البارت التاسع
وقفنا المره الى فاتت لما
خلصوا اسراء وورد وسما الاكل
وبيحضروا الاطباق نروح لحياه
حياه قاعده لوحدها حزينه وسرحانه حاسه ان محدش فاهمها الناس كلها مفكره عشان حياه بتبان قويه انها معندهاش مشاعر انها مبتضعفش
اسراء دخلت عليها بالاطباق لقت حياه مش منتبهه ليها اصلا ولا حست اما دخلت. حطت الصينيه على التربيزه
اسراء : حياه انتى كويسه
حياه بوجع : لا انا مش كويسه انا لما كنت بقول انا كويسه انا كنت بضحك ع نفسى انا كنت بضحك على الناس وببين ان انا كويسه دلوقت مش عارفه اعمل كده مش عارفه
اسراء : اتكلمى عشان ترتاحى
حياه بصراخ : هتكلم وبعد ما اتكلم انا هرتاح.
اسراء ساكته
حياه بصراخ : لا لاااا انا مش هرتاح انا لما حد هيسمعنى مش هلاقى غير كلمه معلش
اسراء بحزن : طب جربى جربى احكى هترتاحى معايا صدقينى
حياه بوجع : انا بتالم ومحدش حاسس بيا انا جوايا وجع يكفى الدنيا دى انا عاوزه اصرخ عاوزه الوجع يخرج كلهم شايفنى قويه كلهم لكن انا على ما قد بكون قويه انا جوايا وجع انا عندى مشاعر انا الوجع الى جوايا ظهر تانى بعد ما كنت بخفيه بقالى اكتر من يوم بحاول اخفيه ومش قادره انا خلاص تعبت انا عاوزه اطلعه انا عندى مشاعر انا انسانه انا انسانه يا اسراء
اسراء :اتكلمى
حياه : مفكرين ان خلاص عشان عمى جه ان خلاص لازم اروح معاه مش مهم كسره قلبى مش مهم وجعى كل ده مش مهم المهم انى ازاى ارفض مروحش مع عمى النهارده ازاى ارفض احضنه
اسراء : انتى مش لازم تعملى كده يا حياه ادى لنفسك فرصه تهدى وتبقى كويسه وتقدرى تسامحى انما متعمليش حاجه انتى مش عوزاها او عشان المفروض تعمليها
حياه : وحشونى بابا وماما
اسراء : هما فى مكان احسن دلوقتى
حياه : عارفه
اسراء : مش يمكن ربنا بعتلك عمك عشان يعوضك
حياه : الوقت اتاخر اوى
اسراء : بس لسه مافاتش الاوان صدقينى يا حياه حاولى تسامحى وتروحى مع عمك هيعوضك وصحابك هيكونوا معاكى هيملوا عليكى الدنيا
حياه : بجد مش مستعده للخطوه دى
اسراء : انا بقترح مش بقولك اعملى كدا اقعدى مع نفسك وفكرى وشوفى انتى مرتاحه لايه وصلى استخاره شوفى نفسك مرتاحه او لا
حياه : طب واسر هعمل معاه ايه
اسراء بخبث : اممم وتعملى ليه خلاص شخص وساعدكم وعدا
حياه : انا ظلمته اوى وجرحته زمانه زعلان دلوقت
اسراء بخبث : وانتى يهمك فى ايه
حياه بغضب : قومى يا اسراء من جنبى قومى
اسراء : انتى معجبه باسر يا حياه ؟
حياه : ايه الى انتى بتقوليه ده
اسراء : شايفه فى عينك ندم انك ظلمتيه شايفه فى عينك حيره ازاى هتصالحيه وتخليه يسامحك
حياه : ممكن الاكل عشان جعانه
اسراء : اهربى اهربى بس عينك فضحاكى
حياه : اسراء اطلعى بره
اسراء : ههههههه تمام تمام هطلع ارتاحتى دلوقتى
حياه : جدا وخلاص عرفت هعمل ايه
اسراء : ايه
حياه : استنوا قرارى بكره
اسراء : فكرى كويس يا حياه عمك محتاجلك
حياه بغموض : وانا اما كنت محتجاله كان جمبى لا مكنش جمبى صعب اوى بجد صعب عموما هتعرفى ردى بكره
اسراء : ماشى يلا انا همشى اشوف القرود دول
حياه : ماشى متخليش حد يضايقنى عشان هاكل وانام
اسراء : عيونى يا عسل
وطلعت اسراء عشان تسيب حياه لوحدها
نروح بقه
فى بيت امير
خمس دقايق وطلعت اسيل وحضنت اخوها
اسيل بعياط : واحشنى واحشنى يا مهند كل دى غيبه
مهند والدموع فى عنيه : وانتى كمان وحشتينى والله
اسيل وقعدته : يلا احكيلى كل حاجه
مهند : حاضر
ويقطع كلامهم صوت الباب
امير : ده تلاقيه الديليفرى هقوم افتح
اسيل : ماشى
مهند : اسيل اسراء عامله ايه
اسيل : بتسال عليها ليه يا مهند مش كفايه الى عملته فيها
مهند : انا بحبها يا اسيل
اسبل بصدمه : ايه
امير وجه على كلمه مهند : يا ابن اللذينه حبيت من هناك
اسيل وقامت راحت عند امير : قصدك ايه يا امير
امير : قصدى انا فرحانله يعنى ده انا لو لافيت الدنيا ما هلاقى زى سيلووو حبيبتى
اسيل : اه بحسب وقعدت جمب اخوها
اسيل : هو ميعرفش
مهند : لا ميعرفش
اسيل اما سئلت مهند (هو ميعرفش ) كان قصدها على امير هتعرفوا بعدين ميعرفش ايه
امير : مين الى ميعرفش
اسيل ومهند بصدمه : هه
امير : مالكم مبلمين كده ليه مين الى ميعرفش
اسيل وفاقت من صدمتها : بابا مش كده يا مهند
مهند : اه يا حبيبتى طبعا منا لسه جاى اهو ولسه مرحتلوش هقوله فين فى التليفون مينفعش الحاجات دى تتقال على الفون
امير : تفتكر ايه رد فعله اما تقوله عاوز اتجوز بنت امريكنيه
مهند : هى مش امريكنيه انت عارف انى مبحبهمش ولا اطيقهم
امير : امال رحت هناك وقعدت تلات سنين ليه
مهند بغموض : شغل شغل يا امير
اسيل : طب يلا يا جماعه ناكل عشان الاكل مش يبرد
امير : يلا يا برنس
مهند : يلا
ونسيبهم بقه ياكلوا ونروح
لاسر فى بيت اسر
اسر : اخيرا يا امى بقيتى معايا
رضوى : ياه يا حبيبى كان حمل وانزاح
اسر : الحمد الله ربنا خلصنا منه ومن شره وخلص الناس كلها
رضوى : والراجل الى اتسجن طلع
اسر : اه يا امى الحمد الله طلع
رضوى : الحمد الله مالك يا حبيبى انت ندما
اسر وقاطعها : انا عمرى ما هندم على الى عملته يا امى ده الى المفروض كان يتعمل ويتعمل من زمان اوى
رضوى : امال مالك يا حبيبى عينك فيها حزن ليه
اسر : انا حبيت يا امى
رضوى بفرحه : بجد يا الف نهار مبرووك لولولولولوى
مين يا واد حد نعرفه حد من ولاد طنتك كامليا حد من ولاد طنتك مرفت
اسر : ايييييه بس انتى لا تعرفيها ولا تعرفى اهلها
رضوى بفضول : طب احكيلى قابلتها فين شكلها ازاى معاك صوره ليها معاك رقمها معاك عنوان متجاوبنى يا واد ساكت ليه
اسر : مستنى الراديو يفصل
رضوى وضربته بالشبشب : راديو يا قليل الادب
اسر : ههههههه خلاص خلاص
رضوى : طب احكى بدل ما ده ينزل على دماغك وشاورت على الشبشب
اسر : وحكالها عن حياه
رضوى بطيبه : يا حبيبتى يا بنتى بس برده هى ظلمتك يا بنى انا خايفه تكون علطول عندها نيه سيئه
اسر : لا والله انتى لو شوفتيها هتحبيها اوى
رضوى : طب انا عاوزه اشوفها
اسر بحيره : هتشوفيها ازاى
رضوى بغضب طفولى : مش عارفه اتصرف
اسر : اممم طب استنى يومين اما اشوف هعمل ايه
رضوى : ماشى يا حبيبى
نروح بقه عند البنات
وهما قاعدين بياكلوا
اسراء : بصوا بقه يا بنات
سما و ورد :ها
اسراء : مش عاوزه حد يفتح موضوع عم حياه معاها نهائى
ورد : بس
اسراء : مبسش يا ورد خلاص انتهينا
سما : حاضر
اسراء : صحيح يا بنات هو مفيش ظابط جه ياخد اقوال حياه
ورد : جه واتشالينا من الى قالته
اسراء : قالت ايه
ورد : قالت ان متعرفش مين الى عمل كده وانها ملهاش اعداء وان ممكن تكون طلقه بالغلط
اسراء بدهشه : ايه قالت كده فعلا
سما : ايوه انا استغربت جدا لان حياه مش بتتنازل عن حقها بسهوله ولو ليها حق بتاخده
اسراء بخبث : يبقى الى فى دماغى صح
ورد بفضول : هو ايه الى فى دماغك
اسراء : خليكى فى اكلك يا ورد
ورد باحراج : احم حاضر
نرجع تانى
لبيت امير
مهند وخلص اكل : يلا انا لازم اروح اشوف بابا
اسيل : استنى انا هجهز شنطتى واجى معاك انا وامير
مهند : تمام وانا هعمل تليفون
اسيل : اوكى يلا يا امير تعالى ساعدنى
امير : حاضر يلا ودخلوا اوضتهم يجهزوا الشنط
فتح مهند فونه وجاب صوره لاسراء
مهند بشووق : وحشتينى اوى يا سووووو انا اسف يا حبيبتى على الى حصل بس انا خلاص جيت وهصلح كل حاجه انا اسف يا رب تسامحنى يارب يا رب انا بحبها اوى يا رب عارف ان الجرح صعب عليها اوى بس هى قلبها طيب وهتسامحنى
بحبك يا اسراء بحبك يا بنت عمى
مهند كان مدى ظهره ومش حاسس بحاجه
ويقطع كلامه صوت غاضب
امير بغضب : مهند
مهند بتوتر : امير انا
امير بعصبيه وصوت عالى : انت ايه ها انت ايه يعنى الى اختى كانت فيه ده انت السبب فيه
مهند : يا امير انا والله حبيتها
امير بعصبيه : انت كداب انت محبتهاش بقالها تلات سنين بتتعذب وانا اقولها يا بت مالك تضحكلى ضحكه مصطنعه وتقولى مفيش يا امير
اسيل وطلعت : فيه ايه مالكم
امير بغضب : انتى كنتى عارفه بموضوعه هو واسراء
مهند : لا مكنتش تعرف انا مقولتش لحد
اسيل : ايوه كنت اعرف
امير بعصبيه : اطلع بره يا مهند
اسيل بغضب : انت بتطرد اخويا يا امير
مهند بحزن : عن اذنكم
اسيل بغضب : استنى يا مهند انا جايه معاك
امير بعصبيه : جايه معاه فين ادخلى اوضتك
اسيل بغضب : لا مش هدخل وهروح معاه
مهند بغضب : اسيل اسمعى كلام جوزك
اسيل بعصبيه : ده مش جوزى ده واحد معرفوش
مهند بعصبيه : اسيل اسمعى الكلام انا ماشى سلام
امير بعصبيه : فى ستين داهيه
ويمشى مهند
واسيل تبص لامير بصات. معناها بتقول انت مين انت حد تانى انا معرفوش انت مش جوزى الى حبيته انت ازاى عملت كده واساله كتير كانت بتساله بعنيها ودخلت اوضتها
امير وشويه وهدى وحس بالذنب وندم من الى عمله
ودخل عشان يصالح اسيل
واتصدم لما دخل لقاها مموته نفسها من العياط
جرى عليها عشان يحضنها
اسيل وهى بتدفعه : اوعى ابعد عنى انت مش جوزى انت مش امير انا عاوزه اميييييييير
امير وحضنها غصب عنها : اهدى انا اسف والله العظيم اسف انا غلطان اهدى يا اسيل خلاص انا هتصل بيه يرجع انتى بس اهدى اهدى عشان خاطرى
اسيل وبصت فى عنيه : ليه عملت كده من قبل ما تسمع منه ليه
امير : انا
اسيل : انت ايه اطلع بره
امير : عشان خاطرى بس اسمعينى
اسيل بعصبيه : بقولك اطلع بره
امير : طب خلاص هطلع اهدى ويطلع امير عشان يسيبها تهدى
اسيل وحطت ايديها على بطنها : متسرع ومتهور وغبى ابوك ده يا كوكو عقابا ليه مش قيلاله عليك يا ترى انت روحت فين يا مهند
ويخلص اليوم ده ويبدا يوم جديد
مليان بالتفاؤل والامل والحب
قامت اسيل وحضرت لنفسها الفطار يصحى امير ويروح ليها الاوضه عشان يحاول يصالحها
واول ملقهاش اتجنن وبيدور عليها هدى قلبه لما لاقها فى المطبخ وبتفطر
امير وبيحط ايده فى طبق الخيار وهياخد واحده
اسيل ضربته على ايده واخدت الطبق
امير : ياه للدرجه دى زعلانه منى طب انا هعمل بيض مقلى الى بتحبيه ومش هاكلك منه
اسيل بفزع : بيض مقلى لا ارجوك
امير بضحك: فيه ايه يا اسبل بهزر معاكى اكيد هاكلك منه يعنى مش انانى زيك
اسيل : لا مش عاوزه اكل حاجه انا كلت خلاص وياريت متعملوش وكل حاجه تانيه
امير بشك : فى ايه يا اسيل انتى مش بتطيقى ريحه البيض او انك تاكليه غير اما تكونى تعبانه
اسيل بتلعثم : لا انا مش تعبانه ولا حاجه انا داخله اوضتى عن اذنك ومشيت
امير : يا ترى مخبيه ايه يا اسيل
نروح بقه عند البنات
اسراء بصووووت عالى : يلااااا مدرسه مدرسه كله يلبس يلاااا
يلبسوا البنات
اسراء تدخل على حياه عشان تقولها انها هتوصل البنات المدرسه
تتفاجا اسراء انها لابسه
اسراء بدهشه : انتى رايحه فين يا بنتى
حياه : هكون رايحه فين رايحه معاهم المدرسه
اسراء بغضب : حياه انتى اتجننتى انتى واخده رصاصه رصااااصه
حياه : انا مش هبقى مرتاحه وانا فى البيت هروح واخد بالى من نفسى
اسراء : لا مش هتروحى
حياه بتوسل : بلييييز انا لازم اروح
اسراء بخبث : وليه لازم
حياه بتلعثم : عشان عشان
اسراء بابتسامه : خلاص خلاص يلا بينا
حياه بابتسامه : يلا
وتوصل اسراء البنات للمدرسه وفى طريقها للملجا لاحظت عربيه ماشيه وراها بسرعه رهيبه وعاوزه تلحقها
اسراء : ايه ده فيه ايه ووقفت العربيه
ونزلت عشان تشوف مين ده
وقفت العربيه الى كانت ماشيه وراها وينزل منها مهند
اسراء بصدمه : مهند
مهند بحب : ايوه مهند يا اسراء حبيبك
اسراء بدهشه : حبيبى ؟!! مين قال كده
مهند : انتى مش فاكره من تلات
اسراء : لا الى حصل ده خلاص كان فيه منه وخلص
مهند : يعنى ايه
اسراء : يعنى الى سمعته الى حصل من تلات سنين كانت غلطه وندمت عليها
مهند بصدمه : بس انا بحبك يا اسراء
اسراء بعياط: اتاخرت اوى يا مهند انا استنين اسمع الكلمه دى من تلات سنين دلوقتى مش عاوزه
مهند بتوسل : اسراء انا
اسراء : لسراء الى تعرفها ماتت مبقتش موجوده الى حبيتك وكسرتها خلاص ماتت ودلوقتى انا واحده تانيه خالص عن اذنك وقبل ما تمشى كان ماسك ايديها
مهند : اسراء سامحينى
اسراء : صعب صعب بجد اسامحك انا خلاص مبقتش بحبك ولا عوزاك فى حياتى حضرتك ابن عمى وبس
مهند : اسراء متعمليش فيا كده
اسراء : انا مبعملش فيك حاجه انت الى عملت كده مش انا
مهند : وجاى عشان تسامحينى
اسراء : صدقنى مبقاش ينفع لو سمحت سيبنى عشان متاخرش
مهند : لا مش هسيبك انا متاكد انك لسه بتحبينى
اسراء بعصبيه : انا مش لعبه فى ايد حضرتك لما تقول بتحبنى وعاوزنى هاجى انا بكرهك
مهند بعصبيه : انتى كدابه
اسراء ببرود : ومالك متعصب كده ليه طالما متاكد انى بحبك ولا بتحاول توهم نفسك بس خلاص يا مهند فات الاوان وانا دلوقتى مرتبطه
مهند ومسك دراعها بقوه : انتى بتاعتى وملكى انا اسراء لمهند ومهند لاسراء
اسراء بضحكه وجع : كان زمان ممكن ؛لكن دلوقتى انا مرتبطه
مهند : انتى كدابه
اسراء : انت حر مش عاوز تصدق انت حر قريب هبقى اعزمك فى الخطوبه اوعى متجيش ازعل منك
مهند : اعمليها يا اسراء وانتى عارفه ان قبليها بيوم محدش هيعرفلك طريق جره
اسراء بخوف : انت ملكش دعوه بيه
مهند بانتصار : انا حذرتك وانتى حره سلام وكلامنا لسه مخلصش واتقى غضبى يا اسراء عشان انتى عارفه انو وحش ومش عاوزه اوريكى وش تانى ليا مش هيعجبك
سلام يا سوووو ومشى
اسراء بغيظ : حيوان ورخم لسه زى ما انت متغيرتش
مهند بصوت عالى : بطلى برطمه وروحى شغلك وسوقى براحه
اسراء بعصبيه : خليك فى حالك ياريت
مهند ضحك ودخل عربيه ومشى وهو بيبصلها بانتصار
اسراء ودخلت العربيه : اووووف اخيرا مشى كنت خايفه يسمع صوت ضربات قلبى من كتر ما هى عاليه ياه وحشتنى يا نودى بس مبقاش انا اسراء غير اما اضايقك بس ده ممكن يخطفنى ده مجنون ويعملها
لا انا هخلى بالى من نفسى ومش هيعرف يعملها
وستوووووووووووب
