بين الماضي والحاضر يوجد الغد(روايات من واقع الشباب) ✨🦍❤️

الحلقة 7

بين الماضي والحاضر يوجد الغد ✨
#نواره مفتاح م 🦍 💞
@Nowaranona حساب الواتباد
@nowara53 حساب الأنستا
.
.
.
💓ماأعظم أن تجد نفسك بين حضن الله ثم ينفجر بركان عيناك💓

                             الحمدالله
....
جيداء. بس ياجود غلط تفكيرك بالإنتحار وإقدامك عليه صح إنتي صاحبتي وتفاجأت بكلامك وجعك كبير يبيله عشان يبرا
جود. تعرفي ياجيداء الوقت كفيل بكل شي هو قادر عشن إيغيرك غلطت وين انتحرت لأنه مافيش شي يستاهل شن استفدت كان متت حق راني خشيت النار يعني نخسر دنيتي وآخرتي وربي،ولاا
علي. صح كلامك مافيش شي يستاهل وربي هو يلي خلقنا واجب علينا إنه نبتعدوا على محرماته
جود. إيه إيه صدقتك والله ويلي شفته مره شنو؟ 😏
علي. غلطه وجت في عينك شن بندير ومنها عرفت وأيقنت كل شي ونحكي في كلامي ونا مؤمن والحمدلله 😌
نجود. الحمدالله ،هي سلام شباب بنروح
جيداء وجود. هيا سلام حتى نحنا
علي. ومحمد. سلام🙋🏻‍♂️
بعد ما البنات روحن عدا كل من محمد وعلي للمقهى يلي ايقعمزوا فيه وكان مكان هاديء ومريح وبدوا دردشه
محمد. الحمدالله تعرف يا علي إنّ كابوس البنت ماعاد زي قبل خف هلبا
علي. اكويس الكلام هضا
محمد. إيه
علي. بكره قررت نحكي نا تجربتي الحق الكل متفاعل بس كنها نجود هكي بكل هيا
محمد. تي هيا بنت فيها خليط ماتفهمه مره طيبه لين بكل ومرات غبيه ومرات عصبيه لين مانقدرش نفتح فمي قدامها اقسم بالله هي
علي. 😂ركزتلك الحق انهارتها والبنات كأنهن يعرفن شخصيتها منسجمات
محمد. عِشْرَه عمر ليهن 3 سنوات وهدي 4 اقريب تكمل واحنيء اشهور بس نعرفوهن ممكن 6 أشهور فهمت
علي. بأه 😑 هي سلام عندي عمل العشيه انتلاقوا بكره في الكليه
محمد. اهرب يلاا سلام😅
#نواره مفتاح م 🦍 💞
@nowara53 حساب الأنستا 
......................................
في الكليه
محمد. كان ساهل الإمتحان
نجود. مش ساهل بكل عاد فيه صعوبه🙄😅
جود. هابا أكيده ماقريتيش زين صح
نجود. 😂إيه الحق مادرتش واجد
جيداء. وتبي تقدير اكويس شدي اشوي بس
نجود. بأه ياعلي حز عليا كلهم هجوم😂😂
علي. ها أقريء مره تانيه 😑🙄
نجود. إن شاء الله، بأه خيرك اليوم ماعجبنيش وضعك🤔
علي. عشان اليوم قررت نحكيلكم اشوي
الكل. هي نسمعوا فيك
علي حنحكي من البدايه كل شي راه وبدأ كل شيء في2013 .
.................
علي. كان وقتها اتخرجت من الثانوي طبعا خشيت علمي عشان الحاج هكي يبي،
توكلت على ربي وخشيت علمي ونجحت وتقديري كان ممتاز، مع إنيء انحب الأدب وكل شي متعلق بيه،
وبعدها كنت حاير شن رح نتخصص في الكليه واكل همها لدرجه لاتوصف وهل الوالد حيفرض رأيه مره تانيه؟
نضت يوم التسجيل حطيت في بالي انخش هندسه، قلت باك عندي فيها حظ، وجيت بنحكي للحاج تعرفوا شن رد عليا
العم صالح. هاذا ماناقص هندسه ماقتلك خش علمي بلاش نبيك تقعد دكتور كبير أو بالأحرى جراح
علي. تي ليش ساد خليتني خشيت علمي عشانك خليني نختار تخصصي
العم صالح. اسكت ياليد كلمتي يلي تمشي نبيهم ايقولولي والد الدكتور الجراح الكبير علي
نبي نرفع راسي وكان ماديرش زي مانبي بنغضب عليك ليوم الدين
علي. حرام ياحاج هكي (ونزلت ادموعي وطبعا سمحتهن قبل مايشوفهن كنهاذا كلام تاني بيصير إنك مش راجل وووووو كلام الناس المعلقه فكريا) حاضر زي ماتبي يابوي