عندما تشرق شمس

الحلقه 15

#عندما_تشرق_شمس 🌞 حقيقيه
الحلقه" 15"
آلكہآتہبہهہ مہنہى آلمہجہبہريہ
روايات كاتبه عقوريه
كاتبه مروه عمر

شمس:طمنى يا دكتور
الدكتور:مزال الحاله مش مستقره اتمر 24 ساعه ونعرفو ادعولها
ودنيا قعدت تخبط وتبكى ب هستيريا وشمس تهدي فيها
شمس:خلاص ياروحي استهدي بالله
وخدت دنيا ف حضنها ورقدت وقعدت شمس تبكي و تواسي ف دنيا وهيا تبي من يواسيها💔
وليد:شمس هيا نوضى روحي انتِ ودنيا
شمس:لالا ب نقعد نطمن عليها قبل
وليد:بلا اعناد قالو شخص واحد ناجي ب يقعد وباتك قاعد ف سيارته
شمس ب استسلام:به انزل توا نواعي دنيا ونلحقك
وليد:تمام.ونزل يسخن ف سياره
شمس:دنيا دندون 😔
دنيا ب دموع:طلع الدكتور حكا معاكم شن قال
شمس ب شفقه:لالا ماطلعش نحنا لازم نروحو ممنوع نقعدو
دنيا:لا انا ب نقعد ل من نسيبها امي😭
شمس:توانروحو وبكرا نجو هيا حبيبيتى حتى تريحي شويا
دنيا ب استسلام:به
ونزلن ركبن ف السياره
وليد ب ارتباك:شمس ب نحطك ف حوش جداك وراهو ماعندهش علم و
شمس ب خوف:و شنو
وليد:نبوك انتِ تخبريها ب الى صار
شمس ب صدمه وخوف: وو وكان صارتلها حاجه ل قدر الله ه نقعد انا مذنبه كيف مصار ل جدي😔
وليد:لالا انشاءالله خير انتِ قوليلها بس والباقى مادخلكش بيه ماتفكرش ب سالبيه
شمس ب حزن:به توا نقوللها
نزلت شمس ودنيا
شمس ف سرها :يارب قوينى يارب مايصرش ل جداي شى
وخشت رجل تقدم ورجل توخر
فاطمه :(جدتها ام امها)اهلين ب شموسه الحلوه كنك مش ب تباتى عند خوالك
شمس ب توتر:لالا مصارش
فاطمه: كنك متعاركه مع امك
شمس ب هزوه:امته ماتعركتش معاه😏ديما عرايك نحناا بس انا روحت من حوش جدي من الظهر
فاطمه:عليش ووين كنتى ه الوقت كله
شمس ب توتر:كنت ف المستشفي
فاطمه ب شهقه:كنك صار ف عيونك حاجه
شمس:لالابس وحدي الله
خيريه ب خوف :لا الله الا الله
شمس:خالتى مسعوده ف المستشفى
فاطمه ب صدمه:كنها بسم الله اكيد طاحت ع كرعيها ديما ضم ومصبيا ماتقعمز بكل
شمس:لالا جتها جلطه
خيريه كانت مصبيه طاحت ع الصالون قعمزت وقعدت تبكي وجتها دنيا حضنتها
وشمس عيونها يوجعو فيها 💔 وبعدين خشت هيا ودنيا للدار
دنيا:عيونك حمر يا قلبي😭
شمس:يوجعو فيا بكل والله
دنيا :ياعمريي خشى ارقدي غمضيهن بيش تريحي
خشت شمس غيرت دبشها وجت ل دنيا ل قتها تبكي قعمزت جنبها واتكت دنيا ع كتفها لين رقدت وقعدت شمس تبحت فيها وتذكر كيف كانت دنيا تستقبل فيها وتفرح ب نجاحها وتستقبل فيها ب ابتسامه واليوم وامس تبكي وخلاص ووجها اصفر منظرها يقطع القلب. رقدن البنات وثانى يوم ف صبح
شمس:دنيا هيا نوضي عمي محمد يرجا ب يشيلنا للمستشفى
دنيا :شمس مارقدتش صاح
شمس ب حزن:اها ليل كله واعيه😔ماجنيش نوم وعيونى يوجعو
دنيا ب حزن :ياروحى😔
شمس: هيا البسي بسرعه ب نطلعو وافطري
دنيا:لالا نيتي مسكره 💔
شمس:غير افطري اهو بريوش ونسكافيه افطري عشان خاطرى😊
دنيا ب حزن:حاضر
شمس: ب ننزل نكلم جداى بيش تلبس
نزلت شمس
شمس:صباح الخير