أسيره أحزاني (مكتملة)

(( ١ ))

في احد المناطق الراقيه يعيش ثلاث أفراد في منزل راقي تعيش فيروز مع والدتها ووالدها.....
فيروز بنت جميله جدا ذات البشره البيضاء والشعر الأسود الداكن صاحبه الوجه البرئ وعيون فيروزيه والدتها سحر ست طيبه جدا وتحب ابنتها ووالدها محمد قاسي القلب لا يحب ابنته لانه كان يريد ولد يحمل اسمه لا فتاه.....

فيروز دخلت البيت فرحانه جدا بظهور نتيجه الثانويه. ماما ياا ماما باركيلي اناا نجحت واقبلت عليها سحر. عملتي ايه يا بنتي اي الأخبار
فيروز. جبت مجموع كويس اوي يا ماما الحمد لله
سحر بفرح. يا حبيبتي الف مليووون مبروك
فيروز. الله يبارك فيكي.. الحمد لله يا ماما انا مش مصدقه.
طلع والدها محمد بعصبيه. اي الدوشه اللي انتو عاملينها ده
فيروز وقفت ورا امها. بنتك نجحت في الثانويه وجابت مجموع كويس
محمد بلا مبالاه. نجحت زي كل سنه مش محتاجه دوشه كده قالها وهو يتجه للثلاجه
سحر كانت هتتكلم قاطعتها فيروز. خلاص يا ماما والنبي مش عايزه مشاكل انت عارفه بابا
سحر مسحت بايدها على شعر فيروز. خلاص يا حببتي تعالي نطلع فوق الكل كان بيتصل يسأل عليكي وطلعو فوق وقفلو الباب.
فيروز بنبره حزن. هو ليه بابا بيتعامل معايا كده عمري ما حسيت اني بنته فعلا ليه يا ماما
سحر حضنت بنتها دموعها على خدها. ربنا يهديه يا بنتي... وخلاص بقاا مش تشغلي بالك بحاجه النهارده
فيروز. مش عارفه يا ماما من غيرك كنت هعمل ايه ربنا يخليكي ليا
سحر. ويخليكي ليا يا روح ماما هروح اعملك حاجه تاكليها
فيروز. طيب وانا هغير هدومي ونزلت سحر لتحت وقعدت فيروز على السرير ماسكه صندوقها المفضل وفتحته......
عند سحر. ايه يا محمد انت مش هتتغير بقاا
محمد بغضب. بقولك ايه انا راسي مصدعه واخفي من وشي النهارده
سحر. بكره تندم على اللي بتعمله ده
محمد رفع ايده على سحر. اخرسي خالص مش عايزه اسمع صوتك انت السبب في كل ده
سحر بصوت عالي. حرام عليك يا شيخ منك لله ومحمد سابها وخرج بره وفيروز سمعت كلامهم وكانت بتعيط وجريت على اوضتها وقفلت الباب وارتمت على السرير وفضلت تعيط وفجأه رن فونها مسكته وكانت صديقتها نور ومش ردت... رنت مره واتنين وفي الاخر ردت. فيروز مبترديش ليه قلقتيني
فيروز. مفيش حاجه يا نور
نور. صوتك ماله انت كويسه
فيروز. مفيش جديد نفس المشاكل انا تعبت والله يا نور
نور بحزن على صديقتها. طب تعرفي تقابليني
فيروز. لا مش هعرف والله الأمور مش تمام
نور. اه لو اعرف اجيلك بس ابوكي...
فيروز. خلاص ولا يهمك عادي
نور. طيب يا حببتي خدي شاور يهدي أعصابك ونامي
فيروز. حاضر سلام... قفلت معاها ودخلت تنام لتهرب من واقعها المؤلم....
بعد أيام.....
سحر. فيروز يا بنتي
فيروز. نعم يا ماما
سحر. انا هروح لجارتنا لأنها تعبانه مش هتاخر
فيروز . ماشي يا ماما هو بابا تحت
سحر . اه يا بنتي انا مش هتاخر وانت افضلي في اوضتك
فيروز. حاضر يا ماما
سحر. في رعايه الله وخرجت سحر من البيت وفيروز قعدت في اوضتها ماسكه الصندوق وبتسمع ميوزيك وقطع تركيزها صوت محمد والدها. سحر يااا سحر انت يا ست هانم
فيروز انخضت من الصوت ونزلت بسرعه. نعم يا بابا ماما خرجت من شويه
محمد. تعالي رتبي الصاله ده
فيروز بصدمه. ايه ده يا بابا كحوول
محمد بصوت عالي. تعالي رتبي المكان من غير ما اسمع صوت انت فااهمه
فيروز بخوف. حاضر يا بابا وتقدمت تجاهه وبدأت في ازاله زجاجات الكحول وغيرها وسقطت زجاجه منها وتكسرت علي الارض
محمد. انا مش قلت مش عايز اسمع صوت ومسك شعرها وفضل يضرب فيها
فيروز. ااااه يا بابا شعري انا مكنتش اقصد ااااه
محمد. اخرسي كان يوم اسود يوم ما جيتي على الدنيا وفضل الحال ده لعند ما سحر دخلت عليهم وتتدخلت بينهم لعند ما أنقذت فيروز من شر والدها وطلعو فوق الاوضه
فيروز. انا تعبت يا ماما هو ليه بابا بيعاملني كده هو انا مش بنته انا تعبت تعبت والله العظيم تعبت وقعدت على الأرض وفضلت تعيط سحر نزلت لمستواها ومسحت على شعرها. معلش يا بنتي هو كان تحت تأثير الكحول
فيروز. حتى لو طبيعي يا ماما بيفضل يضرب فيا كأنه بيقول مش هسيبك الا لم اموتك
سحر ملقتش كلام تقوله فضلت تهدي فيها لعند ما نامت.....
----------------------------------------------------------
تاني يوم دخلت سحر تصحى فيروز وكانت تهزها بخفه. فيروز حببتي قومي
فيروز وهي تتململ في الفراش. دقيقه واحده ي ماما
سحر. كفايه نوم لعند كدا يلا قومي
فيروز. حااضر قومت اهوو صبااح الخير بقاا
سحر بضحك. ههههه قصدك مساء الخير احنا بقينا الضهر
فيروز. يااااه نمت ده كله
سحر. يلا يلا قومي علشان تاكلي حاجه
فيروز قبلت وجنتا امها. حاضر هاخد شاور سريع وهنزل
سحر خرجت وهي تقول. طيب انا مستنياكي
دخلت فيروز الحمام وبعد نصف ساعه خرجت ووقفت أمام الدولاب تختار ملابسها ولبست بيجامه مريحه
نزلت تحت وتوجهت للسفره وسحبت كرسي وجلست بدون كلام وانهت طعامها الذي كان مع والدها ووالدتها في صمت وساعدت والدتها في جمع الأطباق وعند صدور اي صوت كان محمد يصيح في وجهم بأعلي صوت وفيروز سئمت من هذه الحياه لا تشعر بالأمان مع والدها ودائما تستمد القوه من والدتها التي دائما تقف بوجه محمد وتتلقي كل الضرب والاهانه وكانت حياتهم مليئه بالضجر والاهانه والملل ومرت الشهور والايام واقترب موعد الجامعه وفيروز لا تدري اذا كانت ستكمل رحله تعليمها ام لا؟ لا تعلم اذا كانت تقدر على العيش بهذا البيت ام لا؟ لا تعلم اذا كان والدها سيتغير يوما ما ام لا؟ كانت دائما ملازمه غرفتها لا تنتقل لمكان غير نزولها لتناول طعامها كانت تحاول الا تظهر أمام والدها لكي لا يغضب عليها كعادته بدون مبرر او سبب معين وقليل ما كانت تهاتف صديقتها نور......

قبل بدايه الجامعه بأيام قليله كانت فيروز جالسه على سريرها تستمع لميوزيك هادي ومعها صندوقها وفجأه دخل محمد بدون طرق الباب. فيروز قومي اجهزي بسرعه في ضيوف تحت قالها بنبره حاده
فيروز بخوف. مين ي بابا تحت
محمد. تسمعي الكلام ومش اسمع صوتك يلا البسي وانزلي تحت بسرعه
فيروز. حاضر ي بابا ثواني وجايه وراك
خرج محمد تارك فيروز بصدمتها وخوفها ومئات الاسئله تدور بعقلها وبعد دقائق ليست بقليله لبست فستان اسود
ونزلت بخطوات هادئه متوتره لا تعلم ما الذي ينتظرها بالأسفل؟!
-----------------------------------------------------------
ماا الذي ينتظرها بالأسفل؟!
ما سر هذا الصندوق؟!
هل ستتغير حياه فيروز ام ستظل هكذا وماذا سيحدث معها؟!

دي اول روايه ليا اتمنى تعجبكوا!!
كومنت وڨوف.... اكمل ولا لء؟!!