أسيره أحزاني (مكتملة)

(( ٢ ))

ونزلت بخطوات هادئه متوتره لا تعلم ما الذي ينتظرها بالأسفل والقت التحيه وسلمت على الضيوف وجلست بجانب والدتها وشرعو بالحديث تحدث رجل كبير السن. طبعا يا محمد انت عارف احنا جايين نطلب ايد بنتك لابني
وقعت هذه الكلمات كالصاعقه على فيروز ووالدتها ونظروا لبعض نظره تملؤها الخوف
الأب. ده شرف ليا ان بنتنا تتجوز ابنكو
الرجل وجه نظره لفيروز. انت اي رايك ي عروسه
الأب متدخلا بسرعه. العروسه موافقه طبعا وهنا وقفت سحر بعصبيه وبصوت عالي. جواز اي اللي جايين تتكلموا عليه معندناش بنات للجواز ي استاذ
الجميع وقفو وفي حاله اندهاش. اي الكلام ده ي سحر انا ابو البنت وانا اللي اقرر
سحر. وانا امها ومش هسمح للجوازه ده يتم البنت لسه صغيره
الرجل. متخافيش على بنتك ي سحر هانم هي زي بنتي بالظبط
سحر. بلا بنتك بلا بتاع قلتلك معندناش بنات للجواز
محمد بغضب شديد وكور قبضه يده. سحر اعقلي كده وخلي الليله تعدي ع خير الناس محترمه وغنيه وهتعيش بنتك مبسوطه
سحر. انت بتجوزها ولا بتبيعها مفيش جواز وانت لسه قايل بنتك وانا مش موافقه على الجوازه ده
الرجل. يلا يا ابني من هنا احنا ميشرفناش اصلا نرتبط بناس زي ده
محمد. استنى بس كده واستهدي بالله الجوازه ده هتم ودلوقتي وممكن تجيب الماذون حالا
سحر. اي الجنان ده مش هيحصل لو ع جثتي
محمد وقد فاض به وصفعها مما جعلها تسقط على الأرض وفيروز جريت على امها. ماما ماما انت كويسه وساعدت امها في النهوض..... محمد. كلمه كمان وهتكوني في قبرك انت و بنتك....
وماهي الا دقائق ووصل الماذون كما امر محمد وفيروز قدماها لم تعد تستطيع حملها والدموع منهمره من عيناها كالشلال اخر شي كانت تتوقعه ان يزوجها والدها بالاجبار وجلست بجانب الشاب الذي ستتزوجه ووالدتها تشعر انها مكتفه الأيدي لا تعلم ماذا تفعل لتوقف هذه الفوضى وأخذت الدموع مجراها  وتدعي ربها ان لا يتم هذا الزواج وفجأه اغمى عليها والجميع انتفض وجريت إليها فيروز. ماما ماما فوقي يا ماما وكانت تشهق بشده واخذوها للمستشفي وبعد دقائق عندما اطمئنوا عليها ذهب الرجل وابنه وظل محمد وفيروز
محمد. انت السبب في ده كله
فيروز لم تنتطق بحرف لأنها تعلم اذا جادلته سينتهي بضربها واهانتها ودخلت فيروز لوالدتها وذهب محمد ليدفع الحساب
جريت فيروز تحضن امها. كده خضيتيني عليكي يا ماما انت كويسه
سحر وهي تمسح على شعر ابنتها. متخافيش عليا انا كويسه اووي بس يا بنتي لازم.......
ودقائق ودخل عليهم محمد. الدكتور قال تقدري تخرجي بالليل
سحر. ماشي ووجهت نظرها لبنتها. فيروز روحي جبيلي عصير يا بنتي
فيروز. حاضر يا ماما وخرجت فيروز......
جاء الليل وحان موعد خروج سحر من المستشفى
محمد. هي بنتك راحت فين مرجعتش ليه لعند دلوقتى
سحر. مش عارفه ي محمد يا ترى رجعت البيت
محمد بغضب. لم نرجعلها بس هوريها وخرجوا من المستشفى ووصلو البيت محمد بصوت عالي. فيرووووز انت يا بنت
ومفيش رد وفضل يدور عليها في البيت كله ومش لقيها وكان هيتجنن. راحت فين البت ده
سحر بقلق. يارب احفظها ووقف في طريقها وولاد الحلال
محمد بعصبيه. اهي حصلت وجبتلنا العار بنتك هربت والله اعلم هربت مع مين ولا ليه
سحر. متقلش على بنتي كده انت عمرك ما حبيتها اصلا وبكره تعرف قيمتها ربنا يحفظك ي ضنايا
-----------------------------------------------------------
في مكان تاني على طريق القاهره فيروز قاعده في الباص جنب الشباك شارده غير منتبهه للفتاه التي بجانبها وهي تحادثها
الفتاه هزت فيروز بخفه لتنتبهه. انت كويسه يا انسه
فيروز مسحت دمعتها باناملها . اه كويسه متشكره على سؤالك
الفتاه. الحمد لله قلقت عليكي والله من اول ما قعدت جنبك وانت سرحانه وكنت بكلم فيكي مبترديش فقلقت عليكي ومدت ايدها بالمناسبه انا نسمه وانت اسمك ايه
فيروز سلمت عليها. وانا اسمي فيروز
نسمه. تشرفت بمعرفتك يا فيروز
فيروز رسمت ابتسامه صغيره. الشرف ليا
نسمه. انتي رايحه فين
فيروز بحزن. مش عارفه
نسمه. ازاي مش عارفه انتي عندك كم سنه وعايزه تروحي فين
فيروز. انا عندي ١٩ سنه وقدمت في جامعه ***هنا ولسه فاضل عليها حوالي يومين ومش عارفه هقعد فين
نسمه. انا كمان بدرس في نفس الجامعه بس عندي ٢١ سنه وعندي شقه جنبها وعايشه لوحدي اي رايك تيجي تقعدي معايا
فيروز. لا متشكره بس مش عايزه اتعبك معايا انا هدبر اموري متقلقيش
نسمه. مش عايزه اعتراض قلتلك عايشه لوحدي وانا بكره اكون لوحدي
فيروز كادت تعترض ولكن نسمه قاطعها. هااا انا قلت ايه خلاص وقت ما امورك تتحسن ممكن تدفعي إيجار وأكملت بضحك وبعدين مش هتكوني معايا طول العمر  دا لعند ما ربنا ييسرها معاكي
فيروز ضحكت وعيونها دمعت. مش عارفه اقولك اي بصراحه جميلك دا مش هنساه طول عمري
نسمه بضحك. ايوه ايوه جميل ومش جميل بلاش الكلام ده بليييز احنا خوات
فيروز اكتفت بابتسامه وأخذت تحمد ربها على نسمه وفعلا كان اسم على مسمى وفضلو يهزروا ويتكلموا لعند ماوصلو وجهتهم هبطت نسمه وهي تحمل حقيبه فيروز وتبعتها فيروز
نسمه انحنت بطريقه مضحكه. مرحبا بك في منزلي المتواضع
فيروز. هههههه ميرسى يا اميرتي
نسمه. انا اللي بنحني يبقا انت الاميره
فيروز. لا طبعا انت اللي اميرتي
نسمه غمزتلها. على فكره حبيت الكلمه منك ويلا علشان ندخل فتحت الباب ودخلو البيت وفيروز انبهرت من جماله وبساطته كان عباره عن طابقين واثاث المنزل في قمه البساطه والاناقه
نسمه. تعالي اوريكي اوضتك وعايزاكي تحسي انك في بيتك تمام
فيروز. نسمه انا مش عارفه اقولك اي ولا اي بجد الشكر قليل عليكي. التفتت نسمه ليها. فيروز اول قاعده في البيت ده مفيش شكر والكلام ده انت بقيتي اختي وصحبتي وربنا يعلم انا حبيتك من اول ما شفتك وارتحتلك بس لو جبتي سيره الكلام ده هزعل منك بجد وحضنتها وفيروز دموعها نزلت على خدها. ربنا يخليكي ليا
نسمه بضحك. شفتي يا ستي دموعي نزلت اهو يلا ارتاحي شويه وهجهز حاجه ناكلها
فيروز. تحبي اساعدك
نسمه شدتها لجوا الاوضه. بقولك ارتاحي يلا وقفلت الباب وراها ونزلت تحت للمطبخ تجهز اكل وفيروز دخلت حمام الاوضه وخدت شاور وخرجت لبست بيجامه وردي ونزلت تحت لقيت نسمه جهزت كل حاجه ومستنياها
نسمه بوجه ضاحك. اهلا اهلا بصغيرتي يلا الاكل جاهز
فيروز. حاضر يا اميرتي انا جيت وجلسو حول سفره المطبخ الصغيره
نسمه. مش حابه تحكيلي عن نفسك
فيروز تركت الملعقه وتجمعت الدموع في عينها وقالت بتلعثم. انااا ن... اان...يع...ني   نسمه مسكت ايدها بحنان. خلاص اهدي مش عايزه اسمع حاجه دلوقتى وقت ما تحبي تحكي انا موجوده
فيروز بامتنان. انا اسفه بس.. قاطعتها نسمه. خلاص اهدي وكملي اكلك واعتبري مفيش حاجه حصلت
فيروز كملت أكلها بدون كلام وبعد انتهاء طعامهم فيروز ساعدت نسمه في حمل الأطباق فيروز. انا هغسل الأطباق ده وروحي انت
نسمه بحده. لا انا هغسلهم ومتعمليش حاجه غير انك تروحي ترتاحي انتي اكيد تعبانه من السفر
فيروز. حاضر وطلعت لفوق وقفلت الباب وارتمت على السرير ومسكت صندوقها المفضل......
باليوم التالي تسللت نسمه لغرفه فيروز و.....
-----------------------------------------------------------
فووت وكومنت براايك ؟!!