Lost in Glacier

10

Unicode (Zawgyi below)

Jaehyun's POV

ပန်းစည်းတစ်စည်းကိုကျွန်တော်လက်မှာပွေ့ယူပြီး အခန်းနံပါတ် 1.1 အရှေ့မှာရပ်နေလိုက်တယ် အခန်းတံခါးကိုခေါက်လိုက်တော့ သိပ်မကြာခင်မှာလာပြီးတံခါးဖွင့်တဲ့ Jungwoo။

ကျွန်တော့်ကိုမြင်တော့သူကကြောင်သွားတယ်ဆိုတာထက်အံ့ဩသွားတဲ့ပုံပေါ်တယ်

ကျွန်တော်ပြုံးပြလိုက်တော့သူက ကျွန်တော့်ကိုအသိအမှတ်ပြုတဲ့ပုံနဲ့ ပြန်ပြုံးပြလျက်ခေါင်းညိတ်လာတယ်

စောနက Lucas အခန်းထဲကထွက်လာတာကိုကျွန်တော်လှေကားထိပ်ကနေမြင်လိုက်တယ် ဒါ့ကြောင့်အခန်းထဲမှာ Jungwoo တစ်ယောက်တည်းရှိနေတာကိုသိသိကြီးနဲ့ကျွန်တော်လာရခြင်းဖြစ်တယ်

"ဒီပန်းစည်းလေးကို Jungwoo ဆီကျွန်တော်လာပို့တာပါ"

ကျွန်တော့်စကားကြောင့် သူကပိုအံ့ဩသွားသလိုရှိတယ် သူ့မှာ Lucas ရှိနေလျက်နဲ့ကျွန်တော်ကပန်းစည်းလာပေးစရာလားဆိုပြီး ကြည့်တဲ့အကြည့်နဲ့ကြည့်လာပြီး ထိုအကြည့်ထဲမှာ ငါလက်ခံသင့်လား လက်မခံသင့်ဘူးလား ဝေခွဲရခက်နေတဲ့သူ့အတွေးတွေပါရောပါလာတယ်

"Lucas ကကျွန်တော်တို့ကိုလာအပ်ထားတဲ့ပန်းစည်းပါ Jungwoo ကို surprise လုပ်ပေးဖို့ဆိုပြီး ပန်းစည်းလုပ်ခိုင်းထားတာကြာတော့ကြာပြီ ဒီနေ့မှကျွန်တော်ကိုယ်တိုင်ခြံထဲကပန်းတွေနဲ့သေချာပြင်ဆင်ခဲ့တာပါ"

"Ahhh Lucas ကလား"

Lucas ကဒီလိုစီစဉ်ပေးထားတယ်လို့လိမ်ပြောလိုက်တော့ တောက်ပသွားတဲ့အပြုံးကသူ့မျက်နှာမှာပြေးကပ်တယ် ထိုအပြုံးနဲ့ သူ့ရဲ့ပျော်ရွှင်မှုတွေကိုကျွန်တော်စစချင်းမှာပဲမြင်လိုက်ရတော့စိတ်ထဲမှာအသည်းယားသွားတယ် တစ်ခုခုကိုမကျေနပ်တဲ့ပုံစံလိုမျိုး။

"ဒါနဲ့ ကျွန်တော်ပန်းတွေခူးထားရတာဆိုတော့ လက်လေးဝင်ဆေးလို့ရမလား"

"ရတယ် လာလေ"

ကျွန်တော်ပေးလိုက်တဲ့ပန်းစည်းကိုပိုက်ထားရင်း ပြုံးရွှင်နေတဲ့ Jungwoo ကဘာမှမစဉ်းစားဘဲကျွန်တော့်ကိုအခန်းထဲပေးဝင်တယ်