أسيره أحزاني (مكتملة)

(( ١٧ ))

بعد ساعتان وصلت فيروز لبيتها وجدت تجمع كبير أمام منزلها من الرجال والنساء يرتدون الأسود دخلت بسرعه كبيره من بينهم ودخلت انصدمت مما راتها عيناها يالهي هاهي اخر من تبقى لها ذهبت… ذهبت ولن تعد مجددا ها هي مصدر سعادتها ذهبت بدون عوده دخلت فيروز ووجدت والدتها ملقاه على الأرض تغطيها غطاء ابيض والنساء حولها من يولول ومن يصرخ ومن يبكي دخلت فيروز بخطوات مترنحه تنظر للجميع غير مصدقه ما يحصل قالت بصوت اشبه بالبكاء. هو ايه اللي حصل وجلست بجانب امها وازاحت الغطاء من علي وجهها بأيد مرتعشه وأكملت بتلعثم. انتو بتعيطوا ليه ده…. ده نايمه انتو كده بتز… انتو بتزعجوها اسكتوا بس وأنا هصحيها وهزت سحر. قومي يا ماما… ماما قومي يا حببتي انا جيتلك اهو وبدأت بالبكاء في صمت. انا جيت اهو فيروز حبيبتك ايجت علشان تشوفك قومي وأكملت بصراخ وبكاء مرير. اصحى بقا والتفت لهم تنظر للواقفين. هي مبتصحاش ليه هاا ليييييييه ونظرت لسحر تضرب وجهها بخفه. اصحى مش هتسيبيني انتي كمان قووووووومي دا انا عايشه علشانك علشان خاطري قومي وبدأت بالبكاء بصوت عالي وشهقات عاليه متتاليه ومالت سناء نحوها. قومي يا بنتي حرام عليكي
فيروز شدت نفسها وحضنت امها وقالت ببكاء وصراخ. لااااااا مااااااماااااا حرام عليكي ليه سيبتيني ارجعيلي تآااني مااااااماااااا وأطلقت اه بصراااخ وبكاء من قلب مجروح وجاء محمد ومعه رجلان اخران يحملان سحر وفيروز تشبتت بها وتقول بسرعه. لا لا لا اوعوا كده هي هتصحي ابعدوا عنها والنساء من خلفها سحبوها وهي جلست مكانها تبكي وتتاوه بصوت هزت به جدران المنزل وقالت بصوت عالي ليصل لسابع سما. يااااااااااااااااااارررررب وذهبوا الرجال لدفن سحر وإكمال مراسم الدفن….
فيروز لبست الأسود وقاعده في ركن بعيد عن النساء ضامه رجليها الي صدرها ويدها علهم تسند راسها وتبكي في صمت وسناء وبعض الجيران المقربين لسحر هم من يستقبلوا الناس وسناء تقدمت من فيروز لقيت موبايلها جنبها بيرن بس هي مش سامعاه ومسكته ودخلت الاوضه وفتحت لقيت صوت بنت. فيروز انت فين ده كله قلقتينا عليكي
سناء بصوت متعب. انا مش فيروز انا جارتها
نسمه بقلق. امال فيروز فين ومش بترد ليه خوفتني عليها
سناء. اصل والدتها اتوفت النهارده وهي هنا
نسمه بصدمه. اتوفت؟! وصمت ثواني طب انا جايه مسافه السكه وقفلت واتجهت لوالدتها بحزن. فيروز والدتها اتوفت النهارده وهي هناك
مياده ضربت على صدرها. يا حول الله يارب تلاقيها منهاره يلا نروحلها وخرجت نسمه ومياده يلبسوا ويروحوا لفيروز…..
عند فيروز كل ما تشوف واحده داخله تعزي تزيد من بكاها وجريت على اوضه والدتها وقفلت الباب بالمفتاح وارتمت على السرير وضمت المخده تستنشقها لعلها تجد رائحه والدتها متعلقه بها واغرورقت المخده بدموع فيروز وتحدث نفسها بتلعثم. إن… انناا… ا… اسفه اسفه مكنش لا… لازم اسيبك وامشي….. ارجعيلي يا ماما… والله مش هم… همشي تاني بس مستبنيش…. اااه يا ماما متعرفيش…. ببعدك ده عم.. عملتي فيا ايه وظلت تشهق بشده حتى غفلت وهي تحتضن المخده بتملك….
عند وصول نسمه ومياده وعزوا سناء سألت على فيروز واخبرتها بمكانها جريت نسمه تخبط على الباب. فيروووز افتحي الباب انا نسمه
فيروز من خلف الباب. عايزه اكون لوحدي يا نسمه لو سمحت
نسمه. طب افتحيلي دقيقه وهخرج تاني وماما كمان عايزه تشوفك
فيروز بصوت عالي. قولت عااايزه اكوووون لوحدي سيبوني في حالي بقا ابعدوا عني وبدأت في تكسير كل ما يقابلها وسمعت نسمه صوت التكسير فقلقت وزادت من دقها. افتحي ياافيرووووز بقاا وصاحت فيروز من جوا. ابعدووووووو عنييي سيبوووني سيبوووني وفجأه انقطع الصوت نادت نسمه حد يكسر الباب ودخلت لقيت فيروز مغمي عليها جريت عليها بخضه ودموع. فيروووز حد ينادي دكتور بسرعه وتخبط وجهها بخفه. فيروووز لا يا فيروز قومي…
خرج الدكتور من عند فيروز. اديتها مهدئ وياريت تبعدوها عن أي ضغط لان حالتها حساسه جدا وده الادويه لازم تنتظم عليها
اومأ الجميع بالموافقه وسناء رافقت الدكتور للخارج…
تاني يوم سناء قاعده جنب فيروز على السرير. اهدي يا بنتي كلنا هنموت في الاخر متزعليش سحر وهي في تربتها
فيروز ازداد نحيبها. كانت هي اللي فضلالي… هيهي كانت السبب في اني عايشه… اعيش لمين دلوقتى
سناء. وحدي الله يا بنتي
فيروز. لا اله الا الله… بس انتي اتاخرتي ليه متصلتيش بدري عن كده اكيد زعلانه مني دلوقتى
# فلاش بااك #
الموبيل رن سحبت شنطتها وطلعته واجابت بفرحه. الووو
سناء بقلق. فيروز مامتك تعبانه وعايزه تشوفك تعالي بسرعه وتدريجيا تقلص وجهها وبدأ الخوف والقلق يتسرب لقلبها ونهضت بسرعه وسحبت شنطتها وخرجت من الجامعه باكملها واستقلت التاكسي…..
# باااك #
سناء. متقوليش كده سحر راضيه عليكي طول عمرها ومش زعلت منك وانت عارفه كدا…. هروح اجبلك حاجه تاكليها وخرجت وقابلتها نسمه وهي داخله لفيروز. عامله يا فيروز
فيروز. الحمد لله انت مرحتيش ليه
نسمه. هروح ازاي واسيبك
فيروز. لا روحي انتي وطنط  انا كويسه الحمد لله
نسمه. لا هنروح سوا انا مش هتحرك من غيرك.
فيروز بهدوء. بس انا مش هروح انا عايزه افضل هنا في اوضه ماما
نسمه. بس…. قاطعتها فيروز. علشان خاطري خدي طنط وارجعي
نسمه. فيروز...قاطعتها. نسمه اسمعي الكلام وعشان كليتك متخافيش عليا
نسمه. متأكده. فيروز اه يلا روحي علشان تلحقوا توصلوا قامت نسمه باست راسها وودعتها ومشيت وبعد دقائق من خروجها جاءت سناء بصينيه اكل واحبرت فيروز على الاكل ونامت….
في المساء فيرو. قاعده على سرير سحر ضامه رجليها بايدها على صدرها وسمعت خبط على  الباب وأذنت بالدخول دخلت امرأه كبيره بالسن لكن لا يبدو عليها ذلك جميله بعيون سوداء ويظهر انها من عائله راقيه يظهر ذلك من طريقه مشيها وملابسها واعتدلت فيروز وهي تنطر باستغراب لتلك المرأه وعند اقتراب المرأه من فيروز احتضنتها وبدأت في البكاء وفيروز ازداد دهشتها. البقاء لله يا بنتي
هزت فيروز راسها وأكملت. انت تعرفيني؟
المرأه. اه عارفاكي بس انتي لا وصمتت دقيقه وأكملت. انا ابقا خالتك
فيروز باندهاش وصدمه معا. خالتي؟ ازاي انا مليش حد غير ماما الله يرحمها ومعرفش حد
المرأه. والله خالتك واسمي صفاء وانا عارفه انك متعرفنيش
فيروز. ازاي ماما مش حكتلي عنك قبل كده
صفاء. انا عارفه ده قصه طويله ومش وقته انا جيتلك في حاجه اهم
فيروز. وايه ده وردت صفاء. انا جايه اخدك معايا
فيروز فتحت عينيها. تاخديني؟ ليه انا مش فاهمه حاجه
صفاء. سحر الله يرحمها وصتني اني اخدك معايا قبل ما تتوفي علشان ابوكي انت عارفه معاملته ليكي عامله ازاي وهي وصتني انك تروحي تعيشي معايا وطبعا ده كمان كان رأيي انا مش هرتاح وانت مع واحد زي محمد
فيروز. وهي ماما قالتلك امتا الكلام ده
سحر. كلمتني من فتره لم حست بتعبها
# فلاش باك #
سحر نايمه على السرير يظهر على وجهها التعب والاصفرار والشحوب وبجانبها جارتها سناء. عامله ايه يا سحر النهارده
سحر بتعب. نحمد الله على كل شيء
سناء. انا مش عارفه بيحصل معاكي كدا ليه
سحر. اللهم لا اعتراض منه لله اللي كان السبب
سناء. هتفضلي على الحال ده كتير جوزك ده اكيد مش بني ادم
سحر. في ايدي ايه اعمله ربنا رحم بنتي والله والحمد لله
سناء. مش هتتصلي عليها تكلميها
سحر. هتعرف ان فيا حاجه ومش عايزه اقلقها
محمد دخل عليهم وقال بصوت استهزاء. مالك يا سحر هانم اوديكي للدكتور
سحر. لا دكتور ولا غيره يمكن اجلي قرب وارتاح.
سناء ربتت علي ايدها. بعيد الشر عنك متقوليش كده
محمد. طب ربنا يسهل كدا ويعجل مافيه الخير
سحر. يارب وخرج محمد من البيت كله وقالت سناء. ربنا يهديه
سحر. ما اعتقدش انه ييجيلوا يوم ويتعدل.
سناء. ارتاحي هروح اعملك حاجه تاكليها
سحر. ملوش لازمه وقاطعتها سناء. انت مش شايفه نفسك عامله ازاي هروح اعملك شوربه خضار ولا اي حاجه وخرجت سناء ومسكت سحر الموبيل وضربت كذا رقم وانتظرت حتى اتاها الصوت بلهفه وفرحه. سحر وحشتيني طمنيني عنك اخبارك ايه
سحر بتعب. وانتي والله يا صفاء وحشتيني اوي
صفاء. فرحت اوي انك كلمتيني عامله ايه وفيروز كويسه
سحر. كلنا كويسين الحمد لله وانتو عاملين اي
صفاء. الحمد لله بخير… سحر انت صوتك مش عاجبني انت كويسه
سحر. متخافيش عليا انا كويسه بس عايزه منك طلب
صفاء. اطلبي يا حببتي وانا تحت امرك
سحر. فيروز ردت صفاء بقلق. مالها فيروز هي كويسه
سحر. اه بس لو مش هتقل عليكي تاخدي بالك منها بعد ما اموت عايزه اموت وانا مطمنه على بنتي بس طول معي مع محمد مش هكون مطمنه ابدا
صفاء. ايه الكلام ده يا سحر ربنا يطول في عمرك ويخليكي لينا ولبنتك
سحر. انا حاسه نهايتي قربت يا صفاء بس هتقدري تعملي كده
صفاء. فيروز ده بنتي متخافيش عليها هحطها في عنيا
سحر. انا بوصيكي عليها يا صفاء انا عارفه انها هتكون صعبه عليكي
صفاء. عيب تقولي الكلام ده امال احنا خوات ليه
سحر. ربنا يخليكي ليا يارب
صفاء. ويخليكي يارب وردت سحر. هقفل علشان محمد
صفاء. طيب خلي بالك من نفسك
سحر. وانتي كمان يلا سلام وقفلت مع صفاء وبعد مده قليله دخلت سناء بصنيه الشوربه واللحمه واطعمه أخرى وقعدت جنبها. يلا سمي الله كدا عايزه الصنيه تتمسح
سحر سابت الموبايل وبدأت في الأكل وسناء قالت. كلمتي فيروز
سحر. لا لسه       سناء. طمنيها عليكي
سحر. إن شاء الله هحاول اكلمها النهارده
# باااك #
فيروز بعدم استيعاب ظلت تحرك عينيها يمينا ويسارا واحست صفاء بذلك فاخرجت من حقيبته صوره واعطتها لفيروز وتفاجأت انها صوره لوالدتها مع هذه المرأه على يديها طفل صغير
صفاء. هاا صدقتي ياريت تحضري نفسك يا بنتي وتيجي معايا دا انت اللي فضلالي من ريحه اختي
فيروز. وايه اللي يخلي ماما متحكيش عنك او تزروا بعض
صفاء تربت على رجلها. ده حكايه طويله يا بنتي مش وقتها خالص بس يلا جهزي نفسك
فيروز. اسفه بس حاليا مش هقدر امشي محتاجه افضل هنا شويه ونظرت في ارجاء الغرفه بحزن
صفاء. يا بنتي ان… قاطعتها. معلش محتاجه اكون هنا هاجي بس مش دلوقتي
صفاء. طيب وطلعت ورقه وقلم وكتبت رقمها وعنوان البيت والدتهم لفيروز. ده العنوان ورقم موبايلي بس مش تتأخري علشان اكون مطمنه واختي ترتاح في تربتها
فيروز. حاضر وخرجت صفاء من الغرفه تاركه فيروز يدرو في رأسها الف سؤال لا يوجد لهم اجابه…
تاني يوم فيروز قامت مخضوضه أثر الماء التي اغرقتها وشقهت بصوت. ايييه اللي بيحصل ده وفتحت عينيها ببطء لتجد امرأه طويله تقف تضع يديها على خصرها واليد الأخرى تمسك به دلو وتمضغ لبان. ايه يختي هتفضلي نايمه لعند امتاا
فيروز بصوت عالي. انت مين يا ست انت وازاي دخلتي هنا اصلا
المرأه على نفس وقفتها. انا اسمي امينه يا عنيا وابقا مرات ابوكي صاحبه البيت ده
فيروز رفعت حاجبها. انت اتجننتي يا ست انت وحلى عني عايزه انام
امينه اقتربت منها ومسكت شعرها. بقولك ايه شغل العوج ده مبحبش قومي رتبيالبيت مكان عزا امك
فيروز دفعتها للخلف واصطدمت بالدولاب وتاوهت. اه يا بنت ال*** انت تعملي فيا كده
فيروز قفزت من علي السرير للخارج وامينه خلفها وامسكها من شعرها. بقولك ايه هتلعبي معايا ولا اي
فيروز بتاوه. ااااه ابعدي عني انت اتجننتي
امينه شهقت. انت بتقوليلي مجنونه طب والله لاربيكي
فيروز فلتت منها وجريت للباب فتحته لقيت محمد وقالت بصدمه. ب… ا.. بابا
محمد. انت بترفعي صوتك عليها ليه ده زي امك بالظبط
فيروز بعصبيه. مفيش حد زي ماما… مامتماما ملهاش زي ولا حتى ليا اب والحربايه ده عمري ما اعتبرها حاجه كفايه بقا ارحموني
محمد ضربها بالقلم. انت بتعلي صوتك عليا يا قليله الأدب
عدي يومين والحال متغيرش فيروز رجعت الصفر من تاني كان الأول من محمد دلوقتي محمد ومراته وكانت بتقفلهم ويزيدوا من ضربها فققرت انها تروح لخالتها بس قبل ما تمشي مش هتسيب فلوس في البيت قررت تأخذهم كلهم وفي الفجر والكل نايم سحبت شنطتها بعد ما جهزتها وخرجت بهدوء واستقلت تاكسي للقاهره متجهه لبيت خالتها