La petite pransses😍
الحلقة :(1) : قربت منوا غير بلعقل حكمت رجلوا تنحيلوا في سباطو حس بحاجة تمس فية حل عينيه يلقاها هيا طبعها برجلوا جات طايحا في لارض ،ورجع كمل رقادوا
رواحوا نتعرفوا بالبطل تاعنا...
هوا اسلام 29 من اغني العائلات صعيب ميرحمش متعجرف قاسي اناني لايوجد في قاموسه كلمة انسانية البنات بالنسبة ليه كامل خامجات وكامل يحوسوا علا مول الدراهم والحديدة دايرهم لعبة يفوت بيها الوقت
اما البطلة تاعنا هيا رالين 20 عاشت في حي فقير خاطيها هاد الحب والعشق كانت مقتنعا بحاجة وحدا انوا زوجها هوا حبها وحياتها حكا كانت دايرة في حتا تزوجت وجربت الزواج
نرجعوا للكروا تاعنا
كي طبعها طاحت في لارض علا يدها بدات تبكي من ضر تاع يدها
اسلام : روحي خرجي برا وبكي
ناضت رفدت روحا مبغاتش زيد معاه المشاكل
حابين تعرفوا واش صرا وكيفاه زوجوا اوكي رواحوا نفهموا
اسلام كل مرة معا طفلة والاخبار كل مرة تنتشر عليه كامل الناس عرفت بلي هوا داير النسا هواية ليه وجا وما معندهم حتا قيمة ينفعوا غير فلجنس
وحد النهار كانت الصحافة تبع في اسلام شافوه داخل ومعاه طفلة لمعري كتر من مغطي صوروهم ونشروا تصاورهم واب اسلام شاف الصور وتقلق منوا
اب اسلام (سي عمار): اكرم عيطلوا يجي دوك ،اكرم هادا خدام عند سي عمار ويعرفوا بعداهم وهما صغار حتا انهم اصدقاء
اكرم: متقلقش روحك عمار راك عارف الصحافة كفاه
عمار: كل سمانة تخرج اخباروا معا طفلة واليوم وصلت بيه حتا شوه المكانة تاعي لالا غير هادي لي متصراش
اكرم عيط لاسلام لي جا يجري عارف مراحش تفوت علا خير
وصل اسلام للبيروا دقدق وفات
عمار: عسلامة سي ولدي واش فوت ليلتك مليحة
اسلام: خليني نفهمك
عمار: يضبح واش تفهمني كلش قدامي تفضل قرا واش مكتوب تفضلللللللب
حكم اسلام جريدة يقرا
"انها العوبة اسلام بن الجديدة والتي صارت هوايته المفضلة لخاطر كل اسبوع معا فتاة ،السؤال المطروح ماهيا المعايير التي يتبعها اسلام في اختيار فرائسه وياترى هل كسب هذه الخبرة عن ابيه المدعو عمار**
اسلام نصدم ملي قراه كفاه تجرؤو يكتبوا حاجة كيما هك وشكون عندوا الشجاعة باه يدير هك
اسلام سكت ملقا واش يقول....
عمار: سي اسلام عندك حلين لاثالث له ،الحل 1 : انك تتزوج والطفة راح تكون من اختياري انا وموك و الحل 2: انك ترفض وراح تنسى بلي انا باباك وتنسى حقك من ورث وراح تكون اسلام حاف يعني راه نتبرا منك ودوك طير من وجهي وخمم مليح في واش قتلك وعندك ساعة في يدك ودك تفضل عندي خدمة
خرج اسلام وهوا يغلي راه للدار باه يحكي معا موا
الام: كريمة
اسلام: يما يماااااااا
كريمة: تاكل راسك واش بيك علاه هاد الضبيح
اسلام: سقصي راجلك ،راجلك لعزيز حاب يزوجني
كريمة: ايه وخير مدار
اسلام: يما منيتك راكي معاه
كريمة: ايه عندوا الحق بزاف مالتبهدايل مزالك مشبعتش ،لازم تكون اسرة وتستقر ولا باغي تبقا هكا
اسلام: نفهم بلي مراه تعاونيني
كريمة: لالا ولدي لحبيب باباك عندوا الحق
اسلام: اوكي ديرو رايكم ونا تاني ندير رايي
فات النهار رجع عمار للدار دخل سلمت عليه خديجة
خديجة: عسلامة عمار
عمار: الله يسلمك وين راه
كريمة: ههههعهههههه ولله عجبتني في واش درت فيه هههه
عمار: ولدك راه يكمل علا ياماتي لبقاو
كريمة: بعيد الشر عليك ، يلا رحت انا لمن تخليني
عمار باس مرتوا وعنقها
فات الوقت دخل اسلام
عمار: ايه سي اسلام واش هوا قرارك
اسلام: قابل مي راه تندموا علا النهار لي قررتوا تزوجوني قالها بينوا وبين نفسوا
كريمة: الحمدالله لي ربي هداك
عمار: نشاله متكونش ناوي علا كاش حاجة
خرج اسلام وخلاهم وعمار وكل لخديجا تحوس علا طفلة خديجة هدرت معا كامل معارفها مي كامل لبنات لي وروهملها معجبوهاش حتا جات ليها خدامة قديمة عندها
خدامة: مدام خديجة راه تزوجي سي اسلام
خديجة: ايه مي ملقيتش وحدا لي تعجبني
خدامة: مدام كاين وحدا لصح
خديجة: بصح واش
خدامة: هيا ماهيش من مستوا تاعكم هيا قليلة معاقلة خاطيها دخلة والخرجة عمرها 20 ومزالت تقرا
خديجة: وجدي روحك نروحوا نشوفوها وميهمش المستوى تاعها بسك انا عمري ماشفت الناس مستويات
خدامة: سمحيلي مدام بصح مسيو اسلام راه يقبل
خديجة: مراه يقدر يقول والوا انا لي نقرر
راحت خديجا معا خدامة ركبوا فالطونبيل شويا وصلوا حدا دار باين فيها قديما دقدقت فتحت عليهم مرا تبان شويا كبيرا دخلتهم رحبت بيهم وحطتلهم قهوا شربوا وقصروا شويا حتا فتحت خديجة الموضوع
خديجة: سمعت بلي عندك طفلة وراني ناويها تولي كنتي يلا كتب ربي
المرا سكتت معرفت واش تقول شحال باه هدرت ايه وحنا معندنا علاه نرفضوا ،نجيبلكم البنت تشوفوها
دخلت علا بنتها لي هيا رالين
الام: نوضي وجدي روحك جايينك خطابا ومنسمع منك والوا ديجا درتلك رايك وخليتك تقراي وراكي مضيعا شحال من واحد المهم نوضي جماعا راهي تسنا فيك
رتلين: يما واش من خطابا ونا في عمري 20
الام: 20 ولا 21 ميهمش حتا انا زوجت صغيرة وهادي سنة الحياة دوك وجدي روحك وهبطي ونكملوا هدرتنا منبعد
هبطت رالين دخلت سلمت عليهم وقعدت بقاة خديجة تجزر فيها وتبتسم
خديجة: ولله هيا لي كنت نحوس عليها تفاهموا وينتا يعاودوا يولوا ويحددوا كلش
راه ورجعت رالين تحكي معا يماها
رالين: يما واش هادا واش كفاه راه تزوجيني
الام: يابنتي ماتملك غير دارك وراجلك وناسك باينين ناس ملاح وشفتي عجوزتك ولله يرضا عليك وافقي وفرحيني خليني نتهنا عليك
رتلين بعد ماسمعت هدرة مها لسانها تربط مقدرت ترفض ،قبلت تزوج من انسان لاشافتوا ولا تعرف عليه شي
جا نهار لي رالين تشوف اسلام بصح هوا مجاش خديجة قاتلهم عندوا خدما ونهار العرس راه يجي بصح رالين نقزها قلبها حست كلي ماهوش باغيها بصح متقدر تقول والوا تفاهموا يديروا العرس علا شهر وكلش علا سي عمار ومرتوا
قرب العرس اليوم حنت رالين وهيا طول الشهر مسمعتش وماشافتش وجه اسلام ،كملت حنتها ورقدت وقلبها مقبوض موش مرتاحة وموش عارفا واش هيا السبة
ناضت صباح وجدت روحا ياه تروح للحفافة هيا بنت عمتها ،وصلت بداة بيها الحفافة مشطتلها
وماكيتلها ولات تهبل لبست قويط ودارت البرنوس وبقات تسنا فيه يجي ،بقات تسنا حتا صونا تلفونها رفدت لقاتوا هوا قالها راني برا خرجت تمشي عندوا وراسها في لارض وصلت عندوا سلمت عليه بصح هوا قالها ركبي وبلعي ماهوش عاجبني الحال ونا نسني في طلابة ديجا شوفي روحك وشوفيني انا
اسلام: هههههه لي يشوفك يحسبك خداما عندي مشي مرتي الله يسامحك يايما علا العروسة لي خيرتيهالي
شدت دموعها بسيف ركبت معاه وصلوا لصال خرج وجبدها من يدها يمشي فيها موراه وهيا تتعدب معا طالون وهوا يفارص قعدت في كرسيها وهوا معاها وصحابوا دايرين بيه يحكوا عليها ويضحكوا وهيا تسمع
اسلام: شوفوا يما واش جابتلي
صحابوا: ولله شابه مي ماهيش من مستواك
اسلام: اييه هههههههعهه راهي تبان خدامتي ماشي مرتي ههههه
صحابوا: هههههه وراح تولي خدامتك ههههه
اسلام: كي نكمل منها نباسيهالكم ههههههه
رالين اسمع ودموعها شلال قلبها وجعها مقدرتش تتحمل واش قال جات تنوض بصح هوا شدها
اسلام: وين بيها رجعي لبلاستك متخلينيش نفرماطيلك وجهك ولله حتا انا راه خاصني واحد نفرغ فيه زعافي ،رجعت لبلاستها قعدت ترسم فالبسمة بسيف جات وقت غوب بلونج خرجها وكي جا يسلم عليها قرب منها وقالها ميشرفنيش نمس وحدا كيفك وخرج راح لطونبيل وخلاها
شدت روحا بسيف مبغاتش تبين ليماها وللناس ودعت ماليها وركبت معاه قلع للوتال وصل دخل وخلاها هيا تجري موراه بصح معرفاتوش وين راه هوا راح لشمبرا لي حجزها ولا نقولوا س يت كامل وهيا كي مصابتوش ولات تبكي والناس تخزر فيها لي يضحك ولي غايضاتوا راحت لوحد كوانة قعدت فيها وبقات تبكي هوا طلع دار دوش وخرج حسبالوا يصيبها تم مي مصابهاش بدل في غرضوا وراه هبط يحوس عليها
حوس حتا كره من بعد شافها حاطا راسها علا رجليها ضامتهم لصدرها راح ليها
اسلام: اووووووو تغيضي ولله شفيتيني مي تستاهلي وهدا راه يكون تمهيد لحياتنا شدها من يدها زير عليها طلعها لشمبرا قالها ياله بدلي
رالين: بصح هنا
***********
فوت وكومونت بلييز:
والله تعبت وانا نكتب فيه😍
