#اول_الغيث_مهرة
بارت٢٦
البارت صغير اعتذر صدگوني كوة كمل هالبارت ارد لاختي وتكتب والله لخاطر لهفتكم للقصة كلت انزل اليوم اسفة اذا اتأخرت عليكم اعذروني،،متابعة طيبة
البارت السادس والعشرون
فيد عبدالله
مهرة،،مشيت وكفت تكسي ومااحس الا وكف بصفي ومشة التكسي،،باوعتلة وحجيت بملل،،شلون ارجع مشي اليوم
غيث،،اصعدي وياية
مهرة،،مااصعد روح غيث عيب من المعلمين شيگولون صاعدة وية رجال غريب
غيث،،غريب
مهرة،، ماكمل كلامة اباوعلة ركض للحاوية تكرمون القريبة وصار يتقيأ،،طلعت بطل مي جان بجنطتي وكلينس انطيتة وواكفة وراه بقلق ،،هاا شبيك ،،حسيت بصوت واحد من المعلميم وراية استاذ معتز
استاذ معتز،،خير ست مهرة تعرفين الاخ
مهرة،،اي اعرفة شكرا استاذ اخذ راحتك،،اباوع لغيث غسل والتفت عالولد
غيث،،زوجهة اكو شي
استاذ معتز،،ها العفو اعتذر تحتاج مساعدة
غيث،،مشكور متقصر توكل لبيتكم
مهرة،،مشة المعلم وباوعتلة بغضب،،انتة شبيك شلون تگلة هيج وتطردة موعيب
غيث،،شنو العيب لو ضجتي لان كلت زوجتي
مهرة،،مو زوجتك اني طليقتك سمعت وهسة اذا زين وديني ليوسف اتأخرت،،فوورت اعصاب مو صاحي هذا الولد والله مدري شبي ومايعرف شيريد،،صعدت ورة وهو يباوع
غيث،،اصعدي كدام شنو هاي سوالف الزعاطيط
مهرة،،حالك حال السايق الغريب لو عادي اصعد كدام وياه
غيث،،استغفر الله اللهم طولج ياروح
مهرة،،صعد وطبك الباب بعصبية واني بقيت كاعدة ليورة وصلنة الحضانة اخذت يوسف وطلعنة للبيت ويوسف يدردم ويهوس ويضحك وهو يباوعلة بالمراية ويباوعلي
غيث،،حموود شلونك
حمودي،،عود انتة ليش كلما تجي تصيح على امي ترة اني مااقبل وصرت اضوج منك
مهرة،،ماما عيب
غيث،،احمم،،سبع حمودي شحدة اليصيح على امك
مهرة،،وصلنة البيت وهو ساكت مانطق حرف فديت حمودي خلاه يتبلعم حبيب امة،،نزلت وفتحت الباب التفتت هو شايل يوسف يبوس بي وواكف يم باب السيارة،،اتقدمت اخذت يوسف وكتلة اعذرني مااكدر اكلك اتفضل البيت مابي رجال وتبقة رجال غريب شتكول العالم
غيث،،اكيد ماادخل بس اتطمن وامشي
مهرة،،شكرا بس بعد لاتعيدهة،،طبيت وطبكت الباب قبل ماينهد عرفتة عصب من رفع تك حاجب واني دخلت وعفتة بسرعة،،ورجع لبغداد ماشفتة وجهة ابدا اسبوعين وخابرتني غصون الماكطعت مني فديتهة كالت رتب كلشي وكال اكو بيت قريب على اهلي كم شارع اشتري الج ووافقت بس ما قبلت اروح الا اكمل كلشي باسمي وارتب كل اموري فانتظرت انباع البيت الكاعدة بي وبلشت واكمل نقلي ونقل حمودي وورحنة للبصرة رتبت اموري كلهة سجلت البيت باسمي وحمودي بلش يداوم بنفس المدرسة الاني راح اداوم بيهة هم للاولاد رغم حاول غيث يسجل حمودي بمدرسة اهلي بس رفضت تماما تدخلة ومشيت الرأي الي اريدة اتبهذل اذا نقلتة مدرسة واني مدرسة ويوسف لميساء شهالركضة، ،اسبوعين ورتبت البيت تماما وكملت الاجراءات كلهة ومن اول ما وصلنة رفضت ادخل بيتهم او بيت احد من اهلة تماما واستقريت ببيتي الجديد جان اكبر من ذاك واحدث رتبتة الاثاث على الي جوة ايدي ماردت اضغط على نفسي واثث كامل كلت شوية شوية شعندي جبت غرفة بس والمطبخ كملتة،،وهو هم اقترح يكملة
