فضلا وليس امرا علقوا برأيكم
الفصل السابع
وقفنا المره الى فاتت لما
سما : طب يلا عشان اوديكى عنده
رودى ببكاء : لا متودنيش ارجوكى
سما : ليه بس يا حبيبتى
رودى : عشان هو الى طاردنى
سما بصدمه : ايه
رودى : هو بيكره رودى هو مش عاوزنى اعيش معاه
سما بصدمه : لا يا حبيبتى ممكن يكون كان بيهزر معاكى وانتى اخدتى الموضوع جد
رودى : لا هو بيكره رودى وانا كمان كرهته هو بيعامل رودى وحش وبيضربنى انا مش هروح عنده تانى هو وحش
سما : طب خلاص اهدى طب انتى هتقعدى تعملى ايه لوحدك لازم تقعدى فى حته
رودى : لا مش عاوزه اقعد فى حته ولا قعد مع حد قومى انتى كمان امشى مش عاوزه نظره شفقه من حد
سما : انا بابا وماما اتوفوا كمان
رودى : وانتى عايشه مع مين
سما : فى ملجا مع صحاب ليا
رودى : طب هو ينفع اجى اقعد معاكوا ومحدش هيحس بيا
سما : طب اخوكى زمانه هيدور عليكى
رودى: لا هو مش هيدور على رودى هو زعق ليا قبل ما ينزل الشغل قالى قالى وبكت بحرقه
سما واخدتها فى حضنها بدموع : قالك ايه
رودى بعياط : قالى يا ريتك ما جيتى قالى ياريتك موتى قالى امشى مش عاوزك قعدت اعيط قدامه واقوله اروح فين
قالى مليش دعوه المهم تغورى من وشى قعدت اعيط قدامه وهو ولا هنا مشى وسابنى وراح الشغل وانا نزلت ومن ساعتها هنا
سما ومسحت دموعها : رودى
رودى : نعم
سما : تعالى انتى هتيجى معايا الملجا وتلعبى مع فريده
رودى : مين فريده
سما : هتعرفى اما نروح بس مش عاوزه مشاكل ولا صوت تمام
رودى : حاضر
ونروح لمكان تانى
فى المستشفى
يرن تليفون ادهم
ادهم : ايوه يا بابا
مصطفى : ايوه يا بنى انت فين
ادهم : انا قدام غرفه حياه غرفه رقم ٩٥ الدور الخامس
مصطفى : تمام
وبعد مرور دقائق كان قدامه
مصطفى : ايه الى حصل ومين الى عمل كده
ادهم : موضوع كبير يلا ندخلها وبعدين هحكيلك
مصطفى : لا انا هدخلها لوحدى
ادهم : بس
مصطفى مفيش بس انا هدخل
ادهم : تمام
ودخل ولقى حياه نايمه
مصطفى بدموع : وحشتينى يا بنت الغالى وخشتينى انا وابوكى غلطنا يا حياه
انا اسف يا بنتى اتخانقنا وملكوش انتوا ذنب بس والله العظيم ما كنت اعرف عارف ان احنا الى المفروض نكون اول ناس تشوفيهم بعد الى حصل بس الشيطان دخل بينا انا وابوكى شيطان وانا مش هسيبه وحياه كل دمعه نزلت من عنيكى وحياه كل وجع اتوجعتيه انا مش هسيبه
وجاى يمشى ويجيلها وقت تانى
حياه : مش شايف انك اتاخرت
مصطفى وقعد قدامها : شايف بس الى اتكسر ممكن يتصلح
حياه : قصدك على ايه بقه الى يتصلح وحدتى الى كنت فيها ومكنش حد جمبى ولا وجع قلبى ولا الكسره الى اتكسرتها ولا انى كبرت قبل معادى يا استاذ مصطفى
مصطفى : كل ده هيتمسح اما اعوضك واشتريلك كل الى نفسك فيه
حياه بضحكه وجع : هههههههه بجد ضحكتنى هو انت مفكر انى ناقصنى فلوس وجابت الشنطه من جمبها وطلعت فلوس كتير جدا من شنطتها
حياه : كل دى فلوسى انا بشتغل شغلين وبدرس ومبسوطه مع صحابى مكنش فيه داعى انك تيحى وتتعب نفسك
مصطفى : وانا مش هعوضك فلوس وبس انا هعوضك عن الحنان الى اتحرمتى منه
حياه : وانا مستحيل اسيب صحابى
مصطفى : وانا مش بطلب منك تسبيهم صحابك هيجوا معاكى يا حياه
حياه : مش فاهمه
مصطفى : يعنى هنتبناهم كلهم وهتعيشوا فى بيت واحد انا مستعد اعمل اى حاجه بس ترجعى حياه
حياه بدموع : تفتكر بالسهوله دى تفتمر انا قويه للدرجه دى تفتكر هقدر انسى
مصطفى : حياه استحملت كل ده حياه قويه مش ضعيفه وانا عارف ومتاكد انك هتوافقى ومش هتكسرى قلب عمك
ويقطع كلامهم دخول اسر
حياه بغضب وعصبيه : انت جاى تعمل ايه هنا اطلع بره
اسر : مش قبل ما تسمعينى
مصطفى :حياه مين ده
حياه : البيه ده اسر مازن العدوى ابن مازن العدوى
مصطفى بغضب : انت ليك عين تيجى هنا يا بجح
حياه : عمى انت عارف مين ضرب عليا نار
مصطفى : هو انتى عارفه
حياه : البيه ده وابوه
اسر بغضب وعصبيه : قولتلك انا مليش دعوه انتى مش بتفهمى على اساس ايه حكمتى عليا انا عاوز افهم عشان قلت هساعدكم وبعد كده انضربتى بالنار لا يا انسه حياه للاسف انتى غلطانه انا فعلا كنت بساعدكم بدليل ان ابو صاحبتك اجراءات خروجه بتتعمل دلوقتى
حياه بسخريه : لا يا شيخ تلاقى ابوك اتنازل بعد ما حس بالى هيحصله وانى مش هسيبه وانت زيه انت حيوان زيه وانا لما البوليس يجى هبلغ عن ابوك وانت كمان
اسر بسخريه : مفيش داعى تبلغى عن ابويا لانه اتقبض عليه فعلا
حياه بصدمه : ايه بس انا لسه البوليس مجاش انا مبلغتش عنه
اسر بسخريه : مهو انا عارف انك مش انتى الى بلغتى عنه حد تانى بلغ عنه
حياه بصدمه : مين اوعى يكون
اسر بغضب : ايوه انا انا الى بلغت عنه انا مكدبتش يا حياه عليكى اما قلت هساعدك انا كده خلصت مهمتى عن اذنك
ومشى اسر وهو متضايق ومخنوق
لما تروح سما الملجا ومخبيه رودى وبتحاول
ان مفيش حد يشوفها
رودى بهمس : انتى ماشيه بتتسحبى زى الحراميه كده لى
سما بهمس : عشان لو المديره شافتك مش هترضى تدخلك اسكتى بقه
وبعد مرور دقائق دخلوا الغرفه
خلود : ايه ده مين دى
سما : موضوع كبير كبير
ورد : هاى
رودى : هاى
سما : متيجوا نروح لحياه
خلود : مش هينفع حازم راح ليها وحذرنا نروح وقال اتطمنوا عليها بالفون
ويقطع كلامهم دخول اسراء
اسراء بصدمه : مين دى
سما : هه
ورد بتوتر :دى دى
خلود : احنا ملناش دعوه سما الى جيباها
اسراء : مين دى يا سما
سما : لقتها بتعيط فى الشارع وباباها ومامتها متوفين واخوها طاردها
اسراء بصدمه : يعنى ايه طاردها طاردها ليه
رودى : عشان هو بيكره رودى
اسراء ونزلت لمستواها : بيكرهك لى
رودى : عشان بيقول ان انا السبب فى موت ماما
اسراء :السبب ازاى
رودى : عشان ماما ماتت وهى بتولدنى
سما : والله يا اسراء مقدرتش اسيبها وامشى
اسراء: عارفه يا حبيبتى انا لو كنت مكانك كنت هعمل كده
خلود : بس زمان اخوها بيدور عليها
رودى بغضب : لا هو مش هيدور عليا هو مش بيحبنى وكان عاوزنى امشى وانا نفذت الى هو عاوزه
ورد : طب خلاص اهدى
اسراء : بس فيه مصيبه يا بنات
سما : فيه ايه
اسراء : المديره بكره عامله تفتيش
البنات بصدمه : ايييييييه
سما : دى حاجه سهله هنتصرف
ورد : هتتصرف ازاى
سما : هنخبيها تحت السرير
اسراء :اذا كان هى بتدور تحت السرير
خلود : طب وبعدين هنعمل ايه
اسراء : انا هاخدها عندى
رودى ومسكت فى سما : لا انا عاوزه سما
اسراء : خلاص انا هعمل حاجه اشوف هتنجح او لا
البنات : تمام
اسراء : سلام مؤقت
البنات : سلام
ونروح لمكان تانى
عند حياه
مصطفى : فى ايه يا بنتى انا مش فاهم حاجه
حياه بدموع : انا ظلمته ظلمته يا انكل
مصطفى وقعد : طب فهمينى براحه
حياه وحكت ليه كل حاجه
مصطفى بصدمه : ده بلغ عن باباه عشانك انتى بتحبيه
حياه بتوتر : ايه الى انت بتقوله ده يا عمى
مصطفى : شوفت فى عيونه اما دخل حب وخوف وقلق وانتى كان فى عنيكى غضب بس اما حكى شوفت فيهم ندم وحب
حياه بغضب : انا مستحيل احب
مصطفى : وليه مستحيل يا حياه ؟
حياه : السؤال ده ليه اجوبه كتير جدا
مصطفى : اجوبتك هتبقى تافهه اوى
حياه : معتقدش فى الزمن ده
مصطفى : وانا معتقدش ان اسبابك دى هتفرق معاه
حياه : بس هتفرق معايا انا
مصطفى : كبرتى يا حياه والكلام بقه معاكى صعب وكل حاجه عندك ليها اجابه
حياه اتنهدت وسكتت
ويقطع كلامهم دخول ادهم
ادهم بغضب : الواد ده كان بيعمل ايه هنا
حياه : ظلمناه يا ادهم
ادهم : مش فاهم
حياه : اسر بلغ عن ابوه
ادهم بصدمه : نعم
نروح لمكان تانى
فى الملجا عند المديره
اسراء بابتسامه توتر : ازيك حضرتك
المديره بابتسامه : عاوزه ايه يا اسراء
اسراء : طبعا حضرتك عرفتى الى حصل
المديره : عرفت يا اسراء
اسراء : هو بس البنات كانوا زعلانين ومتضايقين فلو ينفع يباتوا عندى النهارده
المديره : هتاخدى مين
اسراء بفرحه وعفويه : خلود وورد وسما وفريده ورودى
المديره باستفهام : رودى مين
اسراء بتوتر : اه اه اقصد رودى تبقى بنت اختى اصلها اسمها ريناد وبندلعها ونقولها رودى
المديره : تمام دول فى امانتك يا اسراء
اسراء: متقلقيش دول فى حمايتى
المديره : ماشى يا اسراء يلا روحوا عشان متتاخروش
اسراء : ميرسى جدا جدا حضرتك
المديره : العفو
نرجع تانى لحياه
ادهم بصدمه : انا مش مصدق
مصطفى : ولا انا والله يا بنى
حياه : ممكن حد يقولى دلوقت اعمل ايه
ادهم : استنى اما تخف وابقى اعتذريله
حياه : ادهم
ادهم : خير حاسس بطلب هرفضه
حياه : عاوزه اخرج دلوقتى
ادهم : انسى يا حياه
حياه : عشان خاطرى انا مبعرفش انام من غير البنلت وهما وحشونى
مصطفى :اعملها الى عوزاه يا بنى
ادهم : يا بابا مينفعش
مصطفى : معلش عشان خاطرى
حياه : حبيبى يا دوكش
ادهم : ههههههه حياه رجعت يا بابا
حياه : طب يلا بقه
ويقطع كلامهم دخول حازم
حازم : ازيك يا حياه دلوقت
حياه : الحمد الله كويسه وهخرج دلوقت
حازم : طب والجرح
ادهم : مصممه يا سيدى
حازم : طب انا هتصل بخلود اطمنها عشان كانت هتموت من القلق
حياه بغمزه : الله يسهلوا يا عم
حازم : اه لو خلود سمعتك
حياه : روح يا خويا كلم الغندوره
حازم : انا ماشى قبل ما اتهور واضربك
حياه بغضب : تضرب مين يالااااا
حازم بخوف مصطنع : هضرب خلود
حياه : نعم
حازم : هضرب نفسى يا حياه هضرب نفسى
حياه : يلا غور
حازم ومشى وهو بيبرطم : بلطجيه امها دى كانت بتتوحم على ايه سكينه ؟؟؟!
وبعد ما مشى يتصل بخلود
خلود : الو ايوه يا حازم
حازم بهيام : يااه هو انا اسمى حلو اوى كده
خلود : اتلم با حازم وقولى اخبار حياه ايه
حازم : يا نهار ابيض ده مرض حياه معدى
خلود باستفهام : مرض ايه
حازم : احم البلطجه
خلود : هههههههههه تستاهل
حازم : انا كده هنهار
خلود : لو سمحت ادينى حياه
حازم : ادبهالك ليه هى مروحه اصلا
خلود بصدمه : بتهزر
حازم : والله مصممه تروح
خلود : طب اديهالى
حازم : حاضر يا ستى
وراح ناحيه حياه
حازم : خلود عوزاكى واداها الفون
حياه واخدت الفون : ايوه يا خوخه
خلود : ايه يا حياه الجرح لسه ملمش مينفعش كده
حياه : معلش انا هكون مرتاحه كده باباكى زمانه جاى
خلود بصدمه : ايه انتى بتقولى ايه
حياه بابتسامه : باباكى خرج واجراءات الخروج بتتعمل وزمانه على وصول
خلود ببكاء : انا مش قادره اصدق الحمد الله يا رب الحمد الله بس ازاى
حياه : احنا ظلمنا اسر ؛؛اسر لقى مستندات ضد ابوه وتطلع باباكى وقدمها يعنى اسر بلغ عن باباه
خلود بصدمه : مستحيل
حياه بحزن : ده الى حصل انا كدبته يا خلود فى كل كلمه قالها انا جرحته اوى
خلود : ان شاء الله هنعتذر وهيسامحنا كلنا
حياه : ان شاء الله يلا سلام بقه عشان اجهز واجى اسلم عليكى قبل ما تمشى
خلود : ماشى يا يويو سلام
حياه : سلام وبعد ما قفلوا
حازم بدهشه : الى انا سمعته دى صح فعلا
حياه : ايوه للاسف يلا يا ادهم عشان الحق اروح اسلم عليها
حازم : حاضر ومشى يروح يكمل الاجراءات
نروح بقه عند البنات
خلود بفرحه : يا بنااااااات بابا خرج بابا جاى على هنا انا مش قادره اصدق
سما وورد : اعااااااااا مبروك و حضنوها
وتدخل عليهم اسراء
اسراء : خير شكلكم مبسوطين
سما :ابو خلود طلع وجاى دلوقت عشان ياخدها
اسراء وحضنتها : الحمد الله الحمد الله يارب
ورد : بس ازاى ده حصل
خلود بحزن : اسر لقى مستندات ضد ابوه وبلغ عنه
البنات بصدمه : ايه
خلود : زى ما سمعتم وكمان حياه جايه على هنا مع حازم
اسراء : خلاص احنا نستنى شويه لحد ما ابو خلود يجى وياخدها واعمل الاجراءات وكمان عشان حياه واخدها معايا
خلود : بس انتى وقت عملك خلص
اسراء : يفتح عشان عيونك يا قمر
خلود وحضنتها : ربنا يخليكى ليا
اسراء : ويخليكى ليا
وتدخل الداده : فى حد تحت بيقول انه ابو خلود
خلود بفرحه وجريت على تحت
واول ما شافته حضنته وعيطت
خلود : وحشتنى وحشتنى اوى يا بابا
محمد : وانتى كمان يا روح وقلب بابا
والبنات واقفين ومبتسمين واسراء فرحانه عشان خلود وانها خرجت من الملجا ده
خلود : بابا دول صحابى الى ساعدونى ووقفوا جمبى وبالذات اسراء وحياه كلهم ساعدونى ومسبونيش
محمد : انا بجد بشكركم على الى عملتوه مع بنتى
سما بمرح : بتشكرنا على ايه احنا معملناش حاجه فى اب بيشكر بنته خلود اختنا وكلنا دخلنا العش وهنفضل كلنا صحاب لاخر العمر
محمد : انتوا بجد ونعم البنات.
اسراء : يلا عشان نعمل الاجراءات
خلود : يلا بينا
وطلعوا وبعد مرور نصف ساعه
الاجراءات كلها خلصت
محمد : يلا يا بنتى عشان نرجع بيتنا
خلود بحزن : كده مش هسلم على حياه
حياه : مش هتسلمى عليا ليه يا قلب حياه
خلود وجريت عليها وحضنتها
خلود بعياط : مش عارفه اشكرك ازاى انا بحبك اوى
حياه : وانا بموت فيكى يا قلب حياه
مصطفى : يلا يا استاذه اعملى اجراءات
حياه : اجراءات ايه
ادهم : اجراءات خروجك انتى وصحابك لبءتكم
