أسيره أحزاني (مكتملة)

(( ٤ ))

تاني يوم الصبح قامت فيروز من نومها بنشاط ودخلت حمام الاوضه وخدت شاور سريع ولبست جيبه بيضاء وقميص جينز
وصففت شعرها ونزلت متجهه للمطبخ......
واقفه فيروز في المطبخ بتجهز فطور خفيف لوقت نزول نسمه وجهزت الأطباق على السفره وتنهدت. كده كل حاجه جهزت مش فاضل غير نسمه تنزل والتفتت لتتجه لاوضه نسمه تصحيها. بسم الله خضيتيني
نسمه بضحك. اسفه بس شكلك كان حلو وانتي بتطبخي
فيروز. ههههه بس من امتي وانتي واقفه هنا
نسمه وهي تتجه للسفره. من شويه....  الله الفطور باينله حلو
فيروز سحبت كرسي وقعدت. بالف هنا يا قلبي
وبعد ما خلصوا فطورهم خرجوا للجامعه سوا وعند وصولهم افترقوا ليحضر كل منهم محاضرته 
دخلت فيروز محاضرتها وقعدت الدقايق اللي قبل بدايه محاضرتها منتظره الدكتور وفجأه ايجي صوت. فيروز صبااح الخير
فيروز انتبهت للصوت. صباح النور ازيك يا سمر
سمر وقعدت جنبها. الله يسلمك يا فوفه وانتي عامله اي
فيروز. الحمد لله تمام وهنا دخل الدكتور…..
بعد انتهاء المحاضره الأولى والكل خرج للاستراحه فيروز حست بحاجه غريبه وفجأه كلمت سمر بتردد. هو احنا ممكن نشرب حاجه سوا
سمر بابتسامه. اوك معنديش مانع وتحركوا لكافيه الجامعه وقعدوا على طاوله وفيروز طلبت عصير مانجه وسحر قهوه
سمر وهي ترتشف من القهوه . احكيلي شويه عن نفسك
فيروز. امممم انا هنا لوحدي عايشه مع نسمه اللي قابلتيها معايا امبارح وانا بحبها اكتر من اختي وبس كده
سمر. وأهلك؟!
فيروز بأن الحزن على وشها. مليش حد هنا
سمر مسكت ايدها. انا اسفه اني زعلتك واستطردت بلهجه حانيه. احنا هنا جنبك واعتبريني زي اختك
فيروز بابتسامه. ربنا يخليكي
************************************************
بعد مرور شهر
نسمه اتجهت لاوضه فيروز تصحيها. انا مش عارفه طريقه نومك الغريبه ده
كانت نايمه شعرها مفرود جنبها بطريقه عشوائيه ورافعه رجل والتانيه عليها وفارده ايديها وقعدت نسمه جنبها وازاحت خصل بسيطه بعيد عن وشها. فووووفه قوومي يلا….اصحي
فيروز بصوت ناعس. امممم النهارده اجازه سيبيني شويه
نسمه. قومي يا فيروز الفطار جاهز وبدنا نخرج سوا
فيروز. لسه النهار طويل امشي بقاا
نسمه بتهزها بشده. قومي يا كسلانه والا مفيش خروج من البيت
فيروز قد اعتدلت. يوووه قمت يا ازعاج هانم ايه مبتفصليش
نسمه وهي خارجه وبتضحك. قومي خدي شاور وحصليني على الفطار
فيروز بحده. حاضر حاضر
دخلت تاخد شاور وبعد دقائق خرجت وقفت قدام الدولاب وطلعت بيجامه بيتي مريحه مكونه من بنطال وردي لعند الركبه وبلوزه بيضاء بورد وردي بنص كم لمنتصف فخذها ورفعت شعرها كعكه مع تناثر خصلات على وشها.
فيروز بصوت عالي. ياا صباح الجمال اي الحلاوه ده
نسمه. يالا سمي الله وبالف هنا
فيروز سحبت كرسي وقعدت. هاا يا ستي هتاخديني فين النهارده
نسمه وفمها مملوء بالطعام. مش عارفه لسه بس في أماكن حلوه مش رحتيها هاخدك هناك
فيروز. يا سلام طب يلا افطري بسرعه
نسمه تلوي فمها. مكنتيش عايزه تصحى من شويه
فيروز. هههههه خلاص متزعليش
نسمه. مش زعلانه اصلا لو مش قمتي مكناش هنخرج
فيروز.واديني قمت يا ستي
************************************************
الساعه ٣ مساءً خرجت فيروز من الحمام تلف المنشفه حولها ووقفت قدام الدولاب محتاره تلبس ايه وبعد مده قليله اختارت بنطلون اسود وبلوزه بيضا عليها كلام بالاسود
خلصت فيروز لبس وخرجت متجهه لاوضه نسمه وخبطت. خلصتي ي نونه ولا لسه
نسمه. اه خلصت اهو وفتحت الباب وكانت لابسه بلوزه سماوي وبنطلون اسود