زواج في زمن الكورونا
#رؤى ألجبوري
#طائر بلا تغريد
اليوم زواجي على بنت خالي ماعرف احساسي شنو مدري فرحان مدري تعبان
يمكن الوقت غير مناسب للزواج الدنيا مگلوبه بلكورونا وناس خايفه وناس ببيوته ماتطلع
وآني گضيت فترة الحجر كله ابني بيتي
تعبت حيل الله ينطي العافيه العمي ولد عمي ساعدوني هواي
انطوني غرفه بيتهم طگيته على الجه الثانيه وبنيت مطبخ وصحيات وطارمه صغيره
سگفته بسقف چينكو
اني حياوي
ابويه انقتل بزمن الطائفيه ضربو طلقات ومعرفنه منو وليش
ابويه جان انسان بسيط بس ماعرف ليش اغتالو
بعده بفتره عفنه بغداد ورجعنه گعدنه ويه بيت خالي
ماجنت مرتاح وياهم ابد
امي انسانه ماعده مسؤليه
بعد استشهاد ابويه بسنه تزوجت وعافتنه صرنه نتنقل من بيت البيت
بين عمامي وبين خوالي
عندي ثنين خوات و3اخوان
خواتي تزوجن الحمد لله مستقرات ببيوتهن
زوجوهن عمامي بعد ما أمي تزوجت ماحبو يخلوهن ويه زوج امهن
بعد سنه من زواج أمي توفه زوجهه
يمكن تگولون فرحنه بموته أي فرحنه وأني بلخصوص لأن أبد ماحبينا
بعده رجعت أمي گعدت ويانه
طلعت الابويه شقه اخذتنه أمي وگعدنه بيهه
هنا أني كبرت وصرت اشتغل منا ومنا
حبيت اكون نفسي واتزوج
فعلا حبيت بت خالي وطلبته منه
وجان طلبه ان اعيشه بيت لوحده ومو بلولايه لان همه گاعدين بلريف
فعمي ابو قاسم الله يخلي
انطاني غرفه من بيتهم
فتحته على خلفية بيتهم وبنيت بيهه
ردت ابقى لحد متخلص سالفت كورونا بس وازانا شهر رمظان
وعمي ابو قاسم ماقبل نبقه اكثر گال احسللكم حتى محد يجيكم ولا تخسرون لان الناس خايفه محد يروح على احد
جنت عمي عده صالون
تبرعت الي بلبدله مال العروس ومكياجه وشغله كوله
عمامي كل واحد تبرع بشي
واحد جاب ثلاجه
واحد جاب طباخ
واحد تلفزيون
يعني لمولي
رغم قهري لأن حسيت ان اني مالي شي بهذا البيت
بس چنت مظطر لان حياتي ويه أمي مستحيله
بيوم الزفه الناس خايفه محد يطلع
بس قررت أسوي زفه بسيطه
گلت لأبن عمي يزفنه بسيارته غسلناهه وخلينه عليه بالونات وشغلات بسيطه
وراح ويانه ثنين من جيران بيت عمي بسياراتهم
رحنه البيت خالي الي هوه قريب على بيتي طلعنه العروس ومشينه بلسياره
الشارع فااااارغ بس احنه نمشي بي
فترينه منطقتنه ورجعنه البيتنه
بنات عمي اربعه واختي واخت زوجتي وامهه وعمتي الموجودات
من وصلنه ابن عمي هلهل بلباب
ضحكنه هلهولته جنه عصفور مخنوك هههه
دخلنه تلگتنه عمتي والبنات ماقصرن شويه خلني احس ان اني عريس
اختي مسويه عشه النه وكيكه بسيطه
تشكرت من عدهن تباركلي وطلعن
بعد ماراحو الكل بقيت بلبيت اباوع على زينب جماله بساطتهه حيل بسيطه تقربت منهه وگلت الهه
أنت تقرأ
تحدي الكاتبات
ChickLitاليوم قررت اسوي تحدي مع كاتباتنا العزيزات نزلت بارتين من قصه وتحديت كاتبه تكمل وفعلا قبلا الكاتبات التحدي وراح تكتب كل يوم راح اتحدى كاتبه الا ان نكمل القصه اتمنى تعجبكم التحديات ابقوا معنا ألف شكر لكل الكاتبات الي قبلو التحدي
