في منزل طارق بعد الرجوع من المستشفي في غرفة اسماعيل و نجلاء والدة طارق
نجلاء: انت متاكد ان هي دي
اسماعيل : بقولك متاكد وانا هتغيب عني يعني
نجلاء : انت اي ضمنك ان هي دي تمارا بنتي
اسماعيل : إحساسي ونفس الخبطة اللي ف دماغها اللي معلمة لحد دلوقتي فكرة لما اتخبطت وهي صغيرة خالص ونفس القصه بتاعتها هي قصة بنتنا هي صدقيني
نجلاء : دي تبقي مصيبة دي هتفضح سر اكبر
اسماعيل: الموضوع ده لازم يفضل بينا محدش يعرفه
نجلاء: عندك حق
***********************
في مكالمة تليفونية
طارق : أي ياسطا انت وقعت ولا اي
احمد : انت عبيط صح
طارق : متحورش انت عينك متشالتش من عليها
احمد : لا هي بس صعبانة عليا
طارق : بس
احمد : اه يا طارق بس وسيبني عشان محتاج ارتاح شوية
طارق : ماشي يا عم سلام
...............بعد شوية ..........
هاتف طارق يرن مرة اخري
طارق : الو اي يا حياة اخبارك عاملة اي
حياة : انا بخير تمم وانت
طارق : تمم الحمد لله
حياة : انا حابة اشكرك علي وقفتك جمبي حقيقي مش عارفه اقولك اي
طارق : انتي بتهزري انا جمبك وقت م تحتاجي
حياة : ممكن سؤال
طارق : اه طبعا اتفضلي
حياة : هو انت بتساعدني عشان شايف ان مليش حد وصعبانة عليك وكده
طارق : لا طبعا انتي بتقولي اي انا بعمل كده لاني بح...
(في عقله ) اي اي بتعمل هنهزر متقولهاش دلوقتي خالص انت مش ضامن مشاعرها ناحيتك متبقاش غبي
(قلبه) لا متترددش قول قول
القرار النهائي /طارق : لاني بحب اساعد اي حد انا متربي ع كده من وانا صغير
حياة : بس
طارق : اه بس كده
حياة : طيب تمم عايز حاجة
طارق : ايدا هتقفلي ولا اي
حياة : اه عايزة انام
طارق : ماشي بحبك
حياة : أي !!!!!!
طارق : بقول تصبحي ع خير 😂🖤سلام
حياة: س سلام
__________________________________
حياة : دارين دارين اصحي يا دارين
دارين : في اي انتي عبيطة حد يصحي حد كده ده انا صاحبة مرض
حياة : قومي بس
دارين : اهو خير في اي
حياة : قالي بحبك
دارين : مين ده
حياة: هو في غيره طارق
دارين : اه اه طب ده امتي وازاي
حياة : لسه دلوقتي ولنا سألته بتقول اي تتهرب وقالي تصبحي ع خير وقفل
دارين : ايوه بقا يا عم مين قدك
حياة: هي ناقصاكي
اقولك
نامي نامي
دارين : انا غلطانة تصبحي ع خير
حياة : وانتِ من اهله
___________________________________
في اليوم التالي
في منزل طارق
اسماعيل : رايح فين يا طارق
طارق : رايح ل حياة يا بابا
اسماعيل : لا مش هتروح
طارق : لي كده يا بابا
اسماعيل : انا قولت كلمة مش هتروح يعني مش هتروح
نجلاء: خلاص يا اسماعيل معلش سيبه
اسماعيل : وانا قولت لا انا مش موافق ع اللي بيحصل ده
طارق : أي اللي بيحصل ؟؟
اسماعيل: خروجك الزايد معاها وكلامك الكتير
طارق: طب وفيها اي انت لسه برضو مقتنع انها بنت شوارع
اسماعيل : اخرس لا متقولش كده هي باين عليها محترمة جدا وشاطرة بس لا يعني لا
سلسبيل : في اي يا بابا
اسماعيل : ولا حاجة عايزك يا سلسبيل جوه ثواني
طارق : يوووه بقا شايفة اللي بابا بيعمله يا ماما
نجلاء: معلش هو تلاقيه مزاجه وحش بس دلوقتي سيبيه انهارده يمكن يهدي
________________________
في غرفة اسماعيل
سلسبيل : في اي يا بابا لي كل ده
اسماعيل : والله يا بنتي الموضوع كبير
سلسبيل : طب م تحكيلي
اسماعيل: حياة تبقي بنتي اللي تاهت مني زمان وهي لسه صغيرة
سلسبيل ب صوت مرتفع : نعم
اسماعيل : صوتك يا بنتي انا مش ناقص
سلسبيل : ازاي اختي ازاي يعني طب وطارق ده بيحبها جدا
اسماعيل : م عشان كده انا مش عايزة يقرب منها
سلسبيل : طب وانت متاكد اوي كده لي
اسماعيل: م انتي اللي هتساعديني
سلسبيل: انا !!! ازاي
اسماعيل: بصي يا بنتي ........................
سلسبيل : اه يا بابا فهمت تمم بكره يكون الموضوع ده خلصان
اسماعيل : ماشي وطلب اخير
سلسبيل : نعم
اسماعيل: حاولي تبعدي طارق عن حياة الايام دي
سلسبيل :هحاول طب ولو سألني كنت بعمل اي معاك اقوله اي
اسماعيل: أي حاجة يا سلسبيل انتي مش هتغلبي يعني
سلسبيل: ع رايك صح
خرجت سلسبيل والتقت ب طارق
طارق : انت هتحكيلي كل حاجة صح؟؟
سلسبيل : اه طبعا تعالي بس جوه عشان محدش يسمع
طارق : اهو يا ستي دخلت فى اي يبقا
سلسبيل : ابوك كان بيفكر يتجوز ع امك
طارق : نعم احنا هنهزر
سلسبيل : صدقني هو زي م بقولك كده
طارق : احيييه دي تبقي مصيبة
سلسبيل : ابوك كبر وابتدي يخرف
طارق : طب وانتي عملتي اي
سلسبيل : بص هو وراني صورة البت اللي عايز يتجوزها هي بعيدا عن انها قمر واحلي من امك
طارق : هااااا اخلصي
سلسبيل: قولتله لا بلاش وكده واديني بحاول معاه اوعي تجبله سيرة بقا اني قولتلك
طارق : نعم انا لازم اروح اشوفه
سلسبيل : لا اوعي يا طارق
طارق : وسعي كده انا هروح اشوفه ماله
فتح الباب طارق بدون استئذان : أي اللي سلسبيل بتقوله ده
نظر اسماعيل ل سلسبيل ف وجدها تضحك ف كتمان ف فهم
اسماعيل : أي يا سلسبيل انتي لحقتي تقوليله هو ده اللي سر بينا
سلسبيل : هو اللي قعد يزن عليا
طارق: عايز تتجوز ع ماما يا بابا ؟؟
اسماعيل : نعم امتي ده
ده ازاي
نظر لسلسبيل وجدها تشير له بأن يكمل
اسماعيل : اه اه لا دي كانت فكرة وراحت ل حالها خلاص
طارق: اوعدني يا بابا انك مش هتفكر ف الموضوع ده تاني
اسماعيل: وعد يا سيدي
خرج طارق
اسماعيل: يخربيتك دي حجة تقوليها دي امك لو سمعتنا كنا هنتنفخ كلنا بما فيكم انا😂😂😂
سلسبيل : اعمل اي يعني يلا بقا انا هدخل انام تصبح ع خير
اسماعيل : وانتي من اهله
_________________________
وجاء اليوم التالي معاد تنفيذ خطة سلسبيل و اسماعيل
..........
أنت تقرأ
حب لا نهاية له
Romanceلماذا هُو ؟! هُو! هو من علمني كَيف اثق ..كيف أُحِب.. كَيف أدّع قلبي له هُو فقط.. وأن لا يَلتفِت لغيَره.. هُو فقط من يستطيِع أن يجعلني بِكُل هَذه البهجة فهو ملجأي الدائم وصديقي حين ظن الجميع أني بلا أصدقاء.. هو مَأمني من الخَذلان... فهو وِجهتي التي أ...
