ချစ်သူ့ နတ်ဘုရား〖 Completed 〗

9.12

<Unicode>

တဖြည်းဖြည်းနှင့် ရုပ်ထည်ပေါ်လာသော ဆာရာ့ကိုကြည့်ရင်း ရှန့်ခယ်ဦးနှောက်ထဲ ရောက်လာသော ပထမဆုံးအတွေးမှာ:

အော် ဘယ်နတ်ဘုရားမဆို အသွေးအသားရှိနတ်ဘုရားအဖြစ် ပြောင်းသွားသွားချင်း ကိုယ်လုံးတီးနဲ့ပဲကိုး....

ရွှေဝါရောင် ဆံပင်နှင့် မျက်လုံးတစ်စုံ၊ ကြံ့ခိုင်သန်မာသော ခြေတံများအပြင် ယောက်ျားပီပီသသ ကြွက်သားတောင့်တင်းသော ခန္ဓာကိုယ်။ ဆာရာ၏ ဖြစ်တည်မှုတစ်ခုလုံးကိုက လူသားတွေကို ဖိနှိပ်နေသည့်အလား လောင်မြိုက်ခံနေရသလို ခံစားမှုရစေသည်။ အနားကပ်လာသော အကြင်သူကိုကြည့်၍ ရှန့်ခယ် နောက်ဆုတ်ချင်စိတ်ပေါက်သွားသော်လည်း တဖက်လူ၏ နတ်စွမ်းအင်က သူ့ကို ချုပ်နှောင်ထားသည်။ ထို့ကြောင့် အရှေ့တည့်တည့်ရောက်သည်အထိ တိုးကပ်လာသူကို ရပ်ကြည့်နေရုံပဲ ရှိတော့သည်။

ဆာရာသည် လက်မြှောက်၍ ရှန့်ခယ်၏ ခန္ဓာကို ညင်သာစွာ ပွတ်သပ်ခြင်းပြုသည်။ လက်ချောင်းများက ညှပ်ရိုးနားမှတဆင့် တူရိယာတီးမှုတ်သူတစ်ယောက် စောင်းကြိုးများတီးခတ်နေသည့်အလား ဖြည်းဖြည်းချင်း အောက်သို့ သက်ဆင်းလာပုံသည် တစ်ဖက်လူ၏ ကိုယ်အပူချိန်ကို ခံစားကြည့်နေသလိုရှိသည်။

ရှန့်ခယ်မှာ လှုပ်ရှားမှုမပြုနိုင်ရာ ထိုလက်များသူ့ခန္ဓာကိုယ်ပေါ် စိတ်တိုင်းကျနယ်လွန်နေသည်ကို ခွင့်ပြုထားရသည်။ သို့သော် သူ့အား ကိုယ်ထိလက်ရောက်စော်ကားနေသူသည် သူ၏ ပုံမှန်မြင်တွေ့နေကျလို ရိုးရိုးသားသားမျက်နှာပေးကို ယူထားသည်။ ခြေနှစ်ချောင်းကြားမှ ထိုအရာတစ်ခု၏ လှုပ်ရှားမှုအချို့ကိုသာ ရှန့်ခယ်မမြင်မိပါက ထိုလူသည် လူ့ခန္ဓာကိုယ် ဖွဲ့စည်းပုံကို လေ့လာနေခြင်းသက်သက် ဟူ၍သာ ထင်မိလိမ့်မည်။

သူ့အနေနှင့် မဝန်ခံဘဲ မနေနိုင်တော့ပါပေ။ ဒီယောက်ျားသည် သူ့ထက်ပိုကြီးသည်။ ဒါကြောင့်လည်း အရင်တခါ သူအဝတ်များမပါစဉ်က အထင်ကြီးစရာမရှိသလို နေနေတာဖြစ်ရမည်။ သို့သော်ငြား ကျက်သရေရှိ၍ ခမ်းနားသော ဘုရားကျောင်းဝင်းထဲ ခေါင်းမှခြေထောက်အကုန် ကိုယ်လုံးတီးဖြစ်နေသူ ယောက်ျားတစ်ယောက်နှင့် ပူးကပ်နေရပုံမှာ တစ်ခုခုတော့လွဲနေပြီဟု ရှန့်ခယ်မတွေးဘဲမနေနိုင်ချေ။