لأنني أسود🖤.

الحلقة الرابعة🖤

(4)
.
وما سواده بعيب إنما هو جمال.. جوهرة سوداء وفِي اخلاقه كمال....

وطلعهم الدكتور برا...
ناض مسلم الفجر، توضى وصلى الفجر.. بعدها خدي ورقة وقلم وبدي يرسم... هوايته الرسم..!❤️
رسم قلب انسان.. احمر صافِ، فيه بقعة سوداء من الجنب.. وفِي بنت في القلب هذا تُمسح في البقعه هادي!🖤 "وفِي كل قلب صافً، جميلة"❤️
هكي كتب فوق الرسمة... ... عطل فيها الرسمة شوية.. لما كملها ناضت امه...
ام مسلم| صباح الخير وليدي
مسلم| صباح النور
ام مسلم| شني بكري اليوم
مسلم| هههه انتي تاخير اليوم😂
ام مسلم| النوم سلطان يا وليدي😂
مسلم| هههه صحة النوم❤️😂
ام مسلم| انت امس طلعت في اليل اماخر؟
مسلم| اي اي اني مهند كان يبي مني حاجة عطيتهاله بس
ام مسلم| الله في الوقت هذاكا!؟
مسلم| اي اي . امه شافت الرسمة وعنوانها وابتسمت.. هو درقها وهي فرحت...
ام مسلم| هههه خيرك درقتها؟
مسلم| لا شي😅
ام مسلم| بتفطر صح؟
مسلم| اي عصافير بطني تزقزق تعرفي😂
ام مسلم| حاضر هي ...
"يارب، اهديه يااااارب!"❤️ همست ام مسلم مناجاة لربها. ———————————————
اسيل وشدى وهديل انطردو من المحاضرة.. خطمت المديرة..
المديرة| انتي واياها شديرو برا!؟
اسيل| الدكتور طردنا يا ابلة
المديرة| اي وفرحانة ماشاء الله انتي واياها!؟ امشي قدامي عالادارة امشي انتي واياها..!
كلمت اماليهم، اسيل عقاب اسبوع من غير تلفون، وهديل وشدى المحاضرة لي نعرفوها كلنا🌚 ...
مسلم مشي الخدمة ويخدم بعرقه بش يكسب حلاله.. شدى مقعمزة تكلم في حبيبها صهيب.. هديل تغني وتصور في روحها زي ما تحب.. واسيل تقرا في رواية اسمها "حليب اسود"...🖤 ...
مسلم| تفضلي يا وخيتي
بنت| بكم هذا؟
مسلم| 30 دينار ان شاء الله
بنت| في منه ألوان؟
مسلم| هادو هما لي قدامك وخيتي... ...
_
_
صهيب| شني كيف كان اليوم؟
شدى| باهي باستثناء ان الدكتور لزني🌚
صهيب| زمري شن قلنا شدى عاد!
شدى| مادرت شي اني هادي صاحبتي ضحكت طلعني معاها
صهيب| اي اي به صدقتك
شدى| والله☹️
صهيب| باهي انحبك❤️
شدى| انموت فيك❤️ ...
صهيب مقعمز في المحل شاد تلفونه وفاتح نت.. يتصفح في الفيس وفجأة... ...
فلنرتقِ، فلنقرأ، فلنتعلم ان لا فرق بين هذا وذاك! "لا فرق"💔 ...
يتبع...
كتابة |طه بن غربية