#عندما_تشرق_شمس حقيقيه🌞
الحلقه{9}
آلكہآتہبہهہ مہنہى آلمہجہبہريہ
كاتبه مروه عمر
روايات كاتبه عقوريه
**********************************
ومرن اسنين وخشت شمس شهاده اعداديه
كانت تمشى هيا ووهند بنت عمها وخواتها قمر وفجر وعويل عمها خوت هند معتز يقرا مع قمر ومحمد يقرا مع فجر
هند:فاطمه صحبتك من امتى يا شمس
شمس ب فرح:فطوم صحبتى من صف اول
هند ب خبث:اها بس حسيتها بنت مش تمام
شمس ب صدمه:لا مشاء الله عليها
ووصلو للمدرسه
شمس ب فرح:فطوم رايفتلك
فاطمه:وانا اكثر يا قلبي بس كنه زي بتاعك هكى قديم راه معش يلبسو فيها ستايل هضا و
شمس ب دموع:انا عاجبنى ماتدخلش فيا ومعش تحكى معايا
وعدت شمس تبكى وقعمزت ف درجها🔥💔 جتها ابتهال صحبتها الاخره
ابتهال:كنك يا قلبي من مزعلك😢
شمس ب دموع:محد مضايقه شويا
قعدت ابتهال تهدرز معاها ع ساس تغيرلها جوها
هند:شمس انا وفطوم ب نفطرو مع بعضنا عطينى فطوري من الشنطه جنبك
شمس ب انكسار طلعت الفطور من شنطت هند لانها كانت قريبه منها وعطتها ل هند وهيا نار ف قلبها نار 🔥غايره ع فطوم صديقت عمرها
وعدت هند وقعدت مع فاطمه وضحك وبصاره ومسيبين شمس بروحها
ابتهال:شموس تعالى نفطرو مع بعضنا ونحكيلك ع حياتى اكثر
شمس:هي تعالى
وف نهايه الدوام جت هند ل شمس
هند:شمس هيا نروحو قبل الفروخ بيش نهدرزو ع راحتنا
شمس:بس مرات يصير للبنات حاجه يمشن ف شارع ب روحهن مرات يجري وراهن كلب
هند:لالا ماتخفيش عليهن معاهن معتز ومحمد
شمس ب استسلام:به هيا
ولمت ادواتها وخذت شنطتها ع ظهرها وطلعت مع هند
هند:اخخ فطوم بنت عسل جوها يهبل
شمس بدون اهتمام:اها ربي يحفظها
هند:كنه جوك مش تمام معاها شن فى
شمس ب تردد:مافى شى و
ع تخطيمت شباب
غازي:اووو عليك قمر طالع ف الصبح
شاب:حليلى انا من سماحه
شمس ب خوف:هند سرعي ف خطوتك خلاص قريب نوصلو ل حوشينا
هند:حاضر
وتباعدو من ع شباب وروحت كل وحده ل حوشها
شمس ب تعب :السلام عليكم
غاده ب صدمه:يافرحه يا وجه المصايب خواتك وين مش قايله معش تروحي وتسيبيهن
شمس:هما يطولو ف الحصص وتوا يروحن مع معتز ومحمد
غاده بحتت ف شمس من فوق ل تحت وفنصت فيها
غاده:وعليش تروحي انتِ وهند بروحكن بيش تصيعي صاح
شمس ب صدمه:اه لا والله ماصارتت
وقربت غاده ع شمس وعطتها كف ع وذنها لين انحمرت وحست ب طبلت وذنها خربت💔🔥
شمس ب دموع وصوت عالى:عليش شن درتلك توا قاعده ف حالى واعره وذني راحت فيها
غاده:يا قليلت الأدب معش تعلى صوتك وتناقشينى امشى يا خرا غيري دبشك وتععالى وتى حاجت الغذاء
خشت شمس دوشت ولبست توتتها وطلعت للمطبخ وتت حاجه الغذاء وجن خواتها وقعمزو تغدو
غاده: خلاص سم يهريك سادك اوكال نوضى ارفعى المواعين اغسليهن
شمس بدون اهتمام مع ابتسامه مستفزه:حاضر 🙂
وغاده تغلى من برود شمس تبيها تحكى اى حاجه وتناقشها بيش تضربها
رفعت شمس المواعين وغسلتهن وصبرت لين رقدو ف العشيه وطلعت من البلكونى مشت ل هند بنت عمها
هند:هههههه يا فرخه مقواك ديما هاربه ومحد قادر عليك يا عوينك
شمس ب غصه: مانحسش ف حد اصلن
هند :اخخخ ياعوين فاطمه ب امجد عليك حب
شمس ب حماس:أنا ف حاجه مش مستوعبتها كيف يمسكو ف يدين بعضهم ويحكو قدام المدرسه كلها كيف مايخفوش
هند:يا غبييه امجد من المليشيات وحتى المدير يرعش منه رعش
شمس:اها بكل السنه الى فاتت عليك عركه دارها قريب راح المدير فيها
هند:تذكري الشباب الى نابشونا اليوم شباب الثانويه
شمس ب حماس:اها كنهم
هند:عارفه ف واحد طويل واسمر هضا غازى صاحب عبد الرووف عارفه توا يقولو ل عبد الرووف مش عارفه شن يدير فيا احتمال يسيبنى هوا موصينى مانمشيش كعابي للمدرسه
شمس:تى فوتيه دنيا مش واقفه ع حد كان يبيك مايسيبكش ع موضوع تافهه
هند:اها خطرها ع سيره عبد الرووف نبي فونك اليوم ماقدرتش نسرق فون ماما
شمس:لالا فكينه منه فوتيه الفرخ هضا قلبي مش متريحله
هند:قولى مانبش نعطيه لكى وخلاص واصلن انتِ حاسدتينى ع حب عبد الرووف ليا
شمس ب صدمه ودموع ف عيونها:عليش ب نحسدك معقوله نحسد بنت عمي ع عيل
هند:اها وحاسدتينى ع عيلتى
شمس دموعها نزلو ولبست عبايتها ووشاحها وطلعت روحت ل حوشهم ولقت هلها مزال راقدين
خشت ل مرقدها بكت لين طاب خاطرها💔🔥
شمس :عليش تتجكتر عليا ب عبد الرووف وهوا اصلن يحب هنادي الى معانا وداير المستحيل عليها وتهزه شن ذنبي كان جيت اول بنت وهلى هكى مايبوش بنات عقليتهم تخلف
وقعدت تقنع ف روحها ان هيا مفش حد متحكم فيها زي هند ويشك فيها وان هيا احسن من هند وتقدر تطلع امتى ماتبي بدون ماتستاذن وعندها فون ونت ومحد يفتش وراها لا شى وبكت🔥😭💔لين رقدت
ثاني يوم ف صبح
غاده:شمس خوذي معاك قمر بس وامسكى ف يدها كويس رد بألك ع اختك
شمس:فجر وينها به
غاده:فجر حرارتها مرتفعه ماتقدرش تمشى واكتبيلى الدروس الى يخذوهن اليوم من البنات وجيبيهن ليا
شمس:حاضر
وطلعت هيا وقمر و
شن توقعاتكم ☺
لايك ✔التصفيه تفاعل وصلوه الف متابعه ع الايميلات 👇
للكاتبات 🌞
آلكہآتہبہهہ مہنہى آلمہجہبہريہ
كاتبه مروه عمر
روايات كاتبه عقوريه
**********************************
أنت تقرأ
عندما تشرق شمس
Romance#المقدمه روايه #عندما_تشرق_الشمس قصه حقيقيه. 🔥 بدت قصتي من ولدت ع دنيا ونصيب هلي فيا اني طلعت بنت وهذه شي الي خله حياتي ميؤس منها وبابا هوا الي كبر القصه و مَأّمَأّ ساعدت ع أّلَوضع وازدت طين باله بدال ما تقول الحمدالله هذه رزق من ربي وتشكره لا تحط...
