الفصل الثامن
وقفنا المره الى فاتت لما
محمد : يلا يا بنتى عشان نرجع بيتنا
خلود بحزن : كده مش هسلم على حياه
حياه : مش هتسلمى عليا ليه يا قلب حياه
خلود وجريت عليها وحضنتها
خلود بعياط : مش عارفه اشكرك ازاى انا بحبك اوى
حياه : وانا بموت فيكى يا قلب حياه
مصطفى : يلا يا استاذه اعملى اجراءات
حياه : اجراءات ايه
ادهم : اجراءات خروجك انتى وصحابك لبيتكم
اسراء : انا مقدرش ابدا فى اي اجراءات غير بموافقه حياه
مصطفى : ها يا حياه موافقه
حياه : مش النهارده ادونى وقت افكر متضغطوش عليا
مصطفى بحزن : ماشى يا حياه وراح يحضنها عشان هيروح هو وادهم
حياه بعدت ومردتش تحضنه
مصطفى زعل : عن اذنكم يلا يا ادهم
ادهم : يلا يا حبيبى
ومشى ادهم ومصطفى زعلانين بسبب انهم عرفوا ان جرح حياه مش هين ومش هيتلم بسهوله ومش من اول ما هيقفوا قصادهم هتحضنهم وتنسى اى حاجه حصلت
خلود : ليه كده بس يا حياه
ورد : يا بنتى ده عمك ازاى عملتى كده
اسراء : محدش ليه دعوه بحياه خلى كل واحده فى حالها لو انتوا مكان حياه وشفتوا الى شافته كنت هتقولوا كده
البنات سكتت
اسراء: شوفتوا الكلام سهل اوى تقولوه وانتوا مش فى مكان الشخص ده
محمد : يلا بقه يا بنتى
خلود وحضنت البنات وعيطت : هتوحشونى اوى
البنات : وانتى كمان
ومشيت خلود مع باباها والبنات زعلانين انها مشيت واتعلقوا بيها
فريده وجريت ع حياه : وحشتينى يا حياه
حياه وشالتها : وانتى كمان يا قلب حياه
اسراء : يلا يا بنات عشان منتاخرش
حياه : هنروح فين
اسراء : عندى فى البيت
حياه بدهشه : والمديره وافقت
اسراء بمرح : اه يختى وافقت ده انا مبقتش مصدقه نفسى باين عليها مزاجها رايق اوى
حياه : ههههههههه ولفتت نظرها بنت قاعده فى ركن لوحدها
حياه : مين دى يا جماعه
سما : حكايه طويله يلا بس نروح على بيت اسراء وبعد كده احكيلك
ومشيوا البنات واسراء متجهين لبيت اسراء
نروح بقه لمكان جديد
واشخاص جديده وحكاوى جديده
ومعانا اول شخصيه ونقووووول الو
فى المطار
ناس كتير مستنيه اصدقائها قرايبها الى جايين من امريكا
ونروح بقه للبطل الجديد
امير واقف مستنى صاحبه واخوه وابن عمه
دى عيله جديده خالص مالهمش دعوه بالبنات
اميرالشناوى عيون سوداء وشعر اسود مش امريكانى يعنى عنده ٢٥ سنه ويمتاز بالجاذبيه
وتيجى عنيه على ابن عمه ويشاورله
ويروح ليه مهند.
مهند الشناوى ذات عيون زرقاء وشعر اسود اللون مش امريكانى اوى يعنى 😂😂😂. وببحب امير جدا وليه اخت واب. وامه متوفيه واخته تبقى مرات امير
امير وحضنه بحراره : وحشنى يا مهند
مهند : وانت كمان يا حبيبى والله
امير : اوعى تكون قولت لاختك انك جاى
مهند : لا يا عم مقولتلهاش
امير : كويس اوى عشان اصالحها بقه
مهند ومسكه من قفاه : مزعل اختى ليه ياض
امير : يا عم انا مالى اختك الى نكديه
مهند وهيضربه : بتشتم اختى قدامى يااالا
امير : مهو اصل انت لو عرفت اتخانقنا على ايه مش هتمسكنى المسكه السوده دى
مهند وسابه وبغيظ : اتخانقتوا على ايه يخويا
امير : بص يا ابن عمى احنا كنا قاعدين فى امانه الله فى الصالون وهنتفرج على التليفزيون وانا بحول اجيب قناه الكوره عشان ماتش الزمالك عدينا على قنوات الكرتون ودى راسها والف جزمه تتفرج على سبونج بوب لما لقيته شغال اما صممت على الماتش زعلت وراحت اوضتها ونيمتنى على الكنبه ومصحتنيش للشغل ولا حضرتلى الفطار
مهند وقع على الارض من كتر الضحك
مهند : هههههههههههههههه هموووووت. طب يلا نروحلها عشان وحشتنى
امير بهمس بس سمعه مهند :وحشتك عقربه يا بعيد
مهند ومسكه من قفاه : بتقول حاجه ياض
امير : لا يا برنس بقول وحشتنى انا كمان
مهند : طب يلا شيل الشنط
امير بصوت عالى خلى الموجودين يبصوا عليهم
امير بصوت عالى : نعم يخويا
مهند : الله يخربيتك هشيل معاك هو انا قولت هشيلك دول كلهم لوحدك شيل اتنين و انا اتنين
امير : اه بحسب
مهند : لا يا اخويا متحسبش. يلا بينا
امير : يلا
ويمشوا امير ومهند. متوجهين لبيت امير
ونسيبهم بقه ونروح للبنات
وصلوا لبيت اسراء
اسراء : يلا يا بنات هدومكم اهيه يلا غيروا. وانتى يا رودى انتى نفس مقاس فريده انا جايبه اربع بيجامات اختاروا سوا وشوفوا حابين ايه
رودى وفريده : حاضر
اسراء : البنات الكبار بقه كل واحده تغير هدومها وتيجى تساعدنى طبعا ما عدا حياه
حياه : ما عدا حياه ليه انا هساعدكم
اسراء : مينفعش يا ماما انتى ناسبه انك واخده رصاصه ولا ايه روحى البسى واقعدى فى السرير والاكل هيجى لحد عندك مش عاوزه نقاش فى الموضوع ده يلا
حياه بابتسامه تعب : حاضر
ورد : احم اسراء
اسراء : خير حاسه بخبر هيصدمنى قولى قولى
ورد : انا مبعرفش اعمل حاجه فى المطبخ خالص
اسراء : يلهوووى
سما : ههههههههه وانا وانا
اسراء : يلهوووى يا فرحتى بيكوا يا فرحتى
حياه : ههههههههه يا بنتى قولتلك هساعدك انا
اسراء : لا والله ما حد مساعدنى غيرهم انا هعلمهم يلا ادخلوا غيروا
وبعد مرور ربع ساعه
خلصوا سما وورد وراحوا مع اسراء المطبخ اما حياه
فقعدت على السرير بعد ما غيرت بسبب ان الجرح تاعبها
اما بقه فريده ورودى فدول قعدوا على التليفزيون بيسمعوا توم وجيرى
نرجع بقه لامير ومهند
وصلوا بيت امير دخلوا
امير : احم عن اذنك انا بقى احاول اتصرف
مهند بضحك : هههههه اذنك معايا يا اخويا
ودخل امير لاسيل مراته واخت مهند
امير :سيلووو قومى بقه يلا
اسيل مردتش عليه
امير وقومها غصب عنها : ينفع كده يعنى
اسيل : اوعى عشان مزعلكش
امير بابتسامه : خلاص بقه حقك عليا ده ماتش مهم
اسيل : مليش فيه سبونج بوب اهم من الماتش بتاعك
امير : طب بذمتك مش عيب على واحده فى سنك تتفرج على سبونج بوب
اسيل : الله الله منت كمان بتتفرج على spider man و ben 10
امير : طب خلاص هجيبلك تليفزيون لوحدك
اسيل بفرحه : بجد يعنى هتفرج على سندريلا وسنوا وايت والاميره والوحش وعلاء الدين والاميره صوفيا
امير:اه يا هبله اوعى تكونى معملتيش غدا
اسيل بضحك : ههههههههه عرفت ازاى
امير بصدمه : يا نهار ابوكى اسود ده اخوكى بره
اسيل بصدمه : اييييببه
امير : اخوكى بره
اسيل بتوتر : محدش قالى معملتش اكل مفيش اكل هناكلوا ازاى هاكل اخويا ايهة الى زمانه وحشه اكل البيت ازااااااى اعاااااااااا
امير : خلاص اهدى يا بنت المجانين هنطلب ديليفرى جتك الارف
اسيل وطلعت تجرى بره الاوضه وقبل ما تخرج كان ماسكها امير
امير بحده : البسى حاجه انتى هتخرجى كده
اسيل وبصت على نفسها : فيها ايه يعنى ده اخويا
امير بغضب : والله لو ابوكى متخرجيش كده
اسيل : اوعى يا امير بلاش هزار اخويا وحشنى بقالى تلات سنين مشوفتوش
امير ببرود : معلش مش هتيجى على الخمس دقايق الى هتغيرى فيهم ومش عاوز نقاش
اسيل بغضب :طيب اطلع بره
امير بخبث : واطلع ليه
اسيل : كده انا مش طيقاك ولا طايقه اشوفك
امير وبيقرب منها : لا يا شيخه
اسيل وعلت صوتها : برررررررررررررره
اسيل علت صوتها لدرجه مهند سمعها وقعد يضحك وصوت ضحكه وصل ليه
امير بغضب : انا طالع بس وربنا لموريكى يا اسيل الكلب اما يمشى اخوكى
اسيل : لا هو انت متعرفش
امير : معرفش ايه يختى
اسيل : انا هروح مع مهند عند بابا
امير : نعم يا روح امك
اسيل : مليش دعوه اخويا واحشنى
امير : وانا سبق وقولتلك مفيش بيات بره البيت
اسيل بتوسل : بليييييز بليز يا امير او هقولك حاجه تعالى وبات معانا
امير بتفكير : ماشى انا طالع خمس دقايق وتكونى بره
اسيل : اوكى
ويطلع امير
اسيل : والله لاوريك يا امير مبقاش انا اسيل الشناوى وستووووووووووب
اقتباس صغنن كده
البنت : اتاخرت اوى يا مهند
مهند باسف : انا اسف ارجوكى سامحينى
البنت بعياط : مش هقدر
مهند : لازم تسامحينى عشان الحب الى بينا
البنت بجمود : انا نسيتك خلاص
مهند : انتى كدابه انا اول ما دخلت عليكى شوفت اللهفه والحب فى عنيكى
البنت : اطلع بره
مهند : هطلع بس كلامنا لسه مخلصش يا اسراء
هاهاها اسراء طلعت اسمها اسراء الشناوى
وبنت عم مهند واخت امير
