تحدي الكاتبات

التحدي الثاني عشر

#زواج_في_زمن_الكورونا

#بقلم_زينب_الشمري
..............................

الحلقة ١٢(تم اعادة تدقيقها نضرا لوجود بعض الاخطاء)

يحيى

مالحكت افرح بلأبوة توالت على راسي صدمه الكورونا الي صابت زينب

كاعد على المسطبة وحاط ايدي على راسي وحاتم واكف فوك راسي ينك على زواجي المصخم جا انه شمالة حضي هيج فاين

حاتم...... جا اته شمالك يحياوي هستونه طلعناك من الحجر هسة نرجعك للحجر ونجي احنه وياك

يحيى......  حويتم روح من وجهي مالي خلكك

كمت وكفت على حيلي وتجاوزته عفته يمتمت بينه وبين نفسة

رحت للدكتور الي جان واكف ولابس الجيس الازرك والكمامه والجفوف والنضارات

يحيى..... زين دكتور هية مو اكيد بيها كورونا انتو شلون عرفتو

الدكتور..... كل اعراض الكورونا ضاهرة عليها اضافة هية اعترفت بلسانها ملتقية ويا مرة اسمها ام سمير والي بيها كورونا اصلا

ضيكت عيوني جا انا تجذبين علية يزنيبة مو سألتج وكتلج تكليلي ماملتقية بيها

شسوي هسة يربي شكول عليج زنيبو

درت وجهي على ام زينب الي كاعدة وتنحب نترت بيها

يحيى...... خالة ماعرفتي تحجين وتكولين ملتقية بام سمير جا انه هيج مسويني مضحكة

باوعلي حاتم وهمس بشماتة

المضحكة

خزرتة  ورحت للدكتور

انطاني خبر بان راح ينقلونها للحجر الصحي

هزيتلة راسي

الدكتور........ بلأضافة انتو هم لازم  نسويلكم تحاليل ونحجركم ١٤ يوم  لان انتو الملامسين الها

يحيى.... بس دكتور احنه مابينه شي ليش يحجرونه

الدكتور..... بس انتو ملامسين الها وخصوصا انت زوجها عزيزي هاي اجرأت امنية حفاضا على سلامه الوطن

كمنه ورحنة على التحليلات نسوي اضافة الى قوة الصحة الي توجهت لمنطقتنه وينعاد نفس النداء الي نادوو على ام سمير

سلمونه كمامات والجفوف ورافقونه الممرضين لغرف الحجر الصحي بعد

عاينت على الغرفة وتالي رجعتلج جنه كورونا ماناوي يفارك حياوي

عاينلي حاتم وكال

حاتم..... لا يحياوي لو ادري ماجايبك ولا عارفك حجرتني وتالي انعدي من الناس عفتة ورحت نمت على الجرباية ولا الي خلكة

ضلينه بغرف الحجر الصحي وعرفت انو المنطقة انحجرت بلكامل لمدة ١٤ يوم

طلعت اول مرة تحاليلنه سليمه وثاني مرة سليمه وثالث مرة سليمة وصار هاي ١٤ يوم محبوسين بلحجر مكابل وجه حاتم الينك براسي جنه مطلقة