زواج في زمن الكورونا
البارت 2
#رؤى ألجبوري
#طائر بلا تغريد
التفتت على زينب گلت اله
زنوبه اشوفج تعبانه گومي بدلي وارتاحي
جاوبت وهيه الخجل مسيطر عليهه
لا لا مو تعبانه
بس آني تعبان كلش واريد اتعشه وياج خوما تگعدين بلبدله بلگاع
باوعت على الگاع مفروشه مده صغيره وعليه مندر
باوعت عليه گالت أي هسه أبدل بس
بس شنو رايده شي
ها لا بس اطلع بره خلي أبدل
هههه وج وين اطلع هيه كله غرفه وحده ومطبخ قابل أروح للمطبخ
ماعرف لعد خو ماتريدني أبدل گدامك بلله
ها يلله براحتج هسه اروح للحمام أبدل وأطلع
اخذت ملابسي وطلعت ماعرف شنو نغزني بطني
گامت توجعني
دخلت للحمام سبحت وطلعت بعدها دخلت للتواليت ألم بلمثانه عندي صارله كم يوم بس ماهتميتله
اكثر من ربع ساعه بلتواليت تالي طلعت
فتحت باب الغرفه لگيته مقفول
خرب هاي ليش قافلته
دگيت الباب على كيف لا يسمعوني بيت عمي
زنوبه زنوبه ليش قافله الباب
ماكو جواب
يمعوده دخيلج وينج
ماكو
فتريت من الجهه الثانيه للشباج دفعته شويه لگيت الشباك مفتوح
وخرت البرده واشوفه غاطه بسابع نومه بلبدله ههه
ياربي هاي شلون بيه اخاف اصيح عيب شسوي هسه
صحت على كيفي يمعوده زينب أگعدي هاي عود مو تعبانه وهيج
حسيت بنغزات بكلياتي
بعدنه بدايت شهر الرابع والجو بعده بليل بارد وآني توني سابح ولابس تراك خفيف
خليت أيدي على كلياتي وأيد لازم بيهه الشباج
اباوع عليه رايحه بسابع نومه وتشوخر
حسيت نفسي تلعب وأداري قوي .ركضت للتواليت گعدت اكثر من ربع ساعه ادراري يحرگني وألم كلياتي ولعبان نفس زاد عليه
غسلت وجهي ورجعت للشباج
لگيته على نفس النومه دورت بلگاع لگيت عوده
شلته وضريته على كيف ماكو رديت هم
تحركت وانگلبت على الجهه الثانيه بعد العوده ماتوصلهه
ياربي دخيلك
درت وجهي ضهري صار على الحايط وگعدت بلگاع
خليت أيدي على راسي حسيت بألم قوي مو بس بكلياتي لا بروحي
لا عندي أب اخابره هسه ولا عندي أم أعتمد عليه
فعلا حسيت بوحده مو طبيعيه
بعده زاد الألم ركضت للتواليت مره ثانيه نفس الألم
طلعت للحمام غسلت وجهي وشفت طاسه مال الحمام ترسته مي ورجعت للشباك
ابتسمت رغم الألم وشمرت المي عليه
فزت مرعوبه وتصيح شنو هاي شنو هاي
همزين گعدتي
باوعت عليه من الشباك ماعرفتني صاحت
يمه منو انت
أنت تقرأ
تحدي الكاتبات
ChickLitاليوم قررت اسوي تحدي مع كاتباتنا العزيزات نزلت بارتين من قصه وتحديت كاتبه تكمل وفعلا قبلا الكاتبات التحدي وراح تكتب كل يوم راح اتحدى كاتبه الا ان نكمل القصه اتمنى تعجبكم التحديات ابقوا معنا ألف شكر لكل الكاتبات الي قبلو التحدي
