سر أمي ( روايات ليبية )

حلقة 2🔥

‎#سر_أمي😢
🔥

‎للكاتبة:-👑So Ab👑

‎حلقة(2)..........

‎اني دخلت لي الدار نبكي لين دموعي جفو من البكي نضت صليت وقعدت نقرا في القرآن وقعدت نايضه نقيم في الليل لين اذن الفجر صليت وطلعت وكانت الدنيا كيف باديه اتشتي يهبل الجوو خديت جاكتي الصوف ودرت مق كاكاو ساخن وطلعت قعمزت في الجنان الدنيا ضاويه شوي قعدت سارحه ونفكر في جوازي يلي بالغصب و#سر_أمي يلي مش مخليني مرتاحه وكل يوم كابوس قعدت نتفرج علي الشمس كيف بدت تشرق الشمس هادي شرقت وعلنت علي يوم جديد يوم بيكون فيه الفرحان والحزين وبيكون فيه المهموم والمرتاح وكل واحد شن كتبله في هدا اليوم  وصوت العصافير يلي خداني لعالم تاني ومق الكاكاو ونفسي يطلع بخار قعدت لين ارتفعت الشمس شويه ودخلت نوتي في الفطور

‎       للكاتبة:-👑So Ab👑

‎علي طاوله الفطور:-

‎بابا:العرس بعد شهر ولاسبوع الجاي الخطوبه
‎اني:.......
‎بابا:نكلم فيك ردي
‎اني:ديرو يلي يريحكم الحمدلله شبعت ونضت
‎حسيت قلبي انقبض لما سمعت العرس بعد شهر😥

‎عادل:اتكلمنا اني ومنير الخطوبة الاسبوع الجاي والعرس بعد شهر

‎احمد:صباح يافتاح تسدو النيه علي الصبح وطلع متنرفز😤😤

‎تسريع الاحداث درنا بيان وكان كبير غير قدام الناس باش ميتكلموش علي بابا وخديت تليفون مكنتش نحلم بيه في البدايه معرفتش نستخدمه لاكن حاولت وعرفت كان حطيت حاجه في راسي خلاص وبديت نمشي المحلات وناخد في بتاتي اخديته اكله من احلا الماركات علي اساس تعويض علي يلي فات ومرت بوي معيا حسيتهم تغيرو معاي مرت بوي وبابا ولا غير يبو يفتكو مني
‎وفاتت الايام وجي اليوم يلي خايفه منه

‎       للكاتبة:-👑So Ab👑

‎يوم العرس:-

‎اني مشيت الكوافير ومشت معاي منار صاحبتي بما ان معنديش خوات هي زي اختي
‎اخترت فيلو منفوخ اكله كرستال وفيه سبعه في الضهر وكتافه طايحات ومعا تسرحه فوق والمكياج مش داكن هلبا

‎منار:سبحان الله في جمالك وجهك ناير لاکن خساره ميستاهلكش احمد💔💔
‎اني:الحمدلله علي كل حال💔

‎وبابا مداير العرس حاجه واو كله علي خاطر الناس مش علي خاطري همه غير الناس ومرت بوي مضهريه

‎جي بابا روح بيا من الكوافير
‎بابا:الف مبروك بنتي واني م نبي غير مصلحتك
‎اني:الله يبارك فيك بس مش هادي مصلحتي يا بابا💔
‎بابا سكت وركب السياره ساعدتني منار وركبت وصلنا الصاله دخلت لي الدار يلي في الصاله جتني مرت بوي

‎وداد:اللف مبروك بنتي
‎اني تجمعو الدموع في عيوني:شن قلتي بنتي صح قلتي بنتي💔😢
‎وداد:غير متبكيش ايي بنيه حتكون محتاجه لي امها في الوقت هدا واني حاسه بيك ايي قلت بنتي
‎اني:ممكن نحضنك
‎وداد مدت ايدها:تعالي
‎اني حضنتها بقوه وحراره كنت محتاجه الكلام هدا حضنتها وشديت علاها وبديت نبكي😢 في الاخير هي يلي ربتني بعد ماما💔
‎وداد:خلاص ساد هي جي عريسك
‎اني ابتسمت:شكرا
‎وداد:متشكرينيش مجربه شعورك لاكن اني في وقتها ملقيتش من يدعمني ومحبيتش اتجربي شعوري💔