الفصل الخامس
وقفنا المره الى فاتت لما
ولسه جاى هيمشى من ااباب وطالع يشوف حياه حصلها ايه
مازن نده عليه : اسر
اسر وبصله ولقه المسدس فى ايده
وعينه بتطق شرار
اسر باستفزاز : متضرب مستنى ايه
مازن ونزل السلاح : صدقنى لو مبعدتش عن طريقى هقتلك وهنسى انك ابنى من اصله
اسر : انسى ده يحصل انا مش هسيبك عايش غير فى السجن
مازن : وانا هديك مهله يوومين تفكر فى امك الغلبانه دى الى ملهاش غيرك منظرك قدام الناس لما ابوك يتسجن
اسر واتجه نحوه وميل عليه : لا هو انت متعرفش انا ميهمنيش الشكليات دى غير كده انا مش هزعل ولا حاجه لان ده الصح وهكون خلصت ناس كتير من شرك واعمل حسابك حياه لو حصلها حاجه رقبتك انت الى هتطير سلام يا يا باشا
ومشى اسر
مازن : انت لسه واقف يلا غور
سعيد بصله باحتقار ومشى
نروح لمكان تانى
فى المستشفى
بعد مرور خمس ساعات
يطلع ادهم ويجروا عليه البنات
اسراء بلهفه : ها طمنى الله يخليك
ادهم : العمليه كانت صعبه جدا كان فاضل حاجه بسيطه خالص وتدخل القلب بس الحمد الله عدت على خير بس فيه حاجه
اسراء بخوف : حاجه ايه
ادهم بتوتر : هى دخلت فى غيبوبه
الجميع بصدمه : ايه
ادهم : متخافوش دى غيبوبه مؤقته انتوا بس تكونوا جمبها وهى هتفوق وتبقى كويسه ان شاء الله
اسراء بحزن : يارب يارب
الممرضه : لو سمحتى عاوزين بيانات المريضه
اسراء : ليه
ادهم : متخافيش ده اجراء عادى بتاخده المستشفى
اسراء : اسمها حياه احمد الصياد وعمرها
ادهم بصدمه : انتى بتقولى اسمها ايه
اسراء : حياه احمد الصياد انت تعرفها
ادهم بشرود : عز المعرفه
اسراء :تعرفها منين
ادهم : تقدروا تدخلوا لما تتنقل العنايه عن اذنكم ومشى
سما : مالوا دا ويعرفها منين
اسراء بشرود : مش عارفه بس شكله وراه حكايه كبيره
ويقطع كلامهم صوت تليفون حياه
ورد : متردى يا سما مين الى بيتصل اصلا
سما بخوف : دا حازم
خلود بصدمه : ايه
سما بخوف : هنعمل ايه
اسراء : ردوا احكيلوا الى حصل
ورد : هيزعق جامد
اسراء : وهزعق اكتر لو مردتوش وهيفضل قلقان
خلود : طب هاتى وانا هحاول اوصل الموضوع براحه
سما براحه : الحمد الله بطل رن وبمجرد ما قالت الجمله التليفون رن تانى وكان حازم
سما : خدى يا بنتى
خلود : هاتى وربنا يستر واخدت منها التليفون
وردت عليه
حازم ومدهاش فرصه ترد : انتى فين يا جزمه انتى بقالى ساعه برن مصدقتى اخدتى الاجازه ولا عبرتى فى اهلى من الصبح
خلود : احم انا مش حياه يا استاذ حازم
حازم بهيام : الله على استاذ حازم يا ناس
خلود بضيق : ع فكره انا مش فى مود الهزار بتاعك ده
حازم : مالك فيه ايه وفين حياه مردتش هى ليه
خلود : اصل اصل
حازم بعصبيه : اصل ايه متنطقى
خلود ببكاء : اصل احنا فى المستشفى
حازم برعب : مستشفى ليه فى ايه حد حصله حاجه
خلود بتعيط ومش بتنطق
حازم : خلود اهدى واحكيلى انا اعصابى باظت
خلود بعياط : فى حد ضرب على حياه نار واحنا فى المستشفى
حازم : ايه انتى بتقولى ايه انتوا فى انو مستشفى
خلود : فى مستشفى ................
حازم :ماشى انا جاى حالا انتى معاكى مين
خلود : اسراء وسما وورد وفريده
حازم : فريده مين
خلود : ده موضوع كبير هفهمك اما تيجى
حازم : ماشى سلام
خلود : سلام
وراحت للبنات وقعدوا يستنوا حياه اما تنزل العنايه
نروح لمكان تانى
ادهم بصوت مخنوق :ايوه يا بابا
الاب :ايوه يا بنى مالك صوتك عامل كده ليه
ادهم : حياه اتضرب عليها نار وفى المستشفى عندى
الاب بخضه : ايه انت بتقول ايه
ادهم : زى ما سمعت
ويقطع كلامهم دخول الممرضه
بدون ان تطرق على الباب
الممرضه : الحق يا دكتور
ادهم : فى ايه يا ناهد
الممرضه : المريضه الى لسه عامله العمليه قلبها وقف
