#هيرو 8
أيوب:مريم نبي نقولك حاجه...
الدكتورة مريم :ان شاء الله خير في شي واجعك؟؟
أيوب قام راسه وحط عينه بعينها :ايه قلبي واجعني يا دكتورة.
الدكتورة مريم :ان شاء الله خير تعالى معاي نديروا صورة اكس ري ع الصدر ونطمنوا و نديرلك تخطيط.
أيوب شدها ايدها و يشوف لعيونها بحب :لالا مش محتاج تشخيص عارف مرضي...وابتسم.
(طبعا الدكتورة مريم ايه من الجمال تبارك الله جسم و ملامح و شعر وكلها ع بعضها تهبل 😍🤤💕)
الدكتورة مريم ارتبكت و نحت ايدها من يد أيوب :تفضل شنو المرض وبعدين انت مش دكتور باش تشخص المرض.
أيوب وهو مبتسم تحشم و واستجمع قوته :اسف ع شده ايديك بس يا مريم انا نحبك و ناوي نتم بالحلال معاك.
الدكتورة مريم انصدمت و قعدت تضحك :خيرك يا ولدي هبلت انت والا كيف تي راني مواليد 90 يعني كان متزوجه بكري رآه و لدي بعمرك وزياده مطلقه و عندي ولد شن تقول انت شكله الدواء أثر فيك يا ولدي هههههههههههههههههه.
أيوب بخيبه امل :قسما بالله العظيم نحبك والله وانا حوشي قريب نتمه و الشهاده الثانوية توه بناخدها و بنبطل عندي راس مال كويس بنشري محلات وبنكبر شغلي يعني نقدر نصرف عليك انتي وولدك ولو خايفه ع ولدك انا نكون ليه بوه انا سائل عليك و عارف قصة زواجك وطلاقك انه هو ما كانش راجل وكان صاحب طاسه و زياده يخون فيك وعد انا نعوضك ع كل شي مش حلو عشتيه ونربي ولدك ع الدين و نحطك في عيوني.
الدكتورة مريم حبست دموعها و في بالها انه أيوب يكذب عليها لأنها مطلقه ويبيها تطلع معاه ورد عليه بقسوه :تحشم ع وجهك تحساب مش فاهمه خبثك وشن تبي مني كلكم تفكير واحد و غايتكم وحده الباقي واحد زيك بخدمته وحوشه قريب يتم مستحيل ياخد مطلقه وزياده عندها ولد لو سمحت اطلع برى معاش نبي نشوف وجهك وفاهمه الأشكال يلي زيك كيف.
أيوب نزلوا دموعه لان جرحه كلامها و نزل ع ركابه راسه لوطه شد ايديها الزوز :قسما بالله تعالى نحبك قسما بالله من قبل حتى ما تعاينيني نحبك وزدت حبيتك بعد ما عرفت قصه طلاقك و حتى ولدك نمشي له في الحضانه و لو خايفه نخونك يا بنت الناس اهو نقولك عهد قدام ربي حارم عليا كل نثايه غيرك و نلعب فيه قسما بالله نحبك يا مريم حسي بيا يا بنت الناس لو نبيك بالحرام رآه ساهل خطفتك والا خطفت لك ولدك وهددتك لكن انا نبيك حلالي نبي نكمل معاك نص ديني تبي نثبتلك عادي تطلبي روحي انتي وولدك تاخدوها والله نحبك.
الدكتورة مريم حست بأنه صادق معاها وما كانش يكذب عليها حطت ايدها ع كتافه ووقفاته و قعمزاته ع الكرسي و قعمزت قدامه.
الدكتورة مريم :لنفرض انك تحبني وصادق معاي يا أيوب فكر بالعقل يا ولد الناس اول شي فرق العمر.... وقص عليها أيوب قالها :ولو عمرك 100سنه نحبك ما تدوريشي العمر مش مشكله وكأنك تشوفي فيا صغير بس عقلي اكبر من هلبا ناس أعمارهم في الستين.
