#زواج_في_زمن_الكورونا
#الحلقة_السابعة
#شمس_السعدي
#جسد_دافئ
جريتها الي تحسست نبضها دكاته سريعه
حضنتها وقربت شفتي ع شفتها..
اسسمع احد يكول..
اعوذ بالله
فزيت رجعت نفسي ام حاتم
تهز باديها امممممممم
هم كرونا وهم مكسور وهم فاتح الباب وكاعد يتمعشك
دخيلك ربي...وتريد متكلبها بينا
كحيت وعدلت روحي .. وخطية زنوبة استحت وركضت للمطبخ ..
حجيت بداخلي على ام حاتم .. " اي اكو وحدة تجي من غير ماتدگ الباب .. يعني هم ببيتي ووي حلالي ومامرتاح "
ولا فوگاها ام حاتم لزگت روحها بالبيت وعبالك مخليلها صمغ اميري ..
حجتها زينب وحدها ومحد وياها يعاونها .. واني ماشفتها مدت ايديها وياها بس مگابلة التلفزيون وتعد بالحالات حول العالم ..
عيوني تتطاير ورى زنوبتي واني اعاين على دشداشتها اللضيگة والي مبينة مفاتنها لو نظراتها الناعسة الي غرتني اكثر ..
صرت اتحسر عليها وهي گبالي تترنح بمشيتها ..
واني سارح بذاك الجسد الدافي ..
فزيت على صوت ام حاتم وهي تصرخ :
" يايمة يحاتم .. شوف اوربا يگلك باليوم 500 حالة جا زين العراق عبن مابي حالات هواي جيف احنة الله واهل البيت حارسينا "
عاينت عليه " ولك يمة ما تصلي ع النبي بمكان ماتعاين وصافن الغير مكان "
رديت بفهاوة " هااا اي .. اللهم صل على محمد وال ومحمد "
صرت اصلي بلساني واتحسب بداخلي على حاتم وامه المايفارگوني ..
بعدني ماذكرت حاتم دگ الباب واجة هو وعمي قاسم وولد عمي ..
اشرت الزينب تدخل جوة للغرفة .. لان دشداشتها ضيگة ومااريد واحد يلمحها غيري ..
ضحكت على حظي وحجيت بداخلي " هو انت يحياوي مافالح بس تعاين عليها بعيونك بس بالفعل كلشي ماكو .. مدري حظك لو حظها المصخم "
دخلوا الولد وعمي .. وام حاتم ترخصت وطلعت بحجة عندها خبز والعجين اختمر ..
"جا ستوج ذكرتي مو بالساعات لازگة يمي لمن اجة عمي والولد يلة گمتي ؟"
نصبوا الولد عليه ويضحكون ..
واحد يگول : هااا يالنجر بس فهمنا انت كملت لو لا
رديت : شكملت ولكم شو ماتستحون ؟؟
رد الاخر : والله من وجهك الي انگلب احمر جنك مصخمها ..
وكملها حاتم بضحكة طويلة " ولكم شيكمل اذا هو من ليلة عرسه لهسا ماشاف شي حلو من مصيبة للثانية
ماسكتوا لين عمي صاح بيهم وهجهم وتالي طردهم
" يلة گوموا اطلعوا وخلوه .. جليلين الحيا .. مرة ورجال انتو شلكم دخل "
گام عمي وهو يكمل حجايته " بوية لاتسوون عشا اليوم اني ادزلكم من البيت .. دير بالك على رويحتك وشد حيلك يلة في امان الله "
أنت تقرأ
تحدي الكاتبات
ChickLitاليوم قررت اسوي تحدي مع كاتباتنا العزيزات نزلت بارتين من قصه وتحديت كاتبه تكمل وفعلا قبلا الكاتبات التحدي وراح تكتب كل يوم راح اتحدى كاتبه الا ان نكمل القصه اتمنى تعجبكم التحديات ابقوا معنا ألف شكر لكل الكاتبات الي قبلو التحدي
