عندما تشرق شمس

الحلقه 12

#عندما_تشرق_شمس حقيقيه🌞
الحلقه《12》

آلكہآتہبہهہ مہنہى آلمہجہبہريہ
كاتبه مروه عمر
روايات كاتبه عقوريه
*****************************

سراج: نبي نقولك علي حاجه مهمه 💓
شمس: شنو هيا
سراج: إنا. انحبك.❤
شمس: شنو تحكي انت😳
سراج: حق ربي نحبك و منال مجرد بنت نضيع معها ف وقت وبس🙂
شمس: تعرف تسكر توا ومعش توريني وجك لان اقسم بالله لو شفت رقمك مره ثانيه راح تشوف مني رد مش راح يعجبك. وسكرت ف وجه 😡
شمس شنو هضا معقوله ف ناس هكي. كيف يتجرا ويقولي نحبك. انا معش نبي نحكي معاه
في الليل.
غاده: شمس
شمس: نعم
غادة: نوضي. اغسلى المواعين ويويلك نلقه شئ معفن
شمس: باهي. 😑
خشيت نغسل ف مواعين
فجآه سمعت صوت. فونى يرن. سيبت المواعين وطلعت نجري للصاله. لفيت فونى ف يد امي
غاده : منو الرقم هضا 😐
شمس: منعرفش🙋
غاده: متعرفيش صار باهي وخدت تلفونها وحطت الرقم واتصلت. رد عليها. امي مسكتني من يدي بقوه وحطت تلفون علي وذني
غادة: ردي
شمس: ااا ء الو
سراج: منو معاي.
شمس: سكت.
غادة: تضغط علي يده بقوه ردي
شمس: انتي متصصل برقمي مدار
سراج: شمس صاح. شكيت في صوتك. معرفتينش.
شمس: انا كنت عارفه بس خفت من امي. منعرفكش غالط ي خوي وسكرت.
شمس: منعرفش رقم غريب وشفتي بعيونك تقريبا. وناضت. وكملت المواعين.
شمس اففففف باهى الى ما عرفتني. انا معش نبي نكلم سراج شئ هذا غلط. ومعش نبي انديرها. وانا متاكد ان امي شكت فيا😭
في الليل مع ساعه1 الحوش كله راقد خديت تلفونى واتصلت ب سراج
سراج: الوو
شمس: ااوو. اسمع ي ولد الناس هنا كلمتين
سراج: اهدي شن فى
شمس: معش ترن عليا. سمعت و وصل ل معتصم ميرنش عليا لعند ما نرن عليه
تاني يوم. في العشيه كانن بنات العيله كلهم عند حوش جدي لبست ومشيت. وقعدة نهدرز معاهم وغير جوو.
معتصم اتصال بيا. رديت عليه بس منسمعش فيه من هرجه يلي جنبي. دزلي رساله ردي عليا لما تكوني فاضيا.
شوي وبنات طلعن من الدار وقعدت بروحي.
شمس: هلا
معتصم: اهلين رايفت عليك
شمس : حتي انا.
علي خشت امي. سكرعلي طول 😱
غادة: شنو اديري بروحك
شمس: بتوتر شئ😶
غادة: باهي عطيني تلفونك😒
شمس: عطيتا لها وانا يدي ترعش. امي خدت تلفون من هنا وهو رن من هنا
غادة: فنصت في شمس. وردت علي تلفون
معتصم. الوو ي قلبي وينك.
غادة سكرت. في وجه. هذا منو. ياشمس🤨
شمس: مرديتش.😳
غادة : توا نعرف انا منو. 🤔
خدت الرقم وحطات علي كاشف الارقام طلعلها معتصم فلان .....
عرفته انا من العيله يلي ساكنه جديد في شارعنا. معتصم رد اتصل
امي ردت😨
غادة: لو شفتك متصل علي رقم هضا مره ثانيه راح نقول لي بات شمس وهو يتفاهم معاك وسكرت من غير ما معتصم يرد.
غادة: ضربت شمس كف😈
شمس: حطت يده علي خده. ودموع ينزلو. تبي تعرفي ليش انا اندير هكي😞
غادة: لانك تبي اتجبيلنا العار😏
شمس: وهي تبكي ههههههههه العار 💔😂 لا غلطانه. لان لقيت حد يحبني ويحسسنى بحب والاهتمام يلي فقدت منكم. معتصم كان يحسس فيا إن انا احسن بنت في العالم علي عكسك انتي وبابا تخلو فيا نحس. إن انا احقر بنت وإن انا لقيط ومش بنتكم ومعنا دم يلي في عروقى لكم. وشايله اسمكم ع الفاضى انا مليت من تصرفاتكم. من تفريق بيني وبين خواتي. معتصم عوضني علي كل ليله خلتيني بشرك وحقدك عليا نرقد ونا نبكي من يوم ما عرفته وانا قعد عندي سبب بيش نعيش. 😭
معوضني ع اهتمامك انتي وبابا تحسابي انا نبي هكي نبي نحكي مع شباب انا عارفه ان غلط وان اصغيره. بس حسي بيا لو حتي شوي انا محتاجه اهتمامك خليني نحس بحنك عليا مش يقولي ام هي اكتر انسان ممكن انها تحن وانها كتله من الحنان بس انتي ليش نحس فيك كلك شر. وحقد عليا 😭😭
غادة مدام هو سبب يلي مخليك تعيشي معناها موتي من غيره انا نبيك تموتي☹. وطلعت من الدار.
انا كانت مصدومه وخايفه معصتم معش يحكي معاي وروحت الحوش. وخديت الليل كله بكاء وفعلا من يومها لا عاد شافته ولا عرفت عليه حاجه. مر عليا 3 شهور. ونا كل لليل بكاء ومعش ناكل ولا حتي نشرب. وامي ردت تعامل فيا ب حقاره. قعدة معش نشوف فيهم. ولا عاد نهتم لي كلامهم ولا معاملتم ليا لان قعدت منطلعش من داري. في يوم راسي كان يوجع فيا. نضت نبي نماشي الحمام نغسل وجيي.
نحس في الدنيا تبرم وراسي بينفرج ومعش حسيت الا وانا طيح في الارض.💔
قمر اختي شافتني.
قمر يا بابا ي ماما شمس طيحا في الارض جوو. شالوني للمستشفي. وهم يرجو برا😌
احمد: بنتك كنها🤨
غاده: مندريش عليها. توا الدكتور يقولك كنها🙄
الدكتور طلع. ويشوف لي احمد وغادة
الدكتور وين بوها وامها🤔
احمد: انا بوها وهي امها😏
الدكتور مستغرب. مفيش اي علامه خوف عليهم😳
الدكتور حطينالها تغديه. ودمها 4 ضروري تقعد ف مستشفي.
احمد:به
غاده:هيا نروحو يا احمد ماعندنا عليش قاعدين
الدكتور ب صدمه:ومن ب يقعد مرافق
احمد ب حقد: هيا كبيره ومعتمده ع روحها وجو صقع ومفش حد يقعد مع العيال ف الحوش ب روحهم
الدكتور قعد مستوه شويا وقال ف سره
الدكتور ف سره :اول مره نشوف أب وأم هكى . اها براحتكم
وطلعو احمد وغاده بدون مايحكو حتى مع شمس كان الى ف دار وفاقده الوعى ع سرير مش بنتهم💔ناضت شمس
شمس:انا شن جابنى هنا
الممرضه:الحمدالله ع سلامتك . انتِ فقدتى الوعى وطلع عندك نقص دم ودارولك دخول
شمس:اها وهلى روحو صاح
الممرضه:اها شفتهم طلعو اكيد شوي ويجي حد يقعد معاك
شمس ب هزوه وكسرت خاطر:اها اكيد💔
طلعت الممرضه وشمس خشت وجهها تحت المخده وقعدت تبكي ب العبره😭💔وعارفه ان هلها تريحو منها ومفش حد ه يجي
شمس:سامحنى ياربي ياربي غير حياتي للاحسن انا تعبت وخشيت ف حجات الغلط وحجات مش ليا ياربي سامحنى انا تاعبه ياربي خوذنى وريحنى حتى ف نجاحى من شهاده الاعداديه محد فرح بيا كان مش بنتهم ياربي خوذنى
وقعدت تبكى لين خذاها النوم
شمس ندمت لانها خشت ف علاقات ودارت الجو هضا كله عشان تعبي مكان باتها لانها كانت محتاجه ل حنان الاب محتاجه ل حد يحبها حد يحن عليها 💔🔥
ثاني يوم جا احمد.
احمد:هاكى هضا فطور وانشاءالله تغصي فيه وتموتى
شمس ب دموع:مانبش ناكل شى ب نموت
احمد:كان موتى وريحتينا عليش نقص دم ودوخه ومستشفى وتحاليل وفلوس وشحوره عليك انتِ وياريتك تستاهلى
وعزق اشكاره الفطور وطلع وسيبها
وشمس تبكى ب هستيريا. خشت عليها الممرضه حضنتها وشمس كانت محتاجه للحضن💔للامان هدت اشويا ورقدت
واستمر الحال ل مده 4 ايام يجي احمد يعزقلها الفطور والغذاء والعشاء ويطلع وغاده ماجتش بكل كان بنتها مش ف مستشفى💔🔥وف 5 يوم طلعت للحوش
غاده:اسمعى يا فرخه ماتقعدش اتمرضيلى خلاص لك 4 ايام متريحه توا نوضي ضمي الحوش وف مواعين اغسليهن وفكينى من الدلع والتنبله
شمس:به
وناضت شمس دارت برمتها ع الحوش وخدت تلفونها ورنت ع علاء
شمس :ايوا كيف الحال
علاء:تمام والله وانت
شمس :تمام.نبيك ف خدمه
علاء:تفضلى خير انشاءالله
شمس:نبيك تجى تاخدنى تحطنى عندكم
علاء:تمام 10 دقايق نكون عندك
ووتت شمس دبشها ولبست عباتها ووشاحها وطلعت
وصلت عندهم وشافت عبير سلمت عليها سلام بارد وخشت للدار رن فونها شفاته لقاته امها مابتش ترد عليها

غاده:الحيوانه الى مش متربيه طلعت من غير اذن ورنت عبير قالتلى قاعده عندنا
احمد:احسن مله فكا شن تبي ف وجهها
غاده:مش ع سواد اعيونها ولا حب فيها بس من ب يضم ويطيب ووو يا همى انا توا تجى ع راسي

ب نسبه ل شمس يرن عليها معتصم معش ترد ومعش خشت ف علاقات وبعد شهرين روحت ل حوشهم
وخذت هزايب من غاده عشان الحوش قعد ع راسها
وف يوم شمس كاينه تفكر ليش يصير معاها هكى
شمس:لازم نعرف انا بنتهم صاح ولا بتبنينى شن القصه لازم نمشى ل جداى وهيا توا تحكيلى
وطلعت شمس من بلكونى ومشت ل حوش جدودها

خيريه:هلا شموسه باه الى جيتي مكسده بروحي
شمس ب حيرا:جداى ب نسالك وجوبينى ب صراحه
خيريه:اسالى وتوا نجاوبك
شمس:ليش يعاملو فيا هكى انا بنتهم ولالا احكيلى القصه
سكتت خيريه شويا
خيريه:بنتهم اكيد مفش شى يا شمس
شمس ب دموع:الله يربحك يا جداى عرم اساله ف راسي ب ننهبل لازم حد يجاوبنى عليهن😔
خيريه ب شفقه:توا نحكيلك.وو
حكت ل شمس القصه كلها وشمس مصدومه من كلام وتبكى مقهوره
طلعت شمس مروحه للحوش وهيا مش قادره تمشى ع كرعيها من قوه الكلام الى سمعاته😔💔 وخطبت ع حوش مرات عمها اسماء دقت ع الباب
اسماء ب صدمه:شموسه كنك
شمس ب دموع:كنت عند جداى وحكتلى القصه ونبي نزيد نسمع منك اخره
اسماء ب شفقه حضنت شمس. وقعدت تحكيلها ع الى صار والقصه كلها
طلعت شمس ومشت ل حوشهم وهيا كل الحب والاحترام والتقدير ل غاده واحمد حول من قلبها وحل مكانه البرود 💔🔥
احمد:وين كنتى ادوري لكي 6 ساعات برا توا عشاء يا كلبه كان بتي برا وسكتى
شمس:عدي يا فاضى شوف حاجه تلهي روحك بيها بدال ماشاغل بالك ف طلوعى😏
وخشت للدار.واحمد وغاده مصدومين ف ردت فعلها
وقعدت شمس قويه ومعش تاثر ب اى شئ وترد ع غاده واحمد وهما حايرين كنها تغيرت هكى
وف يوم
غاده:والله يا اسماء شمس محيرتنى رايحه ترد علينا ومتغيره واجد
اسماء:مش منها من الى عرفاته مسكينه
غاده ب حيره:شن عرفت
اسماء:عمتى حكتلها القصه كلها ويومتها جتنى تبكي وحالتها توجع القلب
غاده ب صدمه:صار هكى
وخدت عبايتها ووشاحها وطلعت روحت ل حوشها
غاده ب عصبيه:احمد يا احمد
احمد:نعم كنك تعيطي
غاد:عارف شمس عليش تغيرت شمس عرفت ب قصتها من بدايه
احمد ب صدمه:تى كيف من قاللها
غاده ب فتنه:امك حكتلها كل حاجه وفتنت البنت علينا
وطلع احمد ل حوش امه وعيونه حمر ومايشوف ف شى قدامه

قمر:شمس يا شمس
شمس :نعم
قمر:راه ماما وبابا حكو ع موضوع فيه انتِ وجداى وبابا طلع متعصب ماشى ل جداى
شمس ب صدمه وخوف:حى عليا جداى
وطلعت لحقت احمد
احمد
شمس😱

يتبع

شن توقعاتكم ☺

لايك ✔التصفيه تفاعل وصلوه الف متابعه ع الايميلات 👇
للكاتبات 🌞
آلكہآتہبہهہ مہنہى آلمہجہبہريہ
كاتبه مروه عمر
روايات كاتبه عقوريه
********************************