سر أمي ( روايات ليبية )

حلقة 15🔥 النهاية 🔥

‎‏‎#سر_أمي😢

‎   حلقة(15)......  والاخيرة😢😢 

          
‎               للكاتبة👑So Ab👑 

‎اني بنرد علي احمد شفت قدامي وفنصت عيوني واللي في المطعم خايفين ويتعايطو احمد تلفت وراه شاف  صالح مصوب السلاح جيهتي  
‎احمد:ياكلب طلعت شن مزال تبي
‎صالح:نبي ناخد حقي من ملاك لأنها حبستني
‎اني:هدا جزاتك يا كلب
‎احمد:جرب تنفخ علاها حتي نفخ بفمك تشوف شي مايعجبك ننفيك من علي وجه الدنيا احمد مشي جيهت صالح 
‎اني وقفت: احمد ابعد احمد ارجع 
‎صالح:اني مش جاي علي خاطرك جاي باش نقتل ملاك احمد:ههههه شن قلت لازم تتقتلني اني قبل لا تقتلها علي جتي تمسها  صالح واقف واحمد يقرب منه واني واقفه ورا احمد صالح دف احمد طاح وضربني بسلاح اني قعدت واقفه نشوف لصالح ونشف في احمد كيف يعيط ومنسمعش في صوته حطيت ايدي علي رقبتي سلسله انقطعت شديتها بأيدي يلي كلها دم الدنيا بدت تتشوش قدامي وطحت  احمد يعيط بكل جهده وبدي زي المجنون:ملاااااااااك ملاااااااااك  صالح طلع يجري وكيف بيقص الكياس ضرباته شاحنه نطراته الفوق ومات  احمد قعمز علي ركابه وحظني ليه ويبكي:ملاااك متخلينيش ملاااك والله نقتل روحي ونلحقك  اني نفتح في عيوني ونسكر وكلني دم حطيت ايدي علي وجه احمد ونتكلم بصوت يادوب ينسمع:احححمدد
‎احمد يبكي:عيونه
‎اني:نحبببكككك 💔
‎احمد يبكي:والله حتي انا نمووت فيك غير متعبيش روحك انتي بس 
‎اني معش رديت عليه  احمد بدي يعيط وجهه احمر ومن العياط عروقه برزو:بلهي عليك ملاااااااك يا ملااااااك  💔
‎بعدها جت الشرطة واحمد خداني في حظنه وحطني في السيارة وطلع زي المجنون 
‎احمديبكي:تحملي يا ملاك بلهي عليك انتي قويه ملااااك 
‎اني تكلمت بصوت هاادي:احمد السلسله يلي..جبتهالي انقطعت..... هااك خليهاا عندك... ومديتهاله وهيا اكلها دم  احمد خدها مني
‎احمد:رح ترجعي تلبسها ياملاك غير معاش تتكلمي بس  اني بديت نشهق  
‎احمد بعياط:ملااااك متخلينيش ملاااك معاش تتكلمي  اني نتكلم ونشهق:احمد ايمن دير... بالك عليه... دير بالك علي مووني‎

‎احمد يبكي ويخبط في الدومان:معاش تقولي هكي اني وياك رح نديرو بالنا عليه
‎اني نطقت الشهادة و بديت نشهق اكتر واكتر

‎        للكاتبة:-👑So Ab👑

‎احمد حسيتها بضيع من بين ايديا الفكره مش مستوعبها نحس في الطريق للمستشفى تبعد

‎احمد:ووصلنا ياروحي وصلنا تحملي بلهي عليك

‎اني.......

‎احمد داخل يعيط:دكتوووووور بالهي عليكم تعالولي عمري وروحي ونفسي بيضيع مني ياناااااس

‎جو الدكاتره يجارو خدوني منه احمد معاش قدر يمشي طاح علي ركابه واتكي علي الحيط ويشوف لي أيديه يلي فيهم دمي وحوايجه يلي كلهم دم احمد حط ايديه علي وجهه وبدي يبكي جي فيصل ينوض فيه