سر أمي ( روايات ليبية )

حلقة 3🔥

#سر_أمي😢

حلقة(3).....

للكاتبة:-👑So Ab👑

شويه وجي احمد
اني مشيتله نجري: خيرك من مداير فيك هكي
احلام:ولدي خيرك

شويه وداخ احمد
اني:وووه عليا احمد نوض
احلام:ووووه ولدي نوض نوض شن فيك

اني:رواسي جيبي كحول
رواسي:.......
اني:خيرك واقفه بسرعه
رواسي:اااااا هيا هيا ومشت تجري
مروان:خلي نرفعوه المستشفي
اني:خلي انوضه قبل
جابت رواسي الكحول اني خديت قطنه ودرت فها كحول وحطيتهاله علي خشمه شويه وبدي يفيق
احمد:أاااااه ياراسي
مروان:نرفعوك المستشفي
احمد:لا لا نبي نرتاح
احلام:من يلي دار فيك هكي
احمد:تعاركت اني وخطيب سمر
اني جتني صدمه
احلام:افهم انتا متجوز كيف ادير هكي كيف
احمد:اني نحبها مش ذنبي.... تكلم بعصبيه بعدين توجع
اني وجعني خاطري لاكن قلت معاش في دموع خلاص
اني:هيا احمد انروحو ترتاح
احمد:هيا
وقف مقدرش يمشي
اني:استند عليا
استند عليا ونمشو بشوي بشوي وصلنا الحوش فتحت الباب ودخلته لي الصالون وقعمزته
اني:بنمشي نجيب العده بنضفلك الجرح يلي في راسك
احمد قعد ساكت واتكي علي الصالون وشاد راسه
اني نحيت العبايه والوشاح وقعدت في الفستان والتسريحه وكل شي مشيت جبت العده وقعمزت جنبه واني بما اني قصيرة ركبت علي ركابي  علي الصالون وبديت انضفله في جرح راسه
واحمد يشوفلي و وجهه في رقبتي
احمد سرحت فها وفي ملامحها حسيت بشي غريب وهي قريبه مني

اني نحس في نفسه علي رقبتي بديت نرعش شعور غريب

        للكاتبة:-👑So Ab👑

احمد:اااااه وشد ايدي
اني:احح وجعتك اسفه اصلا كملت
وجيت بنمشي وهو شاد ايدي جبدني جيت مقعمزه علي الصالون
احمد:علاش اديري هكي معاي رغم اني منعاملش فيك كويس
اني تلخبتط:اااا عادي ايي حد في مكانك كنت حنساعده
احمد قرب مني وشاف لي عيوني
احمد:هكي بس
اني:ااااااا ايي ايي هكي بس ونضت نجري دخلت المطبخ ونتنفس بسرعه
احمد ابتسم بعدين تفكر سمر رجع تنرفز
اني شربت كاست اميه ومشيت دوشت والبست فستان قصير اسود صوف فيه رقبه وهو كم وخليت شعري مفتوح بخيت عطر وطلعت القيت احمد يتفرج علي التلفزيون
اني:شن تتفرج
احمد:فيلم
اني:رعب
احمد:فيه شويه
قعمزت جنبه نتفرج قعدت نتفرج شويه جت لقطه البطل بيعترف للبطله بحبه
يهبل كيف يكلم فها بديت نبكي علي الهادي
احمد كنت منسجم في الفلم نسمع فها تبكي بشويه تلفتت وقعدت نشوفلها
احمد:ملاك كويسه
اني:ايي كويسه لاكن يهبل كيف يكلم فها اثر فيا
احمد قرب ومسحلي دموعي
احمد:ولا عمرك حبيتي
اني:ولا عمري مندورش في دوت الاولاد والعلاقات
احمد:انتي بنت صعب يلقها واحد في وقتنا هدا
اني اكتفيت ببتسامه وقعدت نتفرج لين غفيت
احمد نتفرج حسيتها طاحت علي كتفي ضحكت وخليتها

          للكاتبة:-👑So Ab👑

اني راودني نفس الكابوس ماما اكلها دم وتقولي قولي الحقيقة ياملاك اكشفي السر نضت نعيط ونبكي
احمد بخلعه: ملاك اهدي خيرك وشد وجهي بين ايديه اهدي اني معاك
اني:ماما يااحمد ماما
احمد مفهمش قعدت نبكي احمد حضني وقعد يمسح علي شعري
احمد:اهدي اهدي بنمشي نجيبلك كاست اميه
احمد:خودي اشربي
اني خديتها واستريحت شوي
احمد:خيرك
اني:كابوس مدور شي بنمشي نرقد تصبح علي خير
احمد:وانتي من اهل الخير