سر أمي ( روايات ليبية )

حلقة 11🔥

‎#سر_أمي😢

‎حلقة(11)....

‎للكاتبة:-👑So Ab👑

‎اني:انتا خيرك متبيش اتحس بيا خيرك غبي معرفتش طول هلمده هادي اني نحبك ايي نحبك وتقولي طلاق اني كان نقعد ديما في مشاكل معاك ومنطلقوش عادي علي المهم نشوفك كل يوم نسمع صوتك كيف معرفتش انه اني نحبك رغم معاملتك ليا حبيتك يا احمد انحبك

‎احمد:واني نكرهك
‎ومشي دخل لدار

‎اني الدنيا ظلمت قدامي نبي نبكي مقدرتش قعدت مصدومه دخلت لدار وسكرتها بالمفتاح وقعمزت علي السرير مصدومه مش حتي اسكت لا قلي نكرهك

‎احمد دخل لدار سكرها ورقد

‎اما اني قعدت طول الليل نايضه

‎      للكاتبة:-👑So Ab👑

‎الصبح☀:-
‎اني مرقدتش بكل نسمع في احمد نايض يوتي في روحه وبيطلع هدا يلي زاد قهرني كنت عندي امل انه يبادل فيا نفس الشعور لكن دمره بعدها اسمعت صوت الباب اتسكر عرفت انه طلع اني طلعت خديت تليفوني واتصلت برواسي

‎رواسي بصوت ناعس:صباح الخير
‎اني:صباح النور راقده اسفه توا نتصل بيك بعدين
‎رواسي:لالا اصلا بنوض توا خيرك
‎اني:تعاليلي ضروري محتجاتك
‎رواسي قعمزت:خيرك شن في
‎اني نبكي:بلهي عليك تعالي
‎رواسي:تبكي خيرك جاياتك جاياتك

‎رواسي ناضت تجري غسلت وجهها ولبست عبايتها وبتطلع

‎احلام:وين علي الصبح
‎رواسي:بنمشي لملاك اتصلت بيا
‎احلام:خيرها
‎رواسي:لالا شي احمد طلع بكري وقتلي تعالي افطري معاي
‎احلام:باهي بري

‎رواسي جت تجري طق طق طق

‎اني:رواسي وحظنتها
‎رواسي:خيرك صوتك تبكي في التليفون شن في
‎اني:ادخلي قبل
‎دخلت رواسي واحكيتلها واني نبكي💔
‎رواسي:هدا احمد والله مايتحشم علي روحه هو ميستاهلكش

‎رواسي في سرها:قاعد اتكابر يا احمد توا نوريك

‎رواسي:مدام اعترفتيله زي مانبي توا الاعتراف فشل عندي حل تاني
‎اني:معاش فيا جهد يا رواسي معاش نبي حلول خلاص
‎رواسي:غير جربي
‎اني:لا يارواسي
‎رواسي:بنمشي شويه للحوش ونجي
‎اني:تمام بنخليلك الباب مفتوح

‎احمد:قتلي نحبك اااااه😍😍
‎مهند:وانتا شن قتلها
‎احمد:قتلها ببصاره نكرهك😂
‎مهند:مرات صدقاتك
‎احمد:نبها تصدق عندي خطه بنعترفلها

‎        للكاتبة:-👑So Ab👑

‎مشت رواسي للحوش واني دخلت للمطبخ قعمزت علي الطاوله واني مخنوقه والدنيا مسكره قدامى الانسان الوحيد يلي حبيته اول حب يدخل قلبي اول مره انجربه الشعور وفي الاخير يقولي نكرهك ياربي اني شن درت حاجه في حياتي اتخليني منفرحش بكل اتلفتت شفت موس علي الرخامه مشيت قربت شديته وحطيته علي شريان ايدي وغمضت عيوني وفي لحظه قطعت شرايين ايدي وطحت والدنيا بدت دميات واني بعدها معش ندري علي روحي