بين الماضي والحاضر يوجد الغد(روايات من واقع الشباب) ✨🦍❤️

الحلقه10 والأخيره

#بين الماضي والحاضر يوجد الغد ✨
#نواره مفتاح م 🦍 💞
@nowara53
.
عمرك ماتصدق إن في نهايه لأي قصه النهايه هي نهايه موقف، قصه، ألم، حلم، بس مش نهايه الدنيا، تقدر ترسم نهايه يومك كيف ماتحلم وينتهي ويأتي يوم غيره ها ريتوا مافيش نهايه يمشي اليوم ويأتي اليوم يلي بعده خليك صبور،حليم ،عطوف.
.
.
لذالك اخترت إن مافيش نهايه لروايتي البسيطه بس رح أتكلم وكأن البطل هو يلي يسرد في يلي صار معاه وشن دار في الكم شهر يلي كانوا أثقال عليه وشن ممكن ايصير في المستقبل❤️.
علي. سلام. كيف حالكم احم المهم انا بخير ومش نادم أو متكدر من يلي صارلي في حياتي بالعكس أنا فخور الشيء هدا علمني حاجات واجد، إنَّ الحياه ماتوقفش على حد لو إنيء ماجتهدتش رح اكون شخص فاشل ماليشي قيمه، دعيت ربي واتقربتله واااجد والحمدلله، صح رح اتقولوا كيف ونواره ماتكلمتش على الجانب هدا من حياتي تأكد ياصديقي مش كل شي عرضه للغير عملك هدا بينك وبين خالقك فقط، وطبعا توه أصبحت دكتور في الجامعه ونقدم في محاضرات توعيه وشرح أسس ومبادئ الطبيب الناجح،وإن شاء الله نقدر انساعد الناس بخبرتي يلي فقدت ممارستها،
❤️وبالنسبه ليا أنيء وجود عرّسنا والحمدلله وإن شاء الله تنتهي الحرب وترجع ابلادنا يلي حبها مالي اقلوبنا يارب🌸
.
جود. هلا. إمم ممكن الأغلب ايقول ليش نواره حكت إنيء انمارس في فنون القتال وشوقتكم في المقدمه😂، بس دارت هكي عشان شي واحد ويلي هو مايغركش المنظر عارفه إن البعض شك إني متعرضه للإغتصاب أو بنت مسترجله باهي ليش مافكرتوش إنيء انحب الرياضات وهوايتي الرياضات الخطيره ماعلينا، طبعا الإنتحار غللللللط حتى مجرد التفكير فيه صدقووني ابناكل الجيفه بس عشان فكرت فيه مافييش حد يستاهل اديري هكي بالعكس كوني قويه، به انتحرتِْ وين مصيرك في الآخره آه طبعا هذا آخر هم البعض راه النار طول، طبعا خشيت في تأهيل نفسي بعد يلي صار والحمدلله توه ومتفاهمه أنا وعلي ويشجع فيا
طبعا قاعده مستمره في نادي لتعليم الدفاع عن النفس ❤️وإن شاء الله السنه هذي اتكون خير على الكل يارب واتهنى البلاد🙈💚.
جيداء. هاي جماعه. ليكم وحشه. طبعا كما تعلموا فتحت بوتيك للأزياء وناويه إني نفتح مكان لتعليم الخياطه والتصميم، طبعا مهما كان أهلكم زعلوكم وخذيتوا على خاطركم فكروا زين قبل ما تصرفوا أو تتكلموا عشان ماتندموش في يوم لاينفع الندم🤗،وطبعا عندي نصيحه لأي أم متخليش إبنك أو بنتك إيحسوا إنهم ثقل مش ضروري تقعدي تجري وراء بنتك عشان تجوز في عمر صغير واجد احتويها حسسيها بالأمان عشان يقعد عقلها ناضج مش الجسم بس🌚، والأب لازم اتحسس ولدك إنه راجل خليه ايكون نفسه، بإنك تحترم رأيه عشان إيكون راجل من بعد راجل مش عيب إنه الولد بكيء طبطب عليه دمعته واعره مش انقوله ياعيل إنته هكي دمرته، قاعده على حالي لاجديد وماعاد خاطري في القرايه بس أصدقائي شجعوني لأن بعد محمد طارت النيه لأنه تعرفنا في الكليه بس رح نستمر لعل في يوم يلقاني، صح ماقلتش من قبل أنا انموت في محمد ورح نرجاك للآخر، ومتفائله بالسنه هذي إنها رح اتكون سنه خير ويارب ايهني البلاد💕
.
.
محمد. مرحباً. طبعا كيف ماتعرفوا حياتي كانت مبنيه فقط عشان نرضي الناس قصدي أمي اترضي فيهم صح حتى أنيء شاركتها بس أمي مانقدرش انقوللها لا هيا يلي كبرتني، الحرب أه وخلاص خلتني مجنوون وصارتلي حاله نفسيه وللأسف لعند توه امأثره فيا حب حياتي امشت لغيري، بس ربي عوضني بجيداء بس أنا قررت قرار إنيء انهاجر وتوه قاعد في ابلاد في أوروبا نشتغل في مقهى الحياه هنا صعبه ويلي هاجروا معاي أغلبهم ماتوا ماننصحش حد ايهاجر بطريقه غير شرعيه فيلم رعب، بس بالنسبه لوضعي النفسي المهم مافيش حرب ساد رح انكمل اقرايتي وانعيش حياتي زي يلي في عمري، رح اتقولوا أناني صح كلامك بس راني زهقت وبالنسبه لجيداء حبيتها نتمنى أني كنت جَريء واعترفت بحبي انحبك جيداء❤️رح انتلاقوا إن شاء الله
ويارب تنتهي الحرب ونرجع لبلادي🌿
.
نجود. أهلا. شن دايرين كساد بالرسمي تي ماهو هذي أكثر كلمه منتشره في الكون غلط لازم نتخلصوا منها لازم الكل إيدير شي يستفيد منه ويفيد غيره، الحمدلله توه مستمره في إعطاء محاضرات في التنميه وكل يوم نتعلم كلنا نغلطوا بس العبره إنك تتعلم من غلطك، أكثر شي امحطملي نفسيتي البلاد نبي اندير حل نبي انكون شخص مصلح للبلاد بس شن نقدر اندير غلطانين راه نقدر اندير كذا حاجه أبسطها نخلص في اقرايتي عملي أي شي انديره،
بالنسبه لقلبي فهو موجوع تعرفوا نادمه على كل لحظه انغشيت فيها بالمظهر لما تكشفي الواقع غير صدمه الحب من طرف واحد كأنه مرض السرطان عفاكم الله ياسمحين بس خلاص عطيت لروحي فرصه، من حقي انحب وننحب وشكلي طحت على رأسي🤦🏻‍♀️😂
وطبعا مستمره بهوايتي المميزه الكتابه وإن شاء الله تقروا كتاباتي في المستقبل والروايه هدى هيا بدايتي انحبكم ❤️🌿
ورح نجتهد عشان أتقدم البلاد ونرفع رأس أهلي ووطني وبابا بالذات، ويارب تنتهي الحرب ويموتوا اكلاب الفلوس والكراسي👌🏻🌚🌸
.
.
أقروا الكلام هذا زيين💐.
.الحياه لعبه تختلف روايتها بحسب اللاعبين
فأحيانا نهايتك تكون برصاصه أو إنفجار أو سقطه قلبيه أو وباء كورونا، لكن في نهايه المطاف سوف تموت سواء فزت أم خسرت فـ هناك نهايه بـالتأكيد فإن خسرت في اللعبه فأنت ضيّعت كل شي من البدايه، أما من فاز فهو قد خسر كل أحبائه في سبيل الفوز إذا فـلْتؤمن أنه يوجد يوم ستخسر فيه كل من تحب إلعب بنزاهه وصفاء، ودعك من اللعب بالذيل فإنه لا يجلب إلا الخساره حتى لو ربحت
الحياه لعبه ياصديقي إلعب أشواطك بحب

#كتاباتي

النهايه لما ليس له نهايه
نتمنى إنها عجبتكم❤️@nowaranonah

حساب الأنستا
@nowara53