الدكتورة مريم :رآه صاحبكم الحمد لله فاق ومخليته تحت المراقبه بس.
قطع عليها عبد الرؤوف :حاله كويس هو مش مضرور شن صاير له؟؟!
الدكتورة مريم :لالا بس للاسف نتيجه كسر في الجمجمه فقد الذاكرة بس تجاوز مرحله الخطر.
عبد الرؤوف انصدم ودموعه نزلوا:لو سمحتي دكتورة ممكن نشوفه؟؟
الدكتورة مريم :خش شوفه بروحك لان مسموح بالزياره لشخص واحد بس وما تعطلش عنده.
عبد الرؤوف خش وشد ايد أيوب و دموعه ما وقفوش:الحمد لله ع سلامتك يا صاحبي.
ايوب نحى قناع الاكسجين من ع وجهه ويتكلم بتعب وصوت واطي:يا عبدو انت بنقولك شي انت لازم تعرفه انا قدام الشباب فاقد الذاكرة انت بس يلي تعرف انه مش فاقد الذاكرة انا حكيت الدكتورة و طلبت منها هكي تقوللكم لا رواد بيقتلني.
عبد الرؤوف قاطعه وهو مصدوم :كيف؟؟ ليش احكي شن صار؟؟
أيوب :اسكت واسمعني كويس ما عنديش جهد نحكي هلبا يلي ضربني بالسيارة رواد حاول يقتلني لان شفت نورة نازله من سيارته وكلمتها ما ردتش عليا وكيف اتصلت بيك بنخبرك صار يلي صار.
عبد الرؤوف حس بالدنيا لفت بيه وقريب اغمى عليه و زادوا دموعه و قرر يقتل رواد بس ايوب مسك ايده ومنعه....
أيوب :يا حمار لازم نلاقوا خطه نفضحوهم بيها هكي مش رح يعترفوا ولا رح يصير شي في صالحنا.
عبد الرؤوف مسح دموعه :والله لما يشوفوا الحقراء يلعبوا عليا تي نورة نحبها اكثر حتى من روحي انا غر شن ذنبي معقوله هكي الحقارة.
أيوب بصوت داهش :وكل ربي يا صاحبي وغر نطلع من هنا حسابهم عندي يلعبوا معاك يا هيرو ويلي يلعب معاك لعب معاي تو يشوفوا.
عبد الرؤوف :تي غر شن بتدير يا راجل.
أيوب :ما دخلكش كله في وقته حلو وقولي من في برى؟؟!
عبد الرؤوف :الشباب كلهم حتى البغل هذاكا هنا.
ايوب :خليهم يخشولي قدامهم ما نبيش حد يعرف انه انا ما فقدتش الذاكرة...
عبد الرؤوف طلع من الحجرة وخشوا الشباب......
الشباب :الحمد لله ع سلامتك ريتها في عدوك.
أيوب :الله يسلمكم.
رواد :منو انا متفكرني؟؟!
أيوب :ايه كيف عاد ما تتفكركش انت رواد خوي و صاحبي وحبيبي يلي وقف معاي في المره قبل الحلوه.
رواد ضحك في داخله وصدق انه أيوب مش متفكر شي :هي نستاذنكم شباب انا امي من بكري تتصل بنروح.
ما ردوش عليه و روح...
رواد في السيارة يتكلم بالتلفون :ها نورة يا نواره عمري.
نورة :اهلين حبيبي *وبصوت واطي ترى حول شوية *استاحشتك بيبي.
رواد : لمن قلتي حول في حد جنبك؟؟
نورة :اه لالا بيبي هذا خوي (طبعا كذابه كان عندها موعد مع واحد ولما تكلم في رواد يبوس في رقبتها 😏).
رواد :تمام يا قلبي غر بنقولك شنو منو امتى نتلاقوا.
نورة :شوف يوم و نتلاقوا عادي يا قلبي وما تنساش تجيبلي يلي قلتلك عليه ااامممموووواااه يا حبي.
رواد في خاطرة قحبه تتمنكي عليا تو نوريك :ايه يا حبي حاضر من عيوني كم نورة عندي انا.
نورة :سلام توه حبي بناكل حاجه وبنرقد تعبانه هلبا.
رواد :سلام بيبي.... سكر الخط هههه تو نوريك رواد شنو يكون كان ما نخليش عبد يفتحك يا قحبه ما نتسماش رواد آخرها تبي خاتم ب 8الاف ما جبته لأمي حتى.
عبد الرؤوف بايت مع أيوب في العياده وجاه تلفون من ساجد....
ساجد :ها با غالي شن الأمور.
عبد الرؤوف :اهو ماشية والله شن صار معاك كلمته؟؟
ساجد :تي ما تخافش يا هيرو بإذن الله الامور تمشي تمام مافي شي دايم غير وجه ربي.
عبد الرؤوف :ونعم بالله.
ساجد :غر بنقولك رآه صاحبك لقوا سيارته مدرسه في طريق وادي الربيع بس هو مش فيها.
عبد الرؤوف :يا ساتر ربي يسلم ما يكون صار معاه شي.
ساجد :ان شاء الله خير هما بعتوا دورية غادي لو زبطوا شي ندورك.
عبد الرؤوف :منور يا غالي تاعبتك معاي.
ساجد :حشومه يا هيرو خوت حني ويلي بيك بيا وربي يطمنكم عليه.
عبد الرؤوف :منورة يا غالي هي سلام توه.
الساعه واحد في الليل جي اتصال من بدر لعبد الرؤوف...
عبد الرؤوف :ها بدر شن في؟؟
بدر :مصيبه يا عبدو مصيبه
عبد الرؤوف :خير شن في؟؟ شن صار؟؟
بدر :منزلين صورة عبد الله مقتول بالرصاص و ملوح قدام المستشفى الطبي كاتبين عليه من يعرف الجثه يجي يستلمها.
عبد الرؤوف :لا حول ولا قوه الا بالله العلي العظيم ودموعه نزلوا.
أيوب سمعه :خير شن في؟؟
عبد الرؤوف :عبد الله أعطاك عمره لقوه مقتول وتوه ماشين بنشوفوا القصه.
تلقطوا الشباب وايوب كان يبي يمشي معاهم بس منعوه لان حالته الصحية ما تسمحش وخشوا الثلاجات و قعدوا يبكوا ع صاحبهم..
أيوب بروحه في العياده راقد خش عليه رواد.........
شن بيصير؟ ورواد شن ناوي يدير؟؟ وشن بيصير مع نورة...
انتظروني 😉❤️❤️
#المتيمه
