(20) الحلقة الاخيرة🖤 ...
خديتو العبرة؟ كانت تشوف فيه اعمى ولقاته راكع قدامها بالخاتم متمني توافق بش كل يوم ينوض علي مجرته!💙 . خديتو العبرة؟ لما كانت تقول "عبيد" في النهاية وين لقت فرحتها؟ وين لقت حبها!🖤 .
قصتنا بيضاء وسوداء كلنا.. لكن بالقلوب تتقرر..❤️ ———————————————
هديل|ممواااافففففقققققققةةةةةةة😭😭😭😭😭😭😭
فجاة لقت اسيل وشدى وصهيب ومسلم طالعين ويصفقو..
اسيل شبحت لي صاحبتها دموعها وقفو ف البؤبؤ❤️ شدى بكت.. بكت.. بكت..😭❤️ ...
مؤيد ناض وقف،
اسيل قعدت تشبحله بس.. ضمها ل حضنه، لفت ايديها حوليه وضغطت بأقوى ماعندها..
همست همس "معش بنطلقك"..
حتى هو لي كان ف حضنها ماسمعهاش..❤️ ...
قعمزو مع بعضهم ف طاولة كلهم بعدين..
اسيل| تعرفتو علي بعضكم كلكم ولا؟
صهيب| اني مزال ماعرفتش اسمه لكن نعرف ان شدى بتسيبني لأني مش رومانسي للدرجة هادي😂💔 شدى ضرباته علي ايده وقالتله "اسكت يادراه😂"
هديل شبحتله وشدت ف ايده❤️ ...
هديل| ماتوقعتش هذا كله كيف جيتو كلكم؟
اسيل| مؤيد قاللنا وحني جينا
هديل| من وين عرفتوه انتو اصلا؟
اسيل| جيت ف يوم بنزورك لقيتكم راقدين وشادين أيدين بعضكم يا حلوة😂
هديل| اي وقف معاي والله لفترة هاديكا كلها ربي يخليهولي❤️
اسيل| ييااااااييي😂
هديل| ضمي فمك😂
صهيب شبح لي مسلم قاله "وخر وخر بتخش بعضها"😂 مسلم| ياودي يا مؤيد رد بالك عليها اني بروحي نخاف منها اسيل راه😂
مؤيد| لا حتى اني نخاف منها والله😂😂
اسيل وهديل بصوت واحد قالو "ضم فمك انت واياه😒" والستة بدو يضحكو😂😍 ...
قاعدين الستة ف نفس الحديقة وهدرزو مع بعضهم وضحكو وجو.. جي اليل..
صهيب وشدى ف طرف الحديقة يتمشو..
شدى| اي حبيتهم؟
صهيب| اي اصلا تو بنختار واحدة منهم الزوز بنلخبطهم وبنفوتك😂
شدى| شششششننننننههههههوووووو!!
صهيب| نبصر عليك مانقدرش نعيش من غيرك والله❤️❤️
شدى| حتى اني صهيب☹️❤️ ...
هديل ومؤيد كانو ف نفس الطاولة مقعمزين مقابل بعضهم.. يشبحو ل بعضهم،هديل مدت ايديها علي الطاولة ومؤيد شد ايديها❤️
مؤيد| ايديك مصقعات..❄️
هديل| ديما..
مؤيد| صقعانة انتي؟
هديل| لالا وانت؟
مؤيد| لا
هديل| حلوة المفاجاة اليوم❤️
مؤيد| فرحتك؟
هديل| اي هلبا قمة الفرحة❤️
مؤيد| خلاص فرحتك بالدنيا كلها❤️ ...
مهند تزوج.. وعاش حياة اسعد من السعيدة.. (الطيبون للطيبات).. ومهند وريم يستاهلو بعضهم❤️...
———————————————
ف كرسي جنب بعضهم، ولد اسود البشرة ابيض القلب.. وبنت جميلة المظهر وفِي قلبها معنى الجمال🖤 مقعمز هو مستمتع بالنسمة، والبنت شعرها البني يرفرف🖤 "علاش الناس مايحبوش السود؟" حب يعرف رايها بسؤال.. "
حتى اني كنت مانحبش.. هو استعلاء وتكبر.. والحمد الله تخلصت منه" ردت اسيل.. "
استعلاء ب شني وتكبر ب شني؟"..
"شي" كانت إجابتها🖤
"الحمد الله انت خلصتني من الجهل هذا".. قالت هي وهو شبحلها شد ايدها وقال ...
"أأقسم بهذا الجمال ان برب هذا الجمال، سبحان من سوى كل هذا في مخلوق واحد.. من المعقد ان يكون الانسان ببساطتك.. عظيمة الشأن انتِ، اقسم بهذا! مبسمك فردوس، نقشك واحد لا ثاني له.. كوني منصفة ودعيني احبك بقدر كل هذا.. كوني منصفة وسلفيني قلبا، فقلب واحد لن يستحمل كل هذا يا اسيل🖤" ... النهاية
كتـابة|
طـه بن غربيـة
ريـان الشُّمَّـاخِي..
أنت تقرأ
لأنني أسود🖤.
Romanceالعنصرية🌒 مرض الأزمان فعلاً قولولي الفرق بين زوز أقلام واحد أصفر وواحد أحمر شن الفرق ترا !؟ الزوز من برا لوح ومن داخل رصاص الزوز غرضهم واحد "الكتـابة".... الأختلاف ف اللون 🖤 نفس القلب نفس الروح والجوهر هو الي يحدد الأختلاف مش اللون🖤 لم يولد الا...
