#هيرو 10
عبد الرؤوف :بعد يلي درتيه فيا مستحيل نسامحك ولو تجيبيلي الكعبه في ايديا انا حبيتك يا نورة وكنت نشوف فيك حلالي وانتي كان كل همك نجيبلك حاجاتك وزياده ضحكتي عليا وع اساس بنت شريفه وكويسه وحتى تلفون ما عندكش وانتي عديمه شرف اكثر من الشيطان نفسه لو جيتي وقلتي طايحه في مشكله و هكي دار فيا كنت رح نسامحك بس يلي صاير كله برضاك واخر الوقت خليتيني مضحكه بين الشباب وتبي نسامحك ايه هي انا مسامحك ع يلي درتيه فيا بس مستحيل نرجعوا زي قبل و ناخدك...
نورة تلبس في عبايتها و كلها ياس و حطت الوشاح ع رقبتها و تطلعت تمشي في الطريق بروحها.....
عبد الرؤوف وقصي وايوب رفعوا ادوارد للمقر متع كتيبه مجدي و قعدوا بعذبوا فيه و يستجوبوا فيه وبعد التحقيق طلع رواد مش اول بنت يدير معاها هكي وحبسوا ادوارد عندهم وبدوا يدوروا في نورة و رواد لان واجب محاكمتهم ع يلي داروه........
كيف حطوا الشباب عبد الرؤوف قدام حوشه بيخش للحوش ومشوا جاه رواد و زوز شباب ملثمين تبثوا عبد الرؤوف و ضربه رواد بموس ع فخدته وهرب عبد الرؤوف ينزف وحاويجه دم وقريب يغمى عليه قدر يتصل بالشباب ويولوا يرفعوه.
رفعوه للمستشفى خيطوله 9بونتوات ومع الساعه 2في الليل روح عبد الرؤوف وخش للحوش الدنيا ظلام فتح الضو شده بوه من رقبته.........
خيري :يا حقير من يلي قتلته اااه تتعاطى و قتال يا حقير و طاح فيه ضرب.
عبد الرؤوف دوب ما دف بوه من عليه و قدر بوري له الجرح يقوله :انا ما قتلش حد في حد جي ضربني بموس وهرب.
خيري :ايه ماه من السم يلي تتعاطوا فيه اكيد حد من الكلاب جماعتك اشبح شن درتلهم تستاهل اصلا جايك يوم و نهايتك زي الكلاب يلي ماتوا تفو عليك يلي مش متربي ياريتني عقيم ولا جبت حقير زيك.....وسيبه وخش لداره بيرقد.
عبد الرؤوف والدموع في عينه محروق من ظلم بوه ليه 💔:حسبي الله الذي لا إله إلا هو.
جت فوزية تجري تبكي ع ولدها ناضت ع عياطات راجلها و قعدت حاضنه ولدها ومره مره توكل فيه في حاجه و مخليه جنبه عصير عنب باش يعوض بيه الدم يلي نزفه وتبكي..
فوزية :سامحني يا وليدي ما قادره نديرلك شي بوك هذا يا حليلي يارب ما تاخدش وليدي مني يا رب نشوف فيهم يوم.
عبد الرؤوف حضن أمه بالقوه :اهدي يا أمي ما فيا شي عادي وربي يشوف فيهم ورح ياخدلي حقي....... ورقد في حضن أمه وفوزية قعدت معاه الليل كله ♥️
بعد مرور اسبوع و مجدي يدور في نورة و ورواد ع الطريق في دورية بالصدفه شافوا شي معلق في الشجره بعد ما نزلوا شافوه لقوا انه نورة منتحره معلقه روحها في الشجره بالوشاح متعها نزلوها و رفعوها للثلاجة الجثه بادية تتحلل وجوا أهلها خدوها و دفنوها ومنها ام نورة حتى هي ثابت لربي بعد ما شافت لنهاية نورة لان للأسف الام كانت نفس بنتها 💔.....
اما رواد هارب عند جماعه الشامخ ولحد الان مش معروف مكانه......
أيوب وأمه خطبوا مريم وداروا تلبسيه خش ايوب لبس مريم والفرحه كانت مش سيعاهم.
أيوب :مش قلتلك رح ناخدك رح ناخدك.
مريم واطت راسها وجها ولى احمر :ربي ما يحرمني منك.
جي إياد (ولد مريم) يجري لايوب والعيله انصدموا من يلي صار...... وكانت الفرحه واصله حدها ع الرغم انه ان أيوب أدير في لقطات مش حلوه بس تجاهلوها وكملوا فرحتهم...
قصي أنظم لكتيبه مجدي وكان ساهر مع جماعه الكتيبه و يدوروا في رواد....
عبد الرؤوف ع التلفون منسجم في دردشه و يبكي و يشكي في همه :تعرفي عيت من حياتي فديت من الدنيا وما فيها ربي خدي اصحابي مش فاضل منهم غير اثنين الشغل لزوني منه معاش نشتغل الا في محل ولد عمي لا لقيتها من اهلي لا من أصحابي لا من البنت يلي حبيتها تعرفي يا بنت الناس عيت لو مش معاي انت رآه تفجرت.
من البنت يلي يحكي معاها عبد الرؤوف؟؟ شن مازال تراجي فيهم من مصايب؟؟ وامتى بتضحك الدنيا الهيرو؟؟ ورواد و جماعه الشامخ ع شنو ناوين؟؟؟ وأهل الهيرو شن المصير يلي رح يلاقيهم؟؟
نتلاقوا في الحلقه الجايه نحبكم هلبا و شكرا مره ثانية للناس يلي سالت عليا ووقفت معاي ودعتلي في منشور امس و مازال محتاجه دعائكم تنسوش تعطوني رأيكم بالحلقه ❤️❤️❤️😍
#المتيمه
