#بين الماضي والحاضر يوجد الغد✨
#نواره مفتاح م🦍💞
فحافظ على داخلك نقياً، صلباً، نظيفاً
ودع الحياة تأتيك بأعنف مالديها.
اليوم أول أيام الكليه
"نجود" بابا هيا وقت عندي محاضره
أب نجود :هي أطلعي؛ حاضر
كعادتي أول مانضت صليت وفطرت ولبست عالسريع 😂درت واقي شمس وروج 24س عرفتوه الأخضر هههه انحب انكون طبيعيه
بس ديمه جوي متعكر بسبب ولا بدون😑
ركبت في السياره وانطلقنا للكليه طول الطريق هدرزه أنيء وبابا(أبي هو قدوتي وحبي الأول لا أرضى فيه أي شي أحبك ياأبي♥️) أخيرا وصلنا.
.......... عند محمد .............
"محمد" مضت على صوت المنبه هدا أول يوم ليا في الكليه بعد انقطاع طويل
صليت ووتيت روحي
أم محمد : ياوليدي شن أدير بيها القرايه كمل خدمتك خير، باهي افطر قبل.
"أنا" ياام خلاص ادعيلي بالتوفيق طالع تو ناخد حاجه في الطريق سلامدرست على مقهى وخديت قهوه وبريوش نسمع في واحد ايقول باهي يلي طلع من حوشهم؛ اشوي نسمع فيه ايقولي
الشاب: خير يا محمد أنست؛ غمزلي وابتسملي😉
"أنا" اها خيرات الله يانسك، أشرتله بيدي بمعنى سلام توه🙋🏻♂️
( في ناس إنته اتكون معرفتك بيهم سطحيه ومجرد سلام وبس يعني بعيد بعيد ناس تتمنى كانوا أصحابك لأنهم بس بكلمه بسيطه ابتسامه يرفعلك معنوياتك ايحسسك انك شخص زيك زي غيرك 💗اتحس بروحك تبي اطير في لحظتها وابتسامتك تعلى وقلبك يرجع ينبض بسبب كلمه طيبه❤️💞)
........ في الكليه.........
"أنا" هلا بنات امبكرات اليوم
"جيداء&جود" 😂 هلا باك انتي اموخره هيا انخشوا المحاضره
امشن للقاعه وقمعزن وكل اشوي ايخش طالب
جود😳بحت شكله في دفعتنا حتى هو
جيداء. اها محمد 😍 انحصلوا جو
جود. لااا ياهمي علي الولد يلي حكيتلكن عليه
نجود. 🤷🏻♀️ عادي زي محمد زي علي يامرحبا 😁
محمد. هلا بنات عادي انقمعزوا في المقاعد هدينا نبوا القدام ماهو
علي. أهلا، همسله جوود امنين تعرفها😒
"محمد" اها هادي نفسها شفتهن وين سجلت
"نجود" اتفضلوا عادي
أول وحده جيداء وجنبها جود و نجود وجنب نجود محمد وعلي ✨وبلشوا محاضرتهم
*بعد ماكملوا محاضراته أمتع اليوم الكل روح وكان تاعب لانهن 3 محاضرات في جرت بعضهن
أكيد مستغربين كيف محمد وعلي يعرفوا بعضهم به هدا رح تعرفوه مع الوقت بس اتقولوا علي خريج جراحه شن ايدير في اللغات
Flash back 🔙
"محمد" ألو علي وينك شن رايك انتلاقوا
"علي" أهلا قاعد كساد زي ماعارف تمام وين بأه
"محمد" بحر
"علي" تم ياطيري
بعد القليل من الوقت
درس محمد والقيء علي ايراجي فيه ساموا على بعض وبدوا هدرزه
على. شنو صار في اقرايتك
محمد. الأمور تمام. عندي ليك اقتراح شن رايك اتسايرني وتقرأ معاي فكر قبل ماترد عليا زين فكّر ماتفهمنيش غلط انته صاحبي الوحيد وانته عارف الشي هدا عارف ساد يلي ضاع من عمرنا وساد العذاب يلي عشناه
ونزلت دمعه منهم دمعه حملت معاها أسى وقهر وحزن وعذاب وتخابط
علي. والله انته صاحبي وعارف كل شي صح لازم انكون أقوى ونثبت نفسي وذاتي إنيء مانطيحش وكان طحت نقدر انصبي تم شن لازم اندير والأوراق وووو
محمد. مادور شي كل شي واتي
علي. بأه ريحتني
........ عند علي..............
عليك صدفه اتلاقيت معاها من جديد لكن عليك حشمه المره الأولى مش لقاء اخيه😥
اشرب يا علي وقول عليك لقاء ملاا حاله
لكن أحسن حاجه دارها محمد الجو تمام والتخصص مليح بكل
......... عند جود........
ووك مطوله هاليوم وخلاص اماله هذيك الأستاذه كيف تشرح ماتفهم بكل غير كيف بنفهم وووك لكن أقوى مفاجأة علي بيقعد معانا 😬 بأه اماله بنحصلوا جو 😂😂 اتغدى انهدرز مع البنات خير واني انهدري ابروحي
هديت نقالي وعلقت النت وخشيت للقروب
أنا. هويييي ريتي يانجود يلي ريته امبكري😉
جيداء. 😁قصدك حمادي
نجود. 🤷🏻♀️ خيره
أنا. عيني في عينك تي هو كل اشوي ايبرق فيك هههههههه
نجود. هههههه وشن دراني خيره استغربت حتى نا😑
جود& جيداء.💃🏼💃🏼😂باهي يلي ركزتي وتكلمتي
نجود. باه😁
جيداء. لكن اكويسين الباين
نجود&جود. إيه. شن درتي بعد ماروحتي ياجويده
جيداء. كالعاده صليت وتيت لبسه بكره اشوي تاني بندير رياضه هكا روتيني
نجود. صح ليدك والله
جود. هههههه اكويس نا درت رياضه امبكري ملاكمه فشيت غلي فيها
نجود. ماشاء الله يانيء شكلي احداكن مادرتش ثمره 😯 هههههه سلام توه بنصلي وبنقرأ سوره البقره قبل مانرقد
جود&جيداء. اكويس قاعده مستمره في اقرايتها سلام
.......
جيء اليوم التاني والتالت ومر أسبوع واثنين وبدت علاقه البنات والشباب اكويسه
..........
في الكليه
بعد ماكملوا ماحاضراتهم قمعزوا في الكافتيريا يتغدوا
علي. خيرك يامحمد ساكت
جيداء&جود. حقه خيرك ؟!
نجود😕
محمد. سلامتكم خير، شبح لنجود شبحه غريبه
نجود. خيره هدى شبحلي هكي 🤦🏻♀️ ماتدرتله شي راه
علي. انا شبه عرفت ليش لكن خلوه هو يتكلم
جود&جيداء&نجود. تمام. انتلاقوا بكره سلام وكل واحد روح بعد ماتغدينا غدوه امقررين نقروا اشوي جميع
عند محمد....
محمد. مش عارف ليش الحلم ماسيبنيش وكل مانشوفها اطيرلي والقروب بده ايشك هوووف
نقاله رن وكان علي فرد عليه
محمد. ها علي
علي. تي خيرك اليوم كنك شن في حد كلمك ولا جاد شورك
محمد. لاا بس مضايق من هالحلم بس وشبه كبير بينها وبين نجود
علي. نجود نجود يلي معانا
محمد. إيه
علي. بأه شن رح أدير
محمد. مش عارف الحق انتلاقوا غدوه سلام
علي. بأه بأه سلام
..... اليوم التالي......
البنات والشباب امقمعزين في القاعه ومنتبهين في الشرح اكويس وكملت المحاضره
الأستاذ .نجود بنسألك ليش مستواك نزل على بدايت السمستر صاير شي تكلمي ممكن نقدر انساعدك
نجود. إن شاء الله تو انشد في الجديد معليش اشوي ظروف😢
الأستاذ. تمام بالتوفيق.
نجود بعد ماتكلم معاها الأستاذ ماعاد قدرت اتشد روحها خدت دبشها وطلعت جري وحابسه ادموعها
جود&جيداء. لأنهن فاهمات شن يلي صاير ويلي خلى نجود هكي سكتن 😓😓😢وحزينات على صاحبتهن يلي قلبها يوجع فيها.
محمد وعلي. خيرها نجود أصلا املاحظين انها متغيره في شي
جود. 🤷🏻♀️ مانقدر نحكي شي خاص بيها هيا فهمتوني
.......عند نجود..........
الكل لاحظ الكل 😓😭😢😭 أنيء قويه إلا في الشي هذا ضعيفه فيه الحمدلله رح نصبر صبرت واجد نقدر نصبر أكثر. أكيده الشله مشغوله عليا حي كلهم متصلين أف 📱ألو علي ماتشغلوش بالكم اكويسه راسي يوجع فيا بس هي تعالوا لمكانه تحت الشجره هيا.
....... عند القروب......
علي. هيا قالت تعالوا تحت الشجره هي
جيداء& جود&محمد. غريبه 😕
علي. هياااا
الباقي. هي هي
عدوا القوها اتراجي فيهم ومبتسمه كلهم استغربوا
نجود. تي قعمزوا
الباقي. باهي
محمد. خيرك شن صايرلك مش نحنا أصحاب
نجود. صدقوني تو عالأقل مانقدرش نتكلم بس رح ايجي يوم ونحكيلكم😊
محمد. بأه تمام.
قررنا كلنا إنه كل مره شخص يتكلم عليء يوجع فيه على حزنه احنا صرنا قروب واحد مع بعضنا في كل شي
الجزء القادم رح تكون بدايه سرد كل بطل لجزء من قصته
من أول واحد ياترى
@nowara53
♥️
أنت تقرأ
بين الماضي والحاضر يوجد الغد(روايات من واقع الشباب) ✨🦍❤️
Ficción Generalهل للأقدار دور أم نحن من نختار قدرنا✨ أبطال الروايه كما يبدوا كان القدر هو من اختار لهم مسيرتهم ومهما حاولو لم يقدروا على تغيره @Nowaranona @nowara53 حساب الأنستا
