عندما تشرق شمس

الحلقه 4🍂

#عندما_تشرق_الشمس
الحلقه 🌞 4.

آلكہآتہبہهہ مہنہى آلمہجہبہريہ
كاتبه مروه عمر
روايات كاتبه عقوريه
**********************************

احمد ب جديه: غاده نبيك ف موضوع
غاده ب خوف:احكى شن في
احمد:انا الشغل هنا معش عندى وعندى أوراق ضروريات ف ليبيا ضروري نروح انتم فيهن بكرا الظهر طيارتنا وتي روحك ووتى البنات
غاده ب صدمه: بس امته ب نوتي ونضم الدبش مفش وقت
احمد:خلى كل شى زيي ما هوا احتمال شهرين ونردو خودي الحجات الضروريه بس وحجات البنات وانا توا نوتي الحجات الى نبيهن توا ب نخش نرقد ورايا قصص بكرا
غاده: تمام وانا نوتي الحاجات ونرقد ساعتين ع الاقل

بعد 6 ساعات
غاده ب صوت عالى:انتِ يا خرا شمسسس نوضى
شمس انفجعت وناضت وقعدت تحك ف عيونها بيش تصحصح وناضت مفجوعه من طريقت غاده ف تنويضها😢💔
شمس:نعم 😢
غاده:نعامه ترفسك يا وجهه الفضايح نوضى اسممي افطري ودوشي ووتي روحك شويا وطالعين للمطار ب نروحو ليبيا
شمس ب فرحه :حاضر
فرحت شمس لانها ب تشوف خيريه واسماء
وناضت ادوش وتغير دبشها وتفطر
وغاده نوضت بناتها وفطرتهن ودوشتلهن ولبستهن بدلات ومشطتلهن شعرهن ب عكس شمس الى فطرت ودوشت ولبست ولفت شعرها لفه عاديه لانها ماتعرفش تمشطه💔😢

وطلعو للمطار
ف المطار احمد ماسك قمر وغاده ماسكه فجر وشمس تلحق فيهم وكل شويا اتعثر وطيح💔 خبطت ف راجل
الشخص:شوفى قدامك وامشى مع هلك😡
ع جيت احمد
احمد:معلش اوخيي سامحنا
وخدا شمس ضربها كف 🔥💔
احمد ب عصبيه:يا خرا الحقينا معش تمشى هكي وهكي ف كل مكان جايبتيلى الدوه ياريتك ماجيتي ع الدنيا
غاده:مش عارفه شن دايرين من معصيه بيش ربي بلانا بيك
شمس وجعتها روحها بس حبست لدموعها ومشت ب قوه ومابينتش ضعفها وانكسارها🔥

وركبو الطياره وبعد ساعه تقريبا وصلو ل ليبيا

احمد وغاده والبنات مصبين قدام باب حوش هل احمد
وشمس فرحانه ب طير من فرحه اخيرا ب تشوف الناس الى تحبها❤
فتح سعد
سعد ب صدمه: اهلن اهلن نورتو ليبيا خشو خشو
خشو للحوش ونزلو دبشهم
شمس عدت تجري وعزقت روحها ف حضن اسماء
غاده:يا قليلت الأدب امشى ب هدوء وسلمي زي الناس
اسماء:عادى خليها حبيبت عمتها رايفت عليك يا عسل
وسحبت شمس روحها من حضن اسماء وعدت تجري حضنت خيريه
خيريه ب فرحه:ربي يحفظك ليا سلم بنيتي تحضن وتسلم
وبحتت ف فجر وقمر
خيريه:كنكن ماتسلمن زي اختكن تعلمن من شموسه العسل
غاده وجعنها بناتها
غاده:اها توا يسلمن غير مزال ماسلحن كنادرهن اصلن هنا مايخشنش ع الفرش ب كنادر عكس شمس 😒🔥
شمس ماعدلتش عليها وحاسه روحها لقت الحضن والحنان والامان وشعورها لا يوصف ❤
صبت شمس سلمت ع سعد
سعد:كيف حالك
شمس :الحمدالله
خيريه:مشاءالله عليها شموسه تقول غزال اسم ع مسما
شمس فرحت ب الكلام❤
غاده تغير ف الموضوع:هيا اطلعو ب نروحو
غاده ب تفنيص:هيا يا شمس خشى😈
خيريه:لا شموسه خليها ب نحكيلها قصه 😊
سكتت غاده ماتقدرش اتناقش خيريه وطلعت وهيا قريب تموت من القهر🔥

شمس:اعميمه انا جعانه بكل
خيريه:نوضى يا تهاني ديريلها نص
تهاني ب قلبت وجهه :حاضر
عدت تهاني دارت نص
خيريه:هيا يا حبيبتى كولى 😊
ع جيت احمد
احمد ب عصبيه:شمسسس يا زفته مش كليتى ف المطار صبي انتلفي شوفي امك
خيريه:احمد البنت صغيره وطبيعى ب تجوع وانا قلت ل غاده نبيها توا بعد نكمل هدريز معاها اندزها ل غاده😒
احمد ب قلت حيله:به براحتك
وعطا شمس نظره ناريه🔥
شمس ادموعها نزلن خدتها خيريه ف حضنها وسكتتها
خيريه:هيا بنيتي القويه كولى
شمس:حاضر
وقعدت تاكل ب هدوء وماطرطشتش ع الفرشه زي باقى العويله الصغار
وتهاني اتبحت فيها مصدومه من ناظفتها واديها
كملت شمس وقالت
شمس:انا ب نروح نشوف ماما 😢
طبعا شمس ماتبش امها تعصب وتضربها وخايفه تروك تضربها غاده ف قالت تروح تفادى للمشاكل وطلعت هيا واحمد ل حوشهم
خشت شمس وتجى غاده وف يدها توبو غاز
غاده:انا يا كلبه تكسري كلمتى ودايره روحك طيبه قدام عمتي يا وجهه الفضايح
وشلطتها ع فخذها ب توبو
شمس صرخت من قوه الضربه😢
(متخيلين طفله عمرها8 سنوات يصير فيها هكى عذااب💔🔥)
غاده:تعلى ف صوتك بيش تفضحينى صاح غير نسافرو ل بريطانيا مفش حد يدافع عليك نحبسك يوم كامل ف الدار وتوا نوضى اغسلي وجك وغيري ادبشك ومره ثانيه نقولك حاجه اديريها طول ماتسمعش كلام حد الا كلامي وكلام باتك
ناضت شمس غيرت دبشها وغسلت وجههه وجت ب ترقد
احمد:هى انتِ وين ماشيه
شمس ب انكسار:نبي نرقد
احمد:اطلعى قدامى نشيلك ارقدى عند امي مانبش نشوف وجك😒
شمس وهيا ب تبكي:حاضر

وحطها قدام حوش هله وروح
دقت شمس الباب وفتحت خيريه
خيريه:شموسه حبيبتى كنك
شمس والدموع ع خدها:بابا قالى ارقدي عند امي😢
خيريه ب شفقه وزعل:تعالى ل حضنى توا نرقد انا وياك
خدتها خيريه وغسلتلها وجهه ورقدت ورقدت شمس ف حضنها
ب نسبه ل شمس نست حزنها وفرحت لانها حست ب دفء والامان ف حضن خيريه وخداها النوم

ف صبح
شمس :صباح الخير
خيريه+سعد:صباح النور
خيريه:تعالى افطري حبيبتى
فطرت شمس ودوشت وغيرت دبشها وخيريه مشطتلها شعرها❤ وكان سعد مصدوم من ادب وتعامل شمس حس روحه ايتعامل مع شخص كبير مش طفله دوبا خاشه ف 8اسنين

احمد: انا طالع ل شغل
غاده:ونا واخده البنات وطالعه ل هلى
طبعا البنات قمر وفجر وشمس مش محسوبه😢

تسريع الاحداث
مر شهر وشمس تاكل وتشرب وترقد عند اجدودها واحمد وغاده مش معبرينها وحاسه روحها يتيمه
وغاده كانت تمشى ل هلها ومرات تاخد فى شمس معاها لان خوال شمس مستغربين كيف غاده تعامل ف شمس هكى

خيريه:احمد نبي نحكي معاك ف موضوع مهم
احمد:انشاءالله خير
خيريه ب غصب:

يتبع.......
-توقعاتكم شن ب تقول خيريه ل احمد🤔🔥
-تفاعلو🔥وصلوها ل 1000 تعليق هيا انشطو❤
-ولايك عشان التصفيه❤ومتابعه الايميلات
آلكہآتہبہهہ مہنہى آلمہجہبہريہ
كاتبه مروه عمر
روايات كاتبه عقوريه