لأنني أسود🖤.

الحلقة 11🖤

(11) ما أجمل القمر ف منتصف الليل🌔
و ما أجمل النجوم ف منتصف السماء✨.....
_
_
"رفقا بي فعند رؤيتي لعيناك 💫تتسارع نبضات قلبي لرؤياك❤"
أسيل خشت بعضها قلبها رعش لما سمعت كلمته| اا..ا هي سلام ...وطلعت
طلعت وخلت أبتسامة مرسومة طالعة من نص القلب ❤
خش مهند و هو فرحان لما شاف صاحبه
مهند|تعرف آخر مرة شفت الابتسامة هادي من أمتى
مسلم ضحك|نعرف نعرف😂
مهند|ربي يجعلها من نصييبك وخيي
مسلم ضحك و ف قلبه قال أمييين❤
_
_
روحت الحوش وحاسة روحها فرحانة قلبها رجعله الحياة بدي ينبض من جديد ❤
خشت ل دارها وقمزت عالكرسي و ألوانها بحداها ف طاولة ووراقي وبدت ترسم
ترسم ف الشخص الي واخد عقلها "مسلم"❤
_
_
روحت شذى وحاسة بفرحة أنه اسيل بدن تليين ل مسلم❤
فتحت فيس وكتبت :
الحب ❤
لا يعرف العمر❤
لا يعرف الشكل ❤...

لا يعرف العنصرية❤
ف الحب بين القلوب وكلنا من قلب واحد❤
فنحن لا نحب بأعمارنا ❤
لا نحب بأشكالنا ❤
نحن نحب بقلوبنا ❤
بأرواحنا❤....

ودارت نشر...
خمسة دقايق وخش صهيب خاص..
صهيب|خلاص مليتي مني منزلة بوست اعلي واحد تاني ☹️
ضحكت شذى وبعتتله|يا حبيبي فيه من يمل من أكسجينه ❤☹،صار موقف مشي نزلته الكلام ❤
صهيب|أسمعي معش نقدر نتحمل اني، نبيك جنبي☹️، امتى بتوافقي ☹️
شذى |انكمل قرايتي قبل ❤
صهيب|افففف باهي به
شذى|عادي عادي الصبر جميل😂
صهيب|الصبر عينك😡😒
_
_
هديل طالعة من محل مستعجلة خبطة ف واحد
هديل بصيااح|تييي خيرك متشوفش انت ،العمييي😡
انصدمت لما سمعت صوته و هو يقول
الولد|ماه هو اني اعمى علاش تبيني ننعمى مرة تانية
هديل تلفتت بسرعة.
شافت ولد جميل بمعنى الكلمة وشاد عصا ولابس نضارة هديل|اسفة مشفتكش مش قصدي اني الغالطة
الولد|عادي أختي كلنا نغلطوا❤
هديل قارنت الاسلوب الي دوة معاه بأسلوبه هو ، عرفت انها تافهة💔....
و قعد يمشي بالشوية وميعرفش انه خلا عيون اتبع فيه...
هديل| اكيدة جرحتله مشاعره مغباني ☹️...
هديل|لازم انصلح الغلط ،مش هديل الي تغلط ومتصلحش غلطها...
مشت وراه وشدت ايده ،الولد ازبطها هي نفس البنت
هديل|وين تسكن
الولد|فيه محل اهني أسمه ****
هديل|اا اي الشارع الي بعد هذا
الولد|ايي
هديل|شن أسمك؟؟
الولد|مؤيد ،وانتي؟
مؤيد|ملااك؟؟
هديل |لا اسمي هديل ،، علاش ملاك؟
ووصلوا للمحل
مؤيد|ماه انتي زي الملاك الي نازل من السمي بش يساعدني❤
هديل أبتسمت|وصلنا... و كيف بتمشي وقفها صوته و هو يقول|شكرا ملاكي❤......
يتبع...