أسيره أحزاني (مكتملة)

(( ٧ ))

 
نرجع بقاا تاني لنسمه وفيروز طبعا طلعوا من الصبح يشتروا هدوم لرحلتهم واشتروا حاجات كتيير من هدوم وصنادل وكريمات عشان الشمس وميك اب ليهم وكل اللي محتاجينه وعدي الاسبوع في لمح البصر واقترب اليوم المنتظر ونسمه وفيروز الفرحه لا تسعهم ومياده كلمت والد نسمه وقرر ينزل وهيقعد مع مياده لكنه هينزل بعد ما نسمه تمشي بيومين ونسمه وفيروز جهزوا الشنط وكل حاجه ومستنيين الباص يعدي عليهم والساعه كانت ٥:٣٠ فجرا وفيروز كانت بتجهز نفسها بتفتح درج الكومود اتفاجأت. ايه ده وازاااي وطلعت لاوضه نسمه ودخلت من غير ما تخبط لقيت نسمه لسه طالعه من الحمام وملفوفه بالفوطه. ايه يابنتي حد يدخل بالطريقه ده وراحت عند الدولاب وكملت بدون النظر إليها. انت لسه ملبستيش ليه يالا مفيش وقت
فيروز. ايه دا يا نسمه
نسمه بصتلها ورجعت نظرها للدولاب وقالت بعدم اهتمام. ايه ده
فيروز. نسمه دا الظرف اللي سبته وقت ما مشيت
نسمه بلامبالاه. اه دا بتاعك صح
فيروز. نسماااه مينفعش كدا
نسمه تقدمت منها وربعت يديها على صدرها. ايه اللي مش ينفع…. ده بيتك يا هبله وده فلوسك انا قطعت يمين اني مش هاجي ناحيه الفلوس ده
فيروز. بس ....قاطعتها نسمه. وانتي دلوقتى لو مش رحتي لبستي….
فيروز رفعت حاجبها. هتعملي ايه
نسمه رفعت كتفيها. هنتاخر وصاحت بصوت عالي نسبيا. وانا النهارده بالذات مش عايزه اتأخر ف بليييز روحي البسي
فيروز. انا مش عارفه…. هو انت ملاك ولا انسانه زيي
نسمه. لا لا مش هعور نفسي بدبوس وانزل دم عشان اثبتلك اني بني ادمه
فيروز. هههههههه ربنا يخليكي ليا
نسمه. ويخليكي ليا يقلبي وطلعتها من الاوضه. روحي البسي اجري
فيروز. حاااضر…..
فيروز  لبست جيب باللون الرمادي يصل لركبتيها وبلوزه اوف وايت باكمام وادخلته بالجيب وحذاء بكعب عالي باللون البيج
ونسمه لبست سلوبت جينز اسفله بلوزه باللون الأسود بنص كم وارتدت حذاء بكعب باللون الرمادي