سر أمي ( روايات ليبية )

حلقة 8🔥

‎#سر_أمي😢

‎حلقه(8).....

‎للكاتبة:-👑So Ab👑

‎الصبح☀:-

‎نضت فطرت قعدت نستني في احمد ينوض ناض فطر واني البست وبنمشو للمكان وبنراقبو الخدامه
‎احمد:واتيه
‎اني بخوف:هيا
‎احمد:متخافيش واني معاك
‎اني:هيا
‎ومشينا اني وصفتله الطريق وقفنا بعيد عن الڤيلا شوي
‎اني:مرات متطلعش اليوم
‎احمد:احني نحاولو
‎قعدنا نستنو فاتت ساعه مطلعتش
‎اني بعياط:اهيه اهيه
‎احمد:غير بشويه بتفضحينا
‎اني:مش بأيدي انفعلت الله رغم ان كنت صغيره لاكن نتفكر في شكلها ورغم انها كبرت وجهها تجاعيد عرفتها
‎احمد:الحاجه يلي تقعد في الراس صعب تنتسي
‎هي طلعت من الڤيلا قعدنا نمشو ورها شوي شوي بسياره حسيت روحي في مسلسل تركي😂 😂

‎         للكاتبة:-👑So Ab👑

‎تبعنها مشت لي المول نزلنا وراها هي كأنها حست بحد يتبع فعا بدت تسرع وتشوف وراها
‎اني:بلهي عليك استني شوي
‎احمد:معليشي شويه من بعد اذنك
‎فاطمة:من انتم وشن تبو مني
‎اني:معرفتينيش عندك حق كبرت وتغيرت وانتي سبحان الله قعده نتفكر فيك
‎فاطمة:منعرفكش مني
‎اني:اني ملاك يا فاطمة بنت منير
‎فاطمة اتلخبتط:اني منعرفش ملاك بنت منير منعرفكش وبدت تشوف ايمين وايسار
‎اني:معقوله معرفتينيش ولا خايفه من هكا الكلب اني ملاك بنت منير وبنت حياة يلي قتلها الكلب يلي تخدمي عنده
‎فاطمة:شن تبي مني ياملاك خليني نبي نعيش وانتي عارفه  كان شافنا مع بعض لما يقتلنا بلهي عليك بري وعيشي حياتك
‎اني:بنطلب منك طلب واحد بس اني بنشتكي عليه الكلب صالح ونبيك تشهدي معاي اني مش حياخدو علي كلامي كنت صغيره لاكن انتي لا بلهي انتي املي الوحيد
‎فاطمة:سامحيني منقدرش اسفه ياملاك منقدرش نساعدك ومشت
‎اني بديت نبكي:بلهي عليك متخلينيش تعالي بلهي عليك وطحت علي ركابي نبكي😢💔
‎احمد:ملاك خلاص نوضي واني نوعدك رح نقنعوها غير اهدي بس
‎اني نبكي:الامل الوحيد يلي كان عندي تبخر علاش💔💔
‎احمد:هيا نروحو ارتاحي
‎اني اركبت السياره مكسوره💔 كان عندي امل انها تساعدني واني طول الطريق نبكي💔 وصلنا الحوش
‎احمد:ساد يا ملاك من البكي
‎اني مرديتش عليه دخلت لي الدار طلعت شنطه حطيت فها حوايجي وحاجاتي وطلعت
‎اني:نبيك ترفعني لحوشنا
‎احمد بخلعه:بسهوله هادي استسلمتي مش اني وعدتك ان نكون معاك وبعد نكشفو الحقيقة نفكرو في موضوع الطلاق احمد شد ايديا نوعدك يا ملاك نساعدك غير اقعدي

‎اني:مستسلمتش نبي نرتاح ونبي نركز في امتحاناتي اني شهاده لازم نشد والثانوية قريبه علي حوشنا اسهل يعني وبعد الامتحانات نرجع
‎احمد:خلاص يلي يريحك
‎اني:هيا باهي
‎مشينا وصلنا بوابت حوشنا
‎اني:بتنزل معاي
‎احمد:لا ديري بالك علي روحك وكل فتره كلميني بنستاحشك
‎اني:وحتي اني
‎احمد:وحتي انتي شني
‎اني ضحكت:بنستاحشك يلا باي نتلاقو
‎نزلت وخديت شنطي درت لي احمد باي بأيدي ودخلت احمد حط راسه علي الدومان شويه ولع السيارة وطلع