

"بعد حوالي ساعه من الشرح والحصه خلصت وياسمين شافت الفون بتاعها ملقتش محمد كلمها ولا حتي بعتلها رساله
وزعلت وبقت مضايقه ونور صاحبتها لحظت دا وسألتها"

-مالك ي ياسمين اي اللي حصل، خليكي مضايقه كدا
ما انتي كنتي كويسه من شويه
-مفيش ي نور
-مفيش اي! انتي مش شايفه نفسك عامله ازاي
-مفيش ي نور بس محمد من الصبح متكلمناش نهائي
انتي متخيله ان احنا مش بنتكلم غير ساعه او نص ساعه فـ اليوم بس
-طب افرضي انه نايمه
بيعمل حاجه، او مشغول مثلا
-نايمه!، كل دا نايمه
طب لو مشغول مسمعش رنت الفون بتاعه لما رنيت عليه، ع الاقل كان رد عليا وقالي انه مشغول، اما انه ميردش عليا كدا ويسبني قلقانه كدا، دا اللي مش عادي والله
-خلاص لما تروحي، جربي ترني عليه تاني لـحد اما يرد
-ماشي هشوف
-ماشي، بس المهم متزعليش نفسك
-طب صحيح انتي هتيجي العزال بتاع احمد صح
-والله لسه مش عارفه ي ياسمين، بس احتمال مش هعرف اجي
-ليه كدا طب حاولي وتعالي
-ماشي هحاول يلا
همشي انا بقا
وزي ما قولتلك حاولي تاني ولو مردش خلاص
بس المهم متزعليش نفسك انتي
-حاضر ي نور، سلام
-سلام

_________________________

"ياسمين روحت البيت وغيرت هدومها وصلت وفضلت قاعده شويه ورنت ع محمد تاني بس برضوه مردش، وهي زهقت وقررت مترنش عليه تاني، وبعدها قامت قاعدت مع مامتها واخوتها واخوها احمد علشان بيتفقوا هيعملوا اي يوم العزال والحنه والفرح بتاع احمد، وعدي الوقت ومحمد مرنش ولا حاجه،
وع الساعه'12' ياسمين لقت رساله من محمد"

-اي ي قلبي
-اي ي بني انتي فين كل دا؟!
-كنت نايم لحد العصر، وبعدين بنت عمي جت وقعدت معايا شويه ومعرفتش اكلمك ساعتها
-طيب يعني هي فضلت قاعده لحد دلوقتي
-لا ما هو الساعه'10'روحت لعبت كوره شويه ولسه جاي دلوقتي
-طب ومعرفتنيش ليه وانت خارج تليه 
-عادي يعني مجاش فـ بالي
-مجاش فـ بالك!!
-اه عادي، ياسمين معلشي
هقفل بقا لان ورايا مذاكره كتير
نبقا نتكلم بكره، سلام
-طيب، سلام

"اي دا هو ماله كدا اتغير اوي كدا ليه لا انا هقول لـ ماما وهي تشوف حل"

-ماما
-اي ي ياسمين
-ي ماما محمد اتغير اوي
من ساعت ما دخلنا الترم دا
مكنش كدا نهائي
-ليه اي اللي حصل بس
-اللي حصل، انه مكلمنيش
امبارح نهائي طول اليوم وفضلت ارن عليه وابعت فـ رسايل وبرضوه مش بيرد
والساعه'12'لقيته بعت رساله وبيقولي انه كان نايم
لحد العصر
-طب مكلمكيش ليه بعد اما صحي من النوم
-ما هو دا اللي قولته
-طب قالك اي
-قالي ان بعد اما صحي العصر بنت عمه جت وقعدت معاه ومكنش ينفع يكلمني
-طيب ي ياسمين اي المشكله بقا
-ي ماما هو بنت عمه هتفضل قعده معاه لحد الساعه'12'
-لا
-ماشي،انا سالته قالي ان الساعه'10' راح يلعب كوره ولسه جاي،قولتله ليه معرفتنيش، تعرفي رد عليا وقالي اي
-قالك اي
-قالي عادي مجاش فــ بالي
انتي متخيله ي ماما ان انا مجتش فـ باله برن عليا يعرفني انه خارج
-طب بصي،ي ياسمين
خليكي معاه هتلقيه مضغوط من الدراسه لان انتي عارفه ان هو فـ اخر سنه فـ هندسه وانتي اكيد عارفه ان هندسه صعبه
فـ خليكي جمبه واستحملي شويه
-ماشي ي ماما،هفضل جمبه
-ايوا كدا ي قلبي واهدي وبلاش تعصبي،نفسك
-حاضر
_________________________

"عدي الايام ومحمد اتغير اكتر من الاول وبقي بيعدي بـ تلات ايام او اربعه كمان ميكلمش ياسمين نهائي ولا حتي كان بيبعت ليها رساله واحده،و لو فـ مره كلمها
كانت هي نص ساعه ولو متكلموش كان ينام وميكلمش ياسمين، لو فـ مره حبوا انهم يسهروا مع بعض
كانت تحصل خناقه ما بينهم عالطول..."
#مروة_محمد