عند نسمه ووالدتها
نسمه. يا ماما الموضوع مش كده خالص
مياده بضيق. امال ازاي يا ست نسمه
نسمه. يووه يا ماما خلاص هنتكلم بعدين تعالي نتعشا
مياده. والله آخره اللي بتعمليه ده هينزل فوق راسك
نسمه. ماما انا مش بعمل حاجه غلط وكفايه بقاا لحد كده
مياده بتأفف. قومي قومي انا زهقت من الكلام معاكي
نسمه. هروح انادي على فيروز تتعشا ومشيت من قدام مياده وثواني ووقفت قدام باب اوضه فيروز وخبطت خبطتين وبصوت مسموع. فووفه يالا تعالي علشان تتعشى
فيروز وهي على السرير. مش جعانه يا نسمه انا تعبانه ومحتاجه انام
نسمه. هتنامي من غير عشا يا فيروز ميصحش كده
فيروز. والله شبعانه وعايزه انام
نسمه بقله حيله. طيب تصبحي على خير حبيبتي
فيروز. وانتي من اهل الخير يقلبي
بعد شويه نزلت نسمه وقعدت على السفره. هتنام مش جعانه
مياده وهي بدأت بالأكل. هي مين ده
نسمه. فيروز يا ماما
مياده وهي تنظر للطبق. امممم بس انا مسالتكيش
نسمه تاففت وبدأت تلعب بالمعلقه في الطبق ومياده تاكل قاطعت شرودها. مبتاكليش ليه يابنتي
نسمه. مليش نفس انا رايحه انام وقامت راحت اوضتها……
بعد يومين
في الصباح فيروز خارجه من اوضتها قابلت نسمه. صباح الورد يا فوفه
فيروز بابتسامه لم تصل لعينيها. صباح النور يا نسمه
نسمه. عامله اي النهارده
فيروز. بخير الحمد لله
نسمه. الحمد لله يلا ننزل نفطر علشان اتاخرنا
فيروز. يلا…..
على السفره مجتمعين فيروز ونسمه ووالدتها
مياده. صباح الورد يا نسوومه
نسمه. صباح النور يا ماما ونظرت لها نظره بمعنى (قولي لفيروز هي كمان)
مياده على مضض وهي تنظر لفيروز. صباح الخير
فيروز. صباح النور…… وشرعوا في الطعام بعد ربع ساعه نهضا البنات لوجهتهم بعد تقبيل مياده لابنتها وخرجوا من المنزل واستقلوا سياره الاجره وفيروز شارده في عالمها الخاص تنظر للطرقات من النافذه وما هي إلا دقائق ووصلوا جامعتهم وكل منهم دخلا قاعه المحاضره الخاصه بها……..
بعد ساعه ونصف اجتمعت فيروز مع سمر ويوسف في كافيه الجامعه
سمر. مالك يا فوفه شكلك متغير ليه من ساعه ماجيتي
يوسف. اه يا فيروز مالك ايه اللي مزعلك
فيروز واضعه يدها على الطاوله وتتشابك اصابعها. مفيش حاجه متقلقوش عليا انا كويسه
سمر مسكت ايدها. لو محتاجه اي مساعده احنا جنبك ولا ايه يا يوسف
يوسف. طبعا يا سمر
سمر. تشربي ايه طيب
فيروز تتصنع التفكير. امممم عصير مانجه
يوسف بطريقه مسرحيه. احلى عصير مانجه لاحلى فوفه
فيروز. ههههههه
سمر. ايه ده بقاا هو انا غير مرئيه ولا ايه يا أخ
يوسف. اخ !! مين بيتكلم
فيروز بضحكه . لا متركزش دا تلوث سمعي
سمر بزعل مصطنع. انت كمان يا فيروز ووضعت يدها على قلبها بطريقه مسرحيه. قلبي.. قلبي تحطم وضحكوا التلاته بدون توقف ونهض يوسف وقال وسط ضحكته. هروح اجيب حاجه نشربها
سمر. سكتك خضرا يا اخينا
يوسف ضرب راسها بخفه. اخرسي يا ام لسان ومشي…
بعد دقائق جاء يوسف ومعه نسمه وجلسوا يتمازحون ويتحدثون في أمور عده……
***********************************************
في المساء
نسمه. ماما هنفضل كده لحد امتاا يعني
مياده. لعند ما نحل المشكله اللي ورطتي نفسك فيها
نسمه. ومين قالك انها مشكله بلييز يا ماما قفلي على الموضوع ده
مياده بصوت عالي. انت مش فاهمه حاجه اصلا خليكي قاعده وانا هتصرف
نسمه. ماما لو سمحت خليكي بعيد الموضوع ده انا ماشيه
مياده. دا اللي نتي شاطره فيه مبكملش كلمتين معاكي وتقولي ماشيه وسبتها نسمه ودخلت اوضتها….
تاني يوم صحيت نسمه دخلت الحمام خدت شاور ولبست هدومها المكونه من بنطلون جينز ازرق وبلوزه بيضا دانتيل وفوقه جاكت باللون الأصفر وصندل اصفر بكعب عالي وصففت شعرها جعلته مموج وميك اب خفيف وهادي وخرجت قاصده اوضه فيروز وخبطت مفيش رد. البت ده لسه نايمه ولا اي وخبطت تاني مفيش رد فتحت الباب ودخلت بتنادي عليها ودخلت الحمام مش موجوده وخرجت لكنها وقفت عند الباب وافتكرت حاجه والتفتت رجعت تاني وفتحت الدولاب ملقتش هدومها وسعت عيناها بصدمه ها هي تركتها وذهبت وجلست مكانها على الأرض ودموعها تاخذ مجراها على خدها وفضلت على الحال ده لوقت لا تعلم كم هو!؟ كم مضى وهي جالسه مكانها؟! ونهضت وشرعت بالخروج لكن جذب انتباهها ورقه مطويه على الكومود بجانبها ظرف اخذتها وقرات محتواها ودموع عينيها كالشلال:
أنت تقرأ
أسيره أحزاني (مكتملة)
Romance"أيهاا القارئ إذا وقعت عيناگ على كلماتي هذه ف أتمنى ألا تكن حياتك مثلي واذا كنت شخصا لم تنل من الدنيا حظا جيدا فلا تقرأ المتبقي فإنها مجرد مقدمه وأنا قلقه بشأنگ " حسنا أنا فتاه لم تكن محظوظه ابدا ف والدها ربما لم تحبني الحياه عندما أنجبتني امي لكن ل...
