#عندما تشرق الشمس🌞
حلقه-8
آلكہآتہبہهہ مہنہى آلمہجہبہريہ
كاتبه مروه عمر
روايات كاتبه عقوريه
**********************************
دنيا:محمد مات مات وسيبنى يا شمس😭
شمس ب صدمه ودموع:كي كيف كيف مات كيف كان كويس
دنيا ب انكسار:نقص عليه دم ومالقينش دم وروحه عدت ل خالقه😢
وسكرت دنيا الخط وشمس ف حاله صدمه
شمس ب بكاء ونديب:لا يا ربي لا إلا محمد من ليا انا مزال صغير 😭يانعاليا يا خويا يانعاليا ي الغالى
وقعدت تبحت من البلكونى ف الخيمه وهيا محروقه 🔥نار ف قلبها وطلعت فونها وفتحت ع صورها هيا ومحمد
شمس ب انهيار:ياروحي عليك من ليا من يحس بيا بعدك ياقهرتى ياكسرتي يا وخيي
وقعدت تراجي ف غاده لين اتنوض بيش تمشى للعزاء
بعد 3 سعات تقريبا ناضت غاده
غاده ب حزن:شمس يا شمس راه محمد توفى
طلعت شمس من بلكونى ووجه كله دموع وحمر وحالتها حاله💔 ولابسه عبايتها والمحرمه
شمس ب دموع:اها رنت عليا دنيا وقلتها ليا
غاده:امسكى خوك غيريله
شمس ب دموع:نبي نمشى للعزاء انا 😢
غاده:وعليش ماشيه يا حنه قعمزي واسكتى فرخه ماعندك عليش ماشيه للعزوات
شمس ب صدمه وانكسار:بس محمد خويا لازم نمشى ب نشوفه ل آخر مره قبل مايدفنوه😢
غاده بعد حست شمس ب تمشي وقريب تنهبل ع مشيه للعزاء مابتش تخليها
غاده:كلمه وحده وبلا دلع زايد خشى ديري الفطور خليهم يفطرووغيري ل خوك
شمس ب تموت من قهر بس مفش ف يدها شى 💔🔥
غاده:قمر و فجر تعالو نغيرلكم دبشكم ونمشطلكم شعركم
خشت شمس وتت الفطور وقعمزو يفطرو
غاده:هضا شنو كنه مر هكى الحليب
شمس:كيف يعنى
غاده:مش حاطه سكر يا مصيبه تعالى شوفيه
شمس ماعندهش نيه ف شى شفاته لقت روحها ناسيه سكر
شمس ب حزن:شكلى من الصدمه معش ركزت
وخشت جايت سكر وحطتلهم وغاده مش عاجبها وبعدها فطرو
غاده:هيا اطلعو قدامى
شمس ب صدمه:قصدك كلكم ماشين إلا انا😳😢
غاده:اها كلنا ولا عندك مانع
شمس : شن درتلك انا حرام عليك ب نمشى
غاده ب خبث:حرمت عيشتك يا قليلت الأدب هكى ندور ف الحس معاك
وخدت عويلها وطلعت وسكرت الباب
شمس:حسبي الله ونعم الوكيل ياربي ب نموت😭
وعدت تحاول تفتح الباب
شمس ب حزن:مسكر ب مفتاح
بعدها خشت للبلكونه وطلعت منها و هربت ل حوش عمها قعدت مع بنات عمها خير ما تقعد ف الحوش بروحها وتموت من القهر🔥
بنات العيله كلهن حسدات شمس لانها مستقله وتلبس ب جوها وتقرأ ومحد مدورها وتبات عند خوال امها ب السنين عكسهم هما ف المناسبات بس وكيف جدتها تحبها اكثر وحده ف احفادها
شمس :اخ يا هند قلبي انكسر من ليا غير محمد
هند(بنت عمها)الله غالب هيا الحياه هك
هند كانت قريبه من شمس ومعجبه ب حيات شمس وتمنه تكون تطلع وتبات ودير الى تبيه زي شمس لانه باتها مكرهها ف الحياه وشكاك بكل
روحت شمس بعد مغرب
وتلقيها غاده ب توبو غاز
غاده:يا كلبه يا وجهه النحس هاربه من الحوش والمطبخ دوبا ولعت فيه نار يا همى
وقعدت تضرب فيها ب توبو
شمس ب دموع ونجده:خلاص جسمي تكسر من ضرب😭💔 بابا قوللها تحول
احمد ب غضب:انتِ مش بنتى اسسكتى معش ب نسمع صوتك ليش جيتي للدنيا كنت نبي اول بطن ولد يشيل اسمي مانبوكشي وجودك ف الحياه غلط انا متاكد انهم ابدلينك ف بريطانيا
غاده:خلاص يا احمد عندنا ولدين توا
احمد:اسكتى ليش تجيبي بنت
شمس مصدومه كيف باتها جاته زي الحاله وقعد يذكر ف الماضي ووجعتها روحها ل درجه هذي مايبهش حست ان فى سر مدسوس
شمس ب صوت عالى:خلاص تعبت شن داسين عليا خلاص تبرو منى وريحونى😢
غاده ب عصبيه:ولكي عين تدوي يا وجهه المشاكل
وكرت شمس ف دار ونزلت فيها ضرب لين اغمي عليها سكرت الباب وطلعت بدون اى رحمه💔
ع مغرب
شمس ب الم:اييي ياربي مش قادره نوض جسمي تكسر😢
قعدت شمس لعند ساعه 3 ليل وهيا مطوحه بعدها ناضت ولعتTv وقعدت تفرج ع فلم
شمس:ايي يدي😭
وقعدت تبكي ب صوت . خشت عليها غاده
شمس خافت وقعدت توخر تحساب غاده ب تضربها😢💔
غاده:استحشتك يا شمس اسفه 😢
وقعدت تلعب ل شمس ع شعرها ودرتلها ضمدات ع جروح
شمس مصدومه اول مره امها تحكى معاها وتحن عليها هكى
قعدت غاده مع شمس لين رقدت شمس طفت غاده Tvوغطت شمس وطلعت
ثاني يوم ف صبح
غاده:انتِ يا بلوه يا شمس سخنى الحليب بسرعه ربي ياخدك مامنك فايده غير القهاير والنكد وخلاص
شمس مصدومه
شمس تحكى ف سرها:هذي كنها امس كانت كويسه بسم الله شكلها مريضه نفسيا😢
ومرن السنين ومعاملتهم مع شمس زي زفت وخشت شمس شهاده الاعداديه و
لايك ✔التصفيه تفاعل وصلوه الف متابعه ع الايميلات 👇
للكاتبات 🌞
آلكہآتہبہهہ مہنہى آلمہجہبہريہ
كاتبه مروه عمر
روايات كاتبه عقوريه
حلقه 9 تنزل ف ليل
**********************************
أنت تقرأ
عندما تشرق شمس
Romance#المقدمه روايه #عندما_تشرق_الشمس قصه حقيقيه. 🔥 بدت قصتي من ولدت ع دنيا ونصيب هلي فيا اني طلعت بنت وهذه شي الي خله حياتي ميؤس منها وبابا هوا الي كبر القصه و مَأّمَأّ ساعدت ع أّلَوضع وازدت طين باله بدال ما تقول الحمدالله هذه رزق من ربي وتشكره لا تحط...
