الفصل السادس
وقفنا المره الى فاتت لما
نروح لمكان تانى
ادهم بصوت مخنوق :ايوه يا بابا
الاب :ايوه يا بنى مالك صوتك عامل كده ليه
ادهم : حياه اتضرب عليها نار وفى المستشفى عندى
الاب بخضه : ايه انت بتقول ايه
ادهم : زى ما سمعت
ويقطع كلامهم دخول الممرضه
بدون ان تطرق على الباب
الممرضه : الحق يا دكتور
ادهم : فى ايه يا ناهد
الممرضه : المريضه الى لسه عامله العمليه قلبها وقف
ادهم بصدمه : ايه وطلع يجرى على غرفه حياه
طبعا البنات اتخضوا واسراء لما لاقوهم بيجروا
اسراء ووقفت قصاد ادهم : فيه ايه حياه مالها
ادهم مردش عليها وكمل جرى لغرفه حياه
ادهم : جهاز الصدمات بسرعه يا ناهد
ناهد : جاهز يا دكتور
ومره والتانيه والتالته وقلبها مش بيستجيب
ادهم وهمس فى ودنها : حياه انتى قويه استحملى عشان صحابك خليكى قويه عشانهم هما عايشين عشانك قومى قومى يا حياه هتسيبى ادهم حبيبك لوحده هتسبيه بعد ما صدق انو لقاكى
وعمل ليها مساج القلب
ورجع قلب حياه للحياه من تانى
ناهد : دى قلبها رجع تانى يا دكتور
ادهم : الدرس الاول لما نبضات القلب تقف ومفيش استجابه للنبضات تتكلمى مع المريض بحاجات تقويه وترجعه عن العالم الى عاوز يبقى فيه
ناهد بابتسامه : بجد برافو يا دكتور انا مبسوطه جدا انى بشتغل مع حضرتك
حياه بصوت ضعيف : مايه عاوزه مايه
ناهد وجابت مايه وساعدتها تشرب
ادهم : حمد الله على سلامتك
حياه وبصتله : الله يسل انت
ادهم ومسك ايديها : وحشتينى يا حياه
حياه : مش خايف باباك يزعقلك اما يعرف انك هنا
ادهم بابتسامه : لا مش خايف هو اصلا راحلك الملجا وعاوزك ترجعى معانا
حياه : وتفتكر ممكن اوافق
ادهم :وليه لا
حياه بغضب :لو سمحت انا عاوزه ارتاح
ادهم بحزن : عارف ومقدر انك زعلانه بس والله العظيم لسه عارفين ودورنا عليكى لحد ما لاقناكى
حياه : انا بابا وماما ماتوا قدام عنيا معرفتش انقذهم ولا حد رضى يساعدنا فضلوا يتفرجوا بس،، عارف اما تفوق على كابوس ان اهلك ماتوا عارف حسيت بايه عارف انى كنت لوحدى ومكنش حد جمبى يخفف عنى عارف قد ايه اتوجعت عارف قد ايه اتقهرت عارف ان صحيت ولقيت نفسى جمبى ناس معرفهمش حتى قرايبى الى من دمى مرضوش يخدونى عارفه ليه
عشان هبقى عبء عليهم انتوا كنتوا فين
ادهم : حياه انا
حياه : مفيش حياه انا مش حياه حياه ماتت مع الى ماتوا ماتت فاهم بقت حد تانى انت متعرفوش مبقتش حياه الى ضحكتها مبتفرقهاش بقت واحده مكسوره حزينه بهدلت فيها الدنيا لما قالت بس قررت تعيش قويه عشان تعرف تعيش فى العالم الى هيا عايشه فيه فاكر. ؛فاكر اما قولتلك انا بحب الحياه اوى وبحب اسمى وبحب الناس عشان طيبين هههههههه كنت مغفله كنت عاميه قولتلك انا نفسى اكبر وابقى كبيره زى الناس الكبار ويارتنى ماقولت،،، انا كبرت بس كبرت قبل معادى يا ادهم كبرت وانا لسه صغيره يا ادهم
ادهم ومسك ايديها : هعوضك يا روح وقلب ادهم كل الى عشتيه هيتمسح من ذاكرتك مش هتفتكريه تانى بس انتى وافقى وتعالى معانا نرجع ونعيش سوا
حياه بجمود : ده مستحيل يا ادهم مستحيل
ويقطع كلامهم دخول البنات واسراء
فريده : انا زعلانه منك يا حياه
حياه بحب : ليه يا قلب حياه
فريده بعياط : عشان انتى كنتى هتسبينى زيهم
حياه : وانا وعدتك مش هسيبك وهفضل معاكى وانا اهو كويسه مش فيا حاجه
اسراء : كده يا حياه قلقتينى عليكى يا بنتى
حياه : متخافيش يا سو انا زى القرده اهو امال العصابه ساكته ليه
سما واترمت فى حضنها وعيطت
حياه : ااااااااه يخربيتك
ادهم : حاسبى يا انسه
سما بعصبيه : خليك فى حالك يا جدع انت
سما بحب لحياه : حمد الله على سلامتك يا قلبى
ادهم بضحك : شكل صحابك كلهم مجانين زيك
سما : متلم نفسك يا جدع انت
حياه : ادهم اتلم
ادهم : الله الله هو انا قلت حاجه
سما : انت مش خلصت مهمتك كدكتور قاعد ليه
ادهم : انتى هتمنعينى اقعد مع بنت عمى كمان
اسراء : بنت عم مين مش فاهمه
حياه :ده ادهم مصطفى الصياد ابن عمى
البنات واسراء : ايه
فريده بغضب : اطلع بره انت وحش بررره
ادهم ونزل لمستواها : انا وحش ليه بس عملت ايه
فريده بغضب : انت زى عمى وعيال عمى سبتونا لوحدنا وسبت حياه لوحدها ومخدتوهاش تعيش معاكم
حياه : فريده
ادهم : استنى يا حياه ومسك فريده وشالها
فريده بغضب : نزلنى سيبنى سيبنى بقولك
ادهم : اهدى واسمعينى
بصى يا حبيبتى بابا وبابا حياه كانوا متخانقين جامد وفى حد فرق بينهم والحد ده خلى بابا وبابا حياه اتفرقوا وكل واحد بقه فى بلد وكل واحد مبقاش يعرف اخبار التانى لحد معرفنا بخبر موت عمى ومامه حياه وجينا عشان ناخدها
فريده بحزن : يعنى حياه هتروح معاكم وهتسيبنى
حياه : لا يا حبيبتى انا مش هروح مع حد وهفضل معاكى علطول
ادهم : برضوه يا حياه
حياه بحزن : اتاخرت اوى يا ادهم صحابى دول هما عيلتى
ادهم : واحنا كمان عيلتك
حياه : لا انتوا مش عيلتى دول عيلتى الى كبرت معاهم واترببت معاهم ضحكنا وهزرنا ولعبنا دول عيلتى الى لما فوقت من الى انا فبه لقيتهم معايا انتوا كنتوا المفروض لما افوق الاقيكم بس اتاخرتوا اوى اوى يا ادهم وانا مبقتش اقدر اعيش من غيرهم ولا هما يعيشوا من غيرى
فريده وطلعت تجرى تحضن حياه : متسبنيش ارجوكى حياه : يا حبيبتى متخافيش انا مش هسيبك
ادهم : متتكلميش كتير ومحدش يضغط على الجرح
ويقطع كلامهم دخول حازم
حازم بلهفه : حياه انتى كويسه
حياه :متخافش انا كويسه
ادهم:ازاي يعني مخفش عارفه ياجزمه انتي لو حصلك حاجه كنت روحت فيها مين الى عمل كده
حياه : هو حد واحد الى يعمل كده
ادهم : مين
حياه:اكيد مازن
حازم بآستغراب مازن مين ده الي يحاول يقتلك
حياه:اهدى بس وانا هحكيلك ده موضوع كبير
مازن ده الي سجن ابو خلود ظلم
حازم:ابن ال ........مكافهوش الي عملوا
خلود باستغراب : بس ليه يقتلك انتى المفروض انا
حياه : انا لما نزلت اجيب اللبس لفريده رحت وسالت عنه الامن الى واقف على شركته وحاولت اعرف عنه معلومات اكيد عرف
حازم : احكولى كل حاجه بالتفصيل وازاى عرفتوا اسمه انتى رحتى لباباكى يا خلود
خلود : لا بس
حازم : بس ايه
حياه : ابن الراجل ده معانا فى المدرسه وهو جه كلمنا وقالنا
حازم بعصبيه : ده ايه البجاحه دى
حياه : اهدى بس هو عاوز يساعدنا
حازم : اهدى ايه انتوا صدقتوه عشان طيبين وعلى نياتكم مش بعيد هو الى راح قال لابوه عشان يبعت حد يضربك بالنار
حياه : تفتكر ممكن يعملها
خلود : ده احنا صدقناه
سما باشمئزاز : قد ايه هو واطى
ورد : لا وايه عمال يمثل قد ايه هو طيب وعاوز يساعدنا
ادهم : هو اسمه مازن ايه
حياه : اسمه مازن العدوى
ادهم : يا نهار اسود انتى بتقولى مين
تفتكروا ليه ادهم اتصدم
ويا ترى يعرفه منين
الفصل الحادى عشر
وقفنا المره الى فاتت لما
ادهم : هو اسمه مازن ايه
حياه : اسمه مازن العدوى
ادهم : يا نهار اسود انتى بتقولى مين
حياه : فيه ايه يا ادهم انت تعرفه منين
حازم : مين ده يا حياه
حياه : استنى بس يا حازم تعرفه منين يا ادهم
ادهم : انا مش قولتلك ان فيه حد اتدخل بين بابا وعمى وفرق بينهم
حياه : ايوه وايه دخل ا اوعى تقول ان هو
ادهم باسف : هو
حياه بانفعال وبتحاول تقوم : انا مش هسيبه
ادهم وثبتها فى السرير : اهدى يا حياه اهدى ورحمه عمى ومرات عمى ما هسيبه اهدى
حازم : مين ده يا حياه
حياه بغضب : ابن عمى
حازم بصدمه : نعممم
ويقطع كلامهم دخول اسر
حياه بغضب:انت ازاي جاي هنا بكل بجاحه
حازم:مين ده
حياه:هه ده... ده اسر ياجماعه اسر الي بسبب ابوه واقعين في مصايب ملهاش اول من اخر
اسر:انا مش فاهم حاجه بس اقسم بالله انا مليش دعوه ياحياه صدقيني...
حياه:وانا اصدقك باماره ايه انا انهارده كنت همووت فاهم يعني كنت هموت،، ايه ده انا عمري ماشوفت ناس ظالمه كده
اسر بآسى:والله انا ماليش يد في الى حصل ده لو كان بعد الشر حصلك حاجه كنت قتلت ابويا بايدى والله
حياه:هه تقتل باباك عشان واحده متعرفهاش... اطلع بره من فضلك انا تعبانه وعاوزه ترتاح
اسر:بس..
ويقطع كلامه ادهم ويقول بعصبيه:برره اطلع برره وابعد عن حياه وصحابهاا انت فاهم وكفايه اووي لحد كده
اسر بحزن:هطلع بس بكره هثبتلك ياحياه اني صادق وهتندمي على ظلمك لياا
ومشي اسر زعلان جدا عشان حياه مصدقتوش
زعلت حياه اوى لانها افتكرت انو صادق وهيساعدهم
حازم:خلاص ياحياه متعيطيش احنا كلنا جمبك
حياه بعياط:البنات فيين
ادهم:نزلوا تحت يجبولك حاجه تاكليها
حياه:انا مش عايزه اكل انا عاوزه اعد لوحدي وانام
ونامت حياه على السرير وحطت الغطا على راسها
فخرج ادهم وحازم عشان يسيبوها ترتاح
وبعد شويه يجوا البنات ومعاهم الاكل
اسراء بخوف:ايه في ايه مالكم واقفين بره كده ليه
ادهم:متخافوش هي بس تعبانه وعاوزه تناام روحوا انتوا دلوقت وابقوا تعالوا بكره
اسراء:تماام يلا يابنات نروح ونيجي بكره
حازم:استنواا هوصلكم
ومشيوا مع حازم لحد ما وصولوا لباب المستشفى
عشان يروحوا الملجا
سما : اسبقونى انتوا يا جماعه انا هتمشى شويه عشان مخنوقه
ورد:استني يابت اجي معااكي عشان متمشيش لوحدك وانتي مخنوقه
حازم : انتى متخلفه بتقولك مخنوقه وعاوزه تتمشى يعنى عاوزه تكون لوحدها لازقه فى اى مشوار وخلاص
سما:لا متخافيش مش هنتحر ياخفه نص ساعه وهاجى
اسراء:طب خلى بالك من نفسك
سما:حاضر
وتمشى سما وهى مخنوقه
سما لنفسها بدموع : يارب هو ليه الناس بقت وحشه كده ليه كل الناس بقت بوشين ليه احنا طيبين
ليه مخلتناش زيهم عشان نعرف نتعامل معاهم هى الحياه كده ليه ليه بتعمل كده فينا ليه جايه علينا كده
يارب احنا تعبنا وملناش غيرك نلجا ليك يارب ليه كل اما نفرح شويه حاجه تحصل تبوظ فرحتنا ياااارب ارحمنا
وهى ماشيه لقت بنت بتعيط جامد جدا وحافيه ومفيش حد جمبها
راحت نحيتها وقعدت جمبها
سما : مالك يا حبيبتى
الطفله ببكاء : محدش ليه دعوه سبونى لوحدى كلكم وحشين كلكم بتكرهوا رودى كلكم بتكرهوا رودى
رودى وحشه انتوا مش بتحبوها
سما بحب : الله اسمك رودى اسمك جميل اوى
رودى بابتسامه : بجد
سما : بجد انتى بتعملى ايه لوحدك فيه حد معاكى
رودى : لا
سما : امال بتعملى ايه هنا ماما وبابا زمانهم قلقانين
رودى : بابا وماما ماتوا
سما :امال انتى عايشه مع مين
رودى : مع اخويا
سما : طب يلا عشان اوديكى عنده
رودى ببكاء : لا متودنيش ارجوكى
سما : ليه بس يا حبيبتى
رودى : عشان هو الى طاردنى
سما بصدمه : ايه
وستوووووووووووووووووووووووب
ياترى مين رودي؟
وايه حكايتها؟وليه اخوها طردها؟؟
مستنيه توقعاتكم
